|
خلاص قطعت لياس مبقاش في الدنيا خير
السلام عليكم ورحمة الله تعالى وبركاته واش راني راح نهدر فريمو حاجة كاينة بغينا ولا كرهناواليوم حبيت نقولهالكم بكل صراحة انا خلاص قطعت لياس من هاذ الناس ، قطعت لياس بويسك خلاص كلش راح الحيا ،راحت النية، راح لامان ،واحد ولا يمشي يخاف من ظلوا والله فريمو راني نمشي في الطريق ونشوف حالات يحبسولي مخي ، معلاباليش اسكو انا معقدة ولا واحدة نتاع بكري ولا الشعب ثقافة وحضارة ، اليوم صح استعرفت بلي رانا في زمن نبكيو فيه على روحنا ولازم نبكيو بزاف بزاف ، وين راهم ناس بكري يا حصراه ياحصراه ، كان البابات كلمتو كلمة واليمات تشوف فيك متعرفش وين تحط راسك ، وين راه زمان كنا نمشيو في الشارع بكل فخر ودوك تمشي تخاف تشوف كاش مصيبة يبليك بيها ربي وتجي في طريقك ، علاش يا الوالدين علاش راكم ديرو فينا هكذا ، انت وانت وهي وهو وهم علاش راكم تبهدلوا فينا علاش راكم تطيحو في القدر ، ولا الواحد تقولشي راهو يتفرج في فيلم مكسيكي علاه عليكم هاد اللبسة هاد التسريحات ، وين رايحين احنا نرفعو راية لبلاد احنا لي يعول علينا ؟ ما شكيتش ، باش نفرضو راينا ونحكمو في ولادنا مقدرناش نقدرو نحميو شعب وامة ووطن ، خلاص قطعت لياس مبقاش في الدنيا خير مادام الراجل فقد الثقة في المراة ، والمراة ولات قوامة على الرجل ، مابقاش خير مادام بنتي تخرج بالفيزو وعاجبتني ووليدي يخرج بالشورت والسروال مقطع والشعر مصبوغ ويعجبني ، مبقاش لامان مادام لايهم النسب ولا الحسب ويهم المال والشكارة ، مبقاش لامان مادام لي يروح يخطب يسقسي على الخدمة والشهرية شحال ، مبقاش لامان مادام التعرف ولا شرط اجباري للزواج ، مبقاش لامان مادام رانا راضيين بهاذ الشئ وكانو نورمال ، الله يهدينا اجمعين يا رب . |
رد: خلاص قطعت لياس مبقاش في الدنيا خير
الله ......كلمات جميلة منك بالعامية
عندك الحق .....صح بهاد العقلية ما نروحوش بعيد |
رد: خلاص قطعت لياس مبقاش في الدنيا خير
ربي يهديهم يا بنتي هذا واش يجوز فيهم الي تقوليلها ديري الحجاب تقولك مازلت ماقتنعتش والي تقتنع تحرف فيه وتشوهو
|
رد: خلاص قطعت لياس مبقاش في الدنيا خير
اقتباس:
|
رد: خلاص قطعت لياس مبقاش في الدنيا خير
صح ..ما بقاش
|
رد: خلاص قطعت لياس مبقاش في الدنيا خير
شكرا على تفاعلكم
انا كنت من تلك الجماعة المحرفة فالحجاب لكني التزمت والحمد لله |
رد: خلاص قطعت لياس مبقاش في الدنيا خير
مشكوووووووووووووووووووووووورة بصح لا للياس
الحياة لن تقف عندهم |
رد: خلاص قطعت لياس مبقاش في الدنيا خير
شكرا لك حبيبتي
|
رد: خلاص قطعت لياس مبقاش في الدنيا خير
مي مزاااااااااال كاين الرجال
أو جامي يفناااااااااااو |
رد: خلاص قطعت لياس مبقاش في الدنيا خير
مزال ومزال
مي يا خويا راهم قلال |
رد: خلاص قطعت لياس مبقاش في الدنيا خير
السلام عليكم و رحمة الله تعالى و بركاته
