|
من سيربح الصندوق؟
من سيربح الصندوق؟ 32/13/2024 السؤال الاخير و المهم من اللعبة هو كتالي من الذي كان رئيس الجزائر و فاز في انتخابات افريل 2014 منذ عشر سنوات ؟ الاختيارالاول : بوتفليقة//.......... //الاختيار الثاني : لويزة حنون الاختيار الثالث: لم تجرى انتخابات في 2014 // .............// الاختيار الرابع :بن فليـــــــس اقتباس:
المواطن الاول "من دارو ما يخرج" : سمحولي ما نقدرش نجي .... منشط الهردة : لا عليك سنجيب نحن مكانك و مكان كل من يغيب... و المستقبل سيصنع بكم او بدونكم(نبكي عليك زعما) المواطن الثاني "ديما يخرج ..60 سنة و هو يخرج " : أنا ما نيش شافي بصح الشي اللي شفيت عليه بزاف ما بين هادو هو بوتفليقة و بومدين ايه كون نحكيلكم يام الساليغان و اللاندوشين ..... منشط الهردة : شكرا شكرا ايها الشيخ الكريم و الله ايطول في عمرك (بلاك نستحقوك في عهدة اخرى) المواطن الثالث : " ديما غايب" : 4 سنين و انا غايب ماني حافظ والو و الاجابة في 30 ثانية صعيب بزاف و انا ضعيف فالتاريخ سيرتو . العد التنازلي : 25 ثا....15ُثا ..10 ثا ...5ثا منشط الهردة : بصوت خافت : تقدر تغش... تقدر تغش (جنيراسيو تاع الغش، تعرفوا غير العتبة) 00ثا طم طم انتهى الوقت للاسف الشديد انت تعتبر ورقة بيضاء .نرجوا الا تغيب 4 سنوات اخرى ، قالو في قلبو (كون غير ماتزيدش تجي ) المواطن الرابع (فايق زعمة ):باينة السؤال فيه فخ ، لم تجرى طبعا و الدليل ان و لا واحد من هؤلاء يحكمنا اليوم(2024)... منشط الهردة : سنعتبر اجابتك مشطوبة و اخطيك من السياسة نصيحة من عندي ياخي عباد المواطن الخامس : كان بن فليس الخارق و كان فوزا ادخل البلد التاريخ رغم الاعادي و الايادي الغادرة اذا لم تخني الذاكرة منشط الهردة : حتى و لو كنت صح و التاريخ صح نزوروه نزوروك و روح خف و ماذا بيك تجاوب قد السؤال و بس المواطن السادس: "جابوه دراع": قبل حتى ما يسمع السؤال صاح عاليا بوتفليقة بوتفليقة ... عهدة رابعة عهدة رابعة. منشط الهردة : احسنت احسنت و ما تنساش الزردة من بعد و لا نقولك فالكار نعطوكم كاسكروط كاسكروط المواطن السابع : " مرشح مشاكس " انا احتج عن السؤال، اين اسمي بين هؤلاء ؟ و عليه: لا انا و لا اتباعي سيجيبون !!!! منشط الهردة : انت ممنوع دستوريا و اتساءل كيف سمحوا لك الدخول للاستوديو اصلا ... المواطن الثامن : " و عقدنا العزم ان تحيا الجزائر" جبهة التحرير اعطيناك عهدا طرم طرم طرم منشط الهردة : هكذا هم ابناء الجزائر البررة واقفون واقفون نكثرولكم الزلابية في رمضان ان شاء الله.......... المواطن التاسع " خطونا يا الدولة خطونا " اخطووووونا منشط الهردة : شبيبة ضايعة و ايقولك تسليم المشعل ياخي حالة ، راهو زاطل جاوبو في بلاصتو بلا ما نوصي المواطن العاشر : "المقاول مول الدشرة" : لحم كتافي منو، انه رجل المصالحة و المسامحة رجل كُوول ووَكََّلْ والاجابة راك عرفها منشط الهردة: ربي ايزيد الخير و 5 في عين الحساد و كاش ما ستحقيت مازلنا هنا "بنوكنا ديما مفتوحة" الدا الحادي عشر : جامي جامي و مانشاركوش و شكون قالك اصلا ادخل هنا ، لا نريد ان تطرحو علينا اسئلتكم هذه ، نحن لا نعترف بتاريخكم المزور منذ الثورة . منشط الهردة : on se calme يا اصدقاء المنطقة صعيبة فلا تتعاملوا معهم بالعنف ، على كل هذا لن يؤثر و المقاطعة حق مشرووع و مكفول للمواطنين . اذا خرجنا هنا ب5 بالمية قاع رانا ملاح الثاني عشر : "من خاف سلم و الموالفة خير من التالفة" : ما صبناش كيفو و مشفناش غير هو و نشوفو غير اليتيمة وزادونا النهار ما نقراوش الجرنان و خاطينا البوليتيك و