|
عزوف البنات على الزواج بسبب ادمان على النت
السلام عليكم ورحمة الله تعالى وبركاااته https://fbcdn-sphotos-b-a.akamaihd.n...27846043_n.jpg اليوم و على غير العادة اتصلت بي صديقة وقالت لي افتحي الفايسبووك فتحت الفيسبووك والحمد لله في ذاك الوقت كنت مكملة شغلاااتي :11::11: .. قلتلها واش كااين قاتل غي اسكتي برك قااع مارانيش غااية رااني نشوف الظلمة وراني محبطة جدااااا رديت عليها ايا صاايي حرقتيلي قلبي واش كااين قاتلي بكل تحسر وارسلت لي سماايل حزين :9::9:جااني خطاب رديت عليها ايا مليح هذا شعال وانت تقارعي في هذا النهاار (لانها تقريبا في نفس عمري) قاتلي واش من مليح لايفقه شيئا في عاالم النت وراني خاايفة اذا تزوجته يمنعني من التوااصل معااكم قلتلها وشعاال وانت تقاارعي في هذا النهار باش يخطبك كاش وااحد وانت تحوسي تتهربي .. قلتلها هذا قااع ماشي سبب ترفضي به الخطيب انت استخيري و توكلي على الله و اللي فيها الخير رب يجيبها .. قااتلي رااح نرفضه وماراحش نتزوج غي المهم يخلوني ترونكيل .. على فكرة هذه البنت خاطيها توااصل مع شباب :3: الا ان حبها وشغفها لتصفح النت خلاها تنعزل عن الناس وترفض الخطااب في رايكم هل هذا هو الحل لازم الشاب اذا تقدم لفتاة انه يكون مدمن على النت سبحان الوقت الي وصلنااه بكري النسا كانو يحوسوا على واحد متدين متخلق ذات حسب و نسب و جاه ومال :14: مي دروك راااهي تحوس على مدمن نت بااش يخليها تكوناكتي بخااطرها ويتفهمها ويحسن عونها بصرااحة حتى انا مدمنة النت من الطراز الرفيع بصح هذا لايعني اني مهملة شغلاااتي يعني نكمل شغل البيت والتزاماتي مع عاائلتي ونجلس برااحتي ولكن ربنا الكبدة عليه وااش نديرو ههههههه في ميزكم الراجل يقبل بامراة مدمنة على النت اليكم الخط ياشروقيون وشروقيات |
رد: عزوف البنات على الزواج بسبب ادمان على النت
كلنا مدمنين نت لكن ادا تطلب وان جائنا خاطب فيه كل مميزات الزوج الصالح فأكيد سنرضى بحياتنا الجديدة في كنف زوج محب ومخلص لن ينفعنا النت ادا لم نكون اسرة سعيدة ولم نحقق احلامانا التي طالما تمنيناها اللهم وفقنا لماتحبه وترضاه وبارك الله فيكي اختي على هدا الموضوع تقبلي حياتي |
رد: عزوف البنات على الزواج بسبب ادمان على النت
اقتباس:
|
رد: عزوف البنات على الزواج بسبب ادمان على النت
لي عودة يا ام خيرو عندي شْغالات:8:
|
رد: عزوف البنات على الزواج بسبب ادمان على النت
اسفة جدا هجورتي قبيل فصلتلي النت اضحك الله سنك فضحتينا انا شخصيا اصرح " منتدى الشروق " يتقطع في الجماعة مع المهر
في الحقيقة هي حالات خاصة قد يكون ليس النت هو السبب الحقيقي الذي جعل صديقتك ترفض من تقدم لخطبتها فليس من المعقول ان يكون هذا هو السبب والله اعلم يبقى عامل الاخلاق هو المطلوب اسال الله ان يوفقنا ويرزقنا الزوج الصالح وكل بنات المسلمين شكرا |
رد: عزوف البنات على الزواج بسبب ادمان على النت
فعلا موضوع يستحق النقاش
انا واحدة ممن ادمنوا النت و للصراحة سيكون الشرط الوحيد للزواج هو النت ههههههه |
رد: عزوف البنات على الزواج بسبب ادمان على النت
الانسان كي يتوالف امر معين يولي يرفض اي شي يمكن ان يبعدو على ذلك الامر
و من خلال تجربتي شخصية (ليس مقياس) ما هو بعيد على العين بعيد على القلب يعني يا اختي الفاضلة لو صديقتك تبعد لمدة عن النت و ما تشوفش امامها الصفحات الالكترونية ... يمكنها ببساطة ان تتخلص من هذ الحب للنت اما فيما يخص سؤالك .. أظن انو ما ياخذ مدمنة نت الا مدمن نت .. لانو بصراحة شكون يقبل يدي مرا تهتم بالنت اكثر مما تهتم بيه .. و لكن نقولك حاجة و تبقى بيناتنا .. صحبتك ما عجبهاش البوقوض اللي جاها .. لوكان صح عجبها يكون قلبها طار و نسات حاجة اسمها نت .. لان في الاول و الاخير اي انسان اكيد يختار الواقع اذا ما خير بين الواقع و الافتراض .. شكرا اختي الفاضلة و موفقة ،، |
رد: عزوف البنات على الزواج بسبب ادمان على النت
اقتباس:
وفيك باارك الرحمان حببيتي اسعدني مروروك وردك اجميل اسال اله تعالى أن يرزقك بولد الحلال تقر به عينيك صرااحة اعجبني ردك بارك الله فيك :16::16: |
رد: عزوف البنات على الزواج بسبب ادمان على النت
اقتباس:
بخااطرك حنوونة راني نقاارع في الرد |
رد: عزوف البنات على الزواج بسبب ادمان على النت
اقتباس:
اللهم امين ياارب العالمين ماعليش حببيتي مقدرة ظروف الاترنت رااهي مخرجتنا من عقلنا ياك الخلاص بالشهر والكوناكسيون بالزهر :8::8: هههههههههه يعني منتديات الشروق اصبح شرط تعجيزي للزواج يا اماني جميل جدا وفاؤك هذا .. مانبعدوش بزااف هاهي اختنا امينة متفاائلة بالرغم انها حديثة الزواج تدخل للمنتدى عادي اكيد تزوجت وااحد متفهم جدا واكيد انها مش هااملة اشغاالها في لبيت رب يهنيها ان شاء الله فيما يخص صديقتي لقد عملت بعض التحرياات وجدت انه غير مرغووب فيه ولقات سبة غير بااش تلكيديه :8: ان شاء الله لي فيها الخير رب يجيبها حببيتي اماني رب يرزقك بولد الحلال على حسااب قلبك ونيتك امين يا رب العالمين دمت بود ومحبة |
رد: عزوف البنات على الزواج بسبب ادمان على النت
اقتباس:
راني حااسنة عونك بنيتي :8: بصح ديري في باالك حتى وان تزوجتي مدمن النت ماراحش يقبل قااع نهاار وانت تكوناكتي رب يفرحك ويرزقك بزوج صالح تقر به عينيك |
رد: عزوف البنات على الزواج بسبب ادمان على النت
اقتباس:
لا شكر على وااجب حببيتي صح عند الحق في كل كلمة قلتيها يعني قضية ولف هذا ماكان والمشكل هذي الصحبتي ماجاهاش على قوصتوها وحااولت تليكديه باتفه الاسبااب لان ادمان على النت سبب غير مقنع بااش ترفض العريس ان شاء الله اللي فيها الخير رب يجيبها تحيااتي الخالصة لك والله اسعدني ردك ومرورك العطر دمت بود ومحبة :13::13::13: |
رد: عزوف البنات على الزواج بسبب ادمان على النت
خالتو شغالاتي ما حبوش يخلاصوا :14::14::14:
راني دايرة جلبانة بالقرنون و نقارع في الكسرة تخمر باه كي يجوا العيال من مدارسهم يلاقاوها سخونة لي عودة يا طاطا خطرش عندي ما نقول في الإدمان :19::19: |
رد: عزوف البنات على الزواج بسبب ادمان على النت
اقتباس:
رب يعااااااااونك ططوشة في انتظاار ردك باحر من الجمر |
رد: عزوف البنات على الزواج بسبب ادمان على النت
يا وخدي رانا مزوجين ورانا في النت انا مدمنة نت صح وكل شهر يسلكها ابن عمي ولا ما يكلش بصح في حالات استغني عنها رحلات طلعات للتسوق نروح لدارنا وعندهم النت ونقعدش خلاص فيها نقعد بالاسبوع
هذا ليس سبب ترفض به الاخت الزواج عجيب امركن يا شابات اليومين دول موضوع هايل حبيبتي |
رد: عزوف البنات على الزواج بسبب ادمان على النت
حتي ادا كان هو مدمن على النترنت مايخليلاهاش التور باشتكونكتي ههههه
|
رد: عزوف البنات على الزواج بسبب ادمان على النت
اقتباس:
يا اهلين سهلين بالغالية ام الغالي ليك وحشة كبيرة يعني ادمان على النت اصبح ظاااهرة كلنا اصبحنا مدمنين ومانعرفش كيفاش سلاكها هههههه الا اننا واالفنا بعضانا https://fbcdn-sphotos-c-a.akamaihd.n...19449348_n.jpg بصح انا عندي في الصيف قااع مانقربهش خيرو يكون محتكر الحااسوب وزيد الضيااف وراكي عاااارفة ننسى بالي كااين قااع النت :2::8: يعني قضية ولف هذا ماكان رب يجيب الخير حببيتي ان شاء الله دمت في رعااية اله وحفظه حببيتي نرووح نحط الفطووور ولي عودة ان شاء الله |
رد: عزوف البنات على الزواج بسبب ادمان على النت
السلام عليكم
هلا بالغالية ام خيرو اسعد الله صباحك موضوع مميز مفيد وجميل لنقاش في الحقيقة انا كذالك مدمنة لكن لست مدمنة نات بل مدمنة على صديقاتي الشروقيات :8::8::10: نحبهم كي خاوتي وكثر وصعيبة عليا باش نخليهم لهذا راك يكون شرطي النات :1::1: وكما قالت الاخت امال اذا كان وليد فاميلية ومربي وميقدرش يوفرلي الشئ لي بغيتو نصبر وندعيلهم وجامي ننساهم :14::14: وكي نجي لدارنا نكونكتي :1::1: وعد شرف عمري مننسا اليمات لي جوزتهم هنا :15::7: |
رد: عزوف البنات على الزواج بسبب ادمان على النت
السلام عليكم
اولا مشكلة صديقتك بلاك مشي فالنت بذاتو ربما ملقاتش المواصفات اللي راهي حاطتها فبالها او ربما تقارن الخطيب بالاصدقاء اللي عرفتهم فالنت على هادي متقدرش تقبل بيه وهادا كامل من فعل الشيطان اللي يزين الحرام عن الحلال لنفترض انو النت انقطع عن الجزائر وش رايحة دير اكيد تطفر غير فيها هيا انصحيها طاطا ادا كان مما ترضا دينه وخلقه تقبل بيه ومتخليش مستقبلها متعلق بالنت لانو حتى ادا كان هو مدمن نت مرحش يخليها تكونيكتي براحتها بارك الله فيك وتقبلي مروري |
رد: عزوف البنات على الزواج بسبب ادمان على النت
خليها تتقلّش على قولكم هجووورة:8:
فإذا أحسّت بخطر العنوسة طلّقت النّت بالثّلاث و قبِلت بأوّل خاطب شاكرة لك طرحك المميّز غاليتي مودّتي:13: |
رد: عزوف البنات على الزواج بسبب ادمان على النت
اقتباس:
وعليكم السلام ورحمة الله تعالى وبركاته الله يديم محبتك بصديقااتك ويجمعكم الله في رحاابه ان شااء الله شكرا حبيبتي بووح لردك في متصفحي رب يرزقك بولد الحلال على حساب قلبك اقتباس:
وعليكم السلام ورحمة اله تعالى وبركااته هههههههههه والله غي عندك الحق هي لي خااسرة على العموووم رااهي كبيرة وتعرف صلاااحها بصح على حسب قولها ماعحبهاش بعض الصفات اللي فيه واهلها مصروون عليها بااش تقبل لانها كبرت ورااح تعنس رب يجيب الخير ان اشاء الله ادمان على النت دارته غي سبة بااش ترفض تحياتي القلبية اختي بسمة اسعدني مرورك هنا بارك الله فيك اقتباس:
وااه عندك الحق خليها تتقلش على روووحها هي اصلا عنيدة وماتسمعش الكلام راح يفوتها قطار الزواج و طفرها في رووحها هي الخااسرة اسعدني مروروك حوريتي بارك الله فيك |
رد: عزوف البنات على الزواج بسبب ادمان على النت
السلام عليكم و رحمة الله. لاحظت أن ادمان الجنس اللطيف على النت أصبح يفوق ادماننا نحن الرجال و خصوصا النساء الماكثات بالبيت مساكن ربي يشافيهم. و أتذكر قصة زميلة متربصة معنا في العمل عندما أنضمت الى الشركة لم تكن تحسن استعمال الكمبيوتر أو حتى دخول الى الأنترنت و لكن بمجرد أن تعلمت أول شيء فعلته سجلت نفسها في الفايس بوك و منذ ذلك اليوم لم تخرج منه المسكينة أدمنت عليه. و قاعدة تقول اذا زاد الشيء عن حده انقلب الى ضده. لا أعتقد أن الادمان على النت يؤتر بشكل كبير على عزوف البنت على الزواج بل هناك أسباب كثيرة منها ما يتعلق بالجانب المادي. شكرا أختي الفاضلة. |
رد: عزوف البنات على الزواج بسبب ادمان على النت
اضحك الله سنك حبيبتي
اختي قالت لخطيبها شرطي دخل لكونكسيون قالها علاش قاتلو كي نتوحش ماما نهدر معاها في السكايب ونشوفها قالها ايا خلاص مشات معاك هي فرحت و هو قالها كي تتوحشيها نديك تشوفيها حتى بعد نص الليل هههه شريييير :14::14: اه ماقدرتش عندي ضحكات كثيرة في هذا الموضوع و ماقدرتش :14: |
Re: عزوف البنات على الزواج بسبب ادمان على النت
|
| الساعة الآن 06:09 AM. |
Powered by vBulletin
قوانين المنتدى