كلامك يا أختي باين خارج من القلب و قلب موجوع صح على الحال إلي وصلنا ليه حبيت نقولك برك بلي الدنيا مازالت بخير على الأقل مادام مازال فيها الناس إلي كيها أنت لي كي يشوفو الباطل يحبو يبدلوه حتى و لو بالقلب . أنت قولتي : معلاباليش اسكو انا معقدة ولا واحدة نتاع بكري ولا الشعب ثقافة وحضارة ، نحب نقولك لالا يا ختي جامي كانت الحشمة و التربية و الخوف على الدين حاجة تاع بكري و جامي تقولي أنا معقدة لأن الكارثة الكبيرة كي يوليو أصحاب الحق يشكو أنهم هم الغالطين و على هذا ختي نقولك الله يهدي كل من ظل طريق الهدى و أنتي كملي بهذه الفطنة و جامي تسكتي على كلمة حق قاستك على خاطر عندما سكت أهل الحق عن الباطل ظن أهل الباطل أنهم على حق و في الأخير أشكرك أختي على إثارة هذا الموضوع الله يجزيك الخير و يوفقك و يرضيكي و يرضى عنك |
رد: خلاص قطعت لياس مبقاش في الدنيا خير
...كلمات زلزلتني...وليس فقط الى هذا الحد...بل اكثر...لانني ابتليت عندما كنت اجوب احدى شوارع العاصمة مع اخي الاصغر...فاذا بي ارى شابا يصرخ بوجه فتاة ليصفعها...اقسم انه لو لم يكن معي اخي الاصغر حاضرا معي لاريته من يكون الشاوي ولد الشاوي اقسم لاربينه واادبنه تاديبا لم يره في حياته...ولكن تجري الرياح بما لا تشتهي السفن احيانا...وهنا ضللت افكر واقول انا متوحش لانني اردت تمزيقه ام انه متحضر اكثر مني...فوجدت نفسي امام قول الام *اللي متربي من عند ربي*للاسف هي الحقيقة
...موظوع سيتحق التثبيت...لانه ينوه الجميع بضرورة الحفاظ على الاصالة والحشمة والعفاف... ...فقط اختاه لا تقطعي لياس مزال الخير...في ولاد بلادي...وبنات بلادي...ولاشك ان كل من حاد عن الطريق سيعود مضطرا او مجبرا لان المولى هو من شرع احكامه من عفاف وبر الوالدين وغيرها... ...اما من حاد فهو انسان مغرر به لانه يقلد الغرب تقليد اعمى...وسيصدمه الواقع بالعكس... |
رد: خلاص قطعت لياس مبقاش في الدنيا خير
مادام طرحت هذا الموضوع اسمحيلي يا أختي نوجه هذا السؤال لكل الشباب و نتمنى كل واحد يقراه يجاوبني:
السلام عليكم و رحمة الله تعالى و بركاته بالله عليكم يا شباب الجزائر أريد أن أسألكم سؤال : علاه متخليوش نيتكم صافية و تروحو طول تخطب الطفلة من باباها؟ يعني كي تتعرف عليها و تعجبك عقليتها و تحس بلي هي المخيرة و تكون ماشي هي مكتوبك واش رايح دير. و في نفس الوقت كون تتعرف عليها و متعجبكش عقليتها و تندم على النهار لي عرفتها فيه و تكون هي مكتوبك واش تقدر دير ؟ في كلا الحالتين ماعندك ما دير الله يعيشكم كل شاب يقراها يجاوبني؟؟؟ أرجوكم اتقوا الله و راجعوا أنفسكم |
رد: خلاص قطعت لياس مبقاش في الدنيا خير
اقتباس:
اولا نشات في مجتمع والحمد لله محافظ على الاصالة والثوابت يعني مهما تعجبني وحد منقدرش نرزح نخطبها حتى نكلم الوالد اذا عجبوا حسبها ونسبها ومشا معيا الحمد لله...والعكس اذا لم يوافق مانكسرش راسي نخلي الوالدين يخيروا هما كبار وعندهم الخبرة...كلامي اقوله حتى امام الوالد...بكل صراحة...واللي يقول بلي راني قديم نقولو نفتاخر...نعيش قديم... اما عن المكتوب هب كلمة واحدة كيما تقول يما بالمثل الجزائري*اللي مكتوبة فالجبين ما يمحوها اليدين*... ...والحمد لله...لدي والدين ولا اروع لانهما يسمحان لي بحرية التعبير...ولازيد على قولي فقد تكلمت مع الوالدين بهذا الموضوع...اكثر من مرة...وهما يتجاوبان معي بشكل لايصدقه احد...الحمد لله...انا مرتاح من هاته الجهة...بل هي اخر همومي...حتى... |
رد: خلاص قطعت لياس مبقاش في الدنيا خير
شكرا لكم احبابي على اثراء الموضوع
|
رد: خلاص قطعت لياس مبقاش في الدنيا خير
اقتباس:
الله يحفظلك الوالدين و يطيل في عمرهما و يساعدك على الحفاظ على هاته النعمة ويعينك على إرضائهما دائما الله يكتر من أمثالك أخي أحييك على هذا الرأي |
رد: خلاص قطعت لياس مبقاش في الدنيا خير
اختي ليس غرورا ولا كبر اخي الاكبر يبلغ من العمر 30 سنة انتظرته امي لسنوات حتى يختار فتاة وتقوم هي بخطبتها ولكن اكتشفنا هذا العام انه لم يفكر يوما في البحث عن فتاة وانما يعول عن امي صدمت امي بصراحة واحست بالذنب لدرجة انها مرضت
ولكنها الان تبحث له عن فتاة صالحة وكلها فخر ان تربيتها لم تكن فاسدة في المجتمع |
رد: خلاص قطعت لياس مبقاش في الدنيا خير
اقتباس:
|
رد: خلاص قطعت لياس مبقاش في الدنيا خير
شكرا لك اخي زمن الوصل
|
رد: خلاص قطعت لياس مبقاش في الدنيا خير
اقتباس:
...مشكورة اختاه...الله يحفظ كل ابائنا... |
رد: خلاص قطعت لياس مبقاش في الدنيا خير
اقتباس:
|
رد: خلاص قطعت لياس مبقاش في الدنيا خير
كلش من الوالدين
مشكورررررررررة |
رد: خلاص قطعت لياس مبقاش في الدنيا خير
اقتباس:
|
رد: خلاص قطعت لياس مبقاش في الدنيا خير
اقتباس:
على كل إن شاء الله توفق الوالدة الكريمة في إختيار العروس المناسبة التي تحفظ أخاك و تصون عرضه و شرفه. و بارك الله فيك و في أخوك و والديك و الله يكثر من هاته الأمثال. اقتباس:
أدام الله حرصك على مرضاته اقتباس:
نعم القدوة هو جمعنا الله به في الفردوس الأعلى. |
رد: خلاص قطعت لياس مبقاش في الدنيا خير
بارك الله فيكم
|
رد: خلاص قطعت لياس مبقاش في الدنيا خير
الله الله الله كلمااااات مؤثرة وواقعية مئة بالمئة
جمييييييل هو خطك.......صدقا صرت أخاف ظلي في الطريق لكن مازال لياس يا ريانوو و جامي لا تقطعيه بمجرد نشوفو حالة و لا 2 و لا حتى100 ما يرفعوش راسنا مناه مازالت النية و مازالت الحشمة و مازال الحياء يا الغالية تحياتي |
رد: خلاص قطعت لياس مبقاش في الدنيا خير
اقتباس:
الفضل كله يرجع لك لإثرائك هذا الموضوع الحساس الذي عجز الكثير عن الإلتفات إليه و مناقشته و هذا ليس لأنهم لم يحسوا بالألم الذي أحسستيه لا . و لكن لأنه كل واحد فينا و للأسف يقول : " تخطي راسي و تعدي " الله يهدينا |
رد: خلاص قطعت لياس مبقاش في الدنيا خير
أعيدها مرة أخرى أخي الله يكثر من أمثالك فعلا صدقت
أدام الله حرصك على مرضاته صدق رسول الله صلى الله عليه و سلم نعم القدوة هو جمعنا الله به في الفردوس الأعلى ...الحمد لله كما انا اتعايش بين وسط لازالت فيه النية او البركة والحشمة...الغني يطعم الفقير...الصغير يوقر الكبير والكبير يعطف على الصغير...ببساطة...انها السعادة في رحاب الله بكل بساطة...بعيدا عن التعقيد...الذي وجدته عندما ذهبت عند الاخوال بالعاصمة...فحتى المسجد ابعد مما كنت اعتقد...فيوم الجمعة يجب ان نذهب قبل الساعة الحادية عشر...وبالفعل يعني كنت اترك الغداء...الى بعد صلاة الجمعة... ...للاسف عدة تعقيدات حتى انني لولا اشتياقي لاهلي...ما كنت زرت العاصمة... ...الحمد لله...بلدتي كل شيء فيها سهل...المسجد قريب...وايضا نحن نذهب في جماعة الى الصلاة معا...وهذا هو ما افتقدته حين زرت العاصمة... |
رد: خلاص قطعت لياس مبقاش في الدنيا خير
معكي حق نريمانو بصح والله الحقيقة مرة
|
رد: خلاص قطعت لياس مبقاش في الدنيا خير
اقتباس:
أكيد أنه في كل مكان كاين المليح و الدوني و لكن بعض الأفكار المستورد من الغرب تجعل الصالح يتأثر بما هو شائع و يقول ببساطة : "ياخي ماش غير أنا " رغم أنه يفعل أشياء تتناقض مع ما يحسه و مع ماهو مقتنع به في داخله . الله يهدينا و بهذه الكلمة "ياخي ماش غير أنا " تبدأ تتنتشر عادة ما داخل مجتمع ما إلا أن تعمه كله تقريبا إلا من رحم ربي و هو ما يحصل للأسف في المدن الكبيرة كالعاصمة و وهران قسنطينة ... مع التأكيد بأنه يوجد دائما من يتقي الله و يتغلب على شيطانه أيا كانت الظروف و المأثرات الخارجية إن شاء الله تبقى بلدتك محافظة على القيم الجوهرية الإسلامية و العادات و التقاليد و تكون مثال طيب لباقي المدن. |
رد: خلاص قطعت لياس مبقاش في الدنيا خير
شاكرة لكم اثرائ الموضوع
|
رد: خلاص قطعت لياس مبقاش في الدنيا خير
بارك الله فيك أختي على هذا الموضوع الحساس والواقعي وللأسف مـُـر، كل الناس تتكلم ولكن لا حياة لمن تنادي، لكن الشيء الأكيد أنه مزال هناك ناس يخافون من الله ويعلمون أنهم سوف يقفون أمامه ويسألون عن شبابهم وعن تربيتهم لأبنائهم. مدام مزال الليل يدور مع النهار مزال كاين بنات وأولاد الفاميلية والرجال والنساء الحقانيين. |
رد: خلاص قطعت لياس مبقاش في الدنيا خير
رائيك صائب اخي محمد بارك الله فيك
|
رد: خلاص قطعت لياس مبقاش في الدنيا خير
...اخيرا وليس اخرا...الحمد لله...ان خصنا ببركته...ونعمته...وفضلنا على كثير ممن خلق...
|
رد: خلاص قطعت لياس مبقاش في الدنيا خير
اللحمد للــــــــــــــــــه
|
رد: خلاص قطعت لياس مبقاش في الدنيا خير
السلام عليكم و رحمة الله تعالى و بركاته
كنت أتمنى لو أن المناقشة في هذا الموضوع طالت أكثر و تمنيت أن أرى تعليقات لأشخاص من من فئات و أعمار مختلفة |
رد: خلاص قطعت لياس مبقاش في الدنيا خير
تمنيت ذلك ايضا ولكن للاسف انا لست من الاعضاء الذين يهتم المشرفين بمواضيعهم ...
|
رد: خلاص قطعت لياس مبقاش في الدنيا خير
اقتباس:
|
رد: خلاص قطعت لياس مبقاش في الدنيا خير
شكرا جزيلا لك اخي كلماتك منحتني حافزا وتشجيعا كبيرا
|
رد: خلاص قطعت لياس مبقاش في الدنيا خير
السلام عليكم
فعلا لقد شاركتينا في الجرح وبل و اثرت اوجاعه صح كما راكي تقولي و رانا و الله كامل نشكوا من هذا الشئ ما فهمنا والو واش راه صاري و واش رايح يصير اليوم هذا الامو ر حتى ناس ولاو مقتنعين بيها هاذي لي تزيد تقتلك واش نقولو من المفروض يكون كاين امر بالمعروف و نهي عن المنكر على الاقل نبعد الحجة على انفسنا == ربي يستر == شكرا على الموضوع الهادف |
| الساعة الآن 05:29 AM. |
Powered by vBulletin
قوانين المنتدى