البوليتيك غير ايعييك و اللي كان رئيسنا داك الوقت كان بوتفليقة و و اللي فيه الخير ايجيبو ربي والله يهدينا و يهديك منشط الهردة : ها الهردة عفوا ها الهدرة ، ها الشعب ,,,,,, في جهة المواطنات مواطنة واحد : نقولك و كلي فخر بوتفليقة يقلع الضيقة و يا و كنت من الثقبة تاع الباب ما نقدرش نشوف و اليوم حمدووووووووو الله ، راجلي ولى في يدي كي .... الخلع و الكوطة و لا ليبرتي و حتى الحفافات فالبرلمان و كي نتفكر 8 مارس و شاب يزيد نبكي على دوك ليام و احتج فقط على الفصل بيننا و بين الرجال هنا فالاستوديو و هذا خرق لدستور جمهوريتنا منشط الهردة :تصفيقة على المرأة الجزائرية و كل هذا بفضل نضالكم الطويل و بوتفليقة و طلبكم على رؤوسنا مواطنة 2 :" امراة شجاعة" لا لا راك غالط و راكي غالطة و ماشي قاع الخضرة حشيش و كلمة نضال كبيرة عليكم واحنا لي قهرنا اسياد اسيادكم و حنا لي خليناك انت و هي احرار بعدما كنتم حفيانين عريانين و احنا لي كلاو من لحمنا باش ما ياكلوش من لحمكم .... يا خسارة كلمة جزائرية فيك وفيه منشط الهردة: حط راسو و عرف قدرو و عرف حقيقتو و شعال يسوى و تمنى لرض تنشق و تبلعو لكن وجهو ممسوح من زمان و قال شدة و تزول و قال au suivant مواطنة مهاجرة : pardon j'étais absente il y a une quinzaine d'années منشط الهردة : لديكي نقاط مساعدة من بينها الاتصال بشخص ما يساعدك المهاجرة: ساتصل بالزوج في باريس الزوج على الهاتف من باريس : و ياو خطوني نسيتكم ديجا علاش تفكروني بالبلاد منشط الهردة : للاسف الشديد اجابتك ملغاة و ورقتك بيضاء و باينة زوجك كان حراق المواطنة المهاجرة : لا لا هو جراح كبير في مستشفى فال دو غراس منشط الهردة : جزايري !!و جراح كبير في فال دو غراس!!! غريب جدا!!! المهم احنا وصلنا ليه قبلو :8: مواطنة ثالثة : ما كان لا عدس لا لوبيا ما عندي ما ندير للعشا اليوم بلاك من بعد ايجبوه و ما راحش نشارك هاد المرة و ساشارك في الحلقة القادمة ان شاء الله على مول اللوبيا و العدس منشط الهردة : قلنالكم جاوبو قد السؤال و في السوق ما كانش غير هادو كاين الحمص كاين البرقوق و الطعام "الكسكس" و البطاطا فيها فيها و هي الرقم واحد و اذا قفرت البطاطا نجيبولكم اللوبيا ... و علاه جيتي اصلا. " ورقة بيضاء" آلي ديقــــ...ا..ج مواطنة رابعة و اخيرة : بحرت لها وطالبت بحذف الاجابتين فلم يبقى من الاجابات الا بوتفليقة //,,,,,// و لم تجرى انتخابات بالنسبة للشعب زادت بحرت لها تاني منشط الهردة : عندك جوكير اخر هو راي الجمهور بوتفليقة 20 بالمية //,,,,,,,,// لم تجري انتخابات 80 بالمية منشط الهردة : ركزي جيدا راي الجمهور شيء و الاجابة الرسمية شيء آخر و ساساعدك لانك الاخيرة: هو اسمهه يبدأ بالباء و فيه القاف و اسمه الاخر عبد العزيز المواطنة الرابعة : بوتفليقة اذن اليس كذلك ؟؟ منشط الهردة : شكرا لك و لا يحق لي الحديث عن ذلك قبل الفرز و مصادقة المجلس الدستوري نحن على الهوا و العالم يشاهدنا ( ودي عايزة كلام) مواطن فوق العادي : طوارئ ، سيارات سوداء ، الاستوديو محاصر ، الصحافة اكثر من الجمهور ، المنشط يرتعد من الخوف و كله ترحاب : مرحبا بسيدنا مرحبا ، مرحبا كذلك بسيدنا الصغير ( oh كي راك شباب ، صدق من قال ذاك الشبل من ذاك الاسد)، المنشطات (الموظيفات) كلهم ابتسامات و اقفين في استعداد المواطن فوق العادي يبتسم في وجه الكاميرات ينظر الا السيد الصغير كي يجيب مكانه كيما العادة منشط الهردة : تفضل تفضل خوض وقتك ، اشرب حاجة و انتا تجاوب ..... 100ثا ......200ثا....300ثا العداد اصبح بقدرة قادر تصاعدي !!!! Papa السؤال هادا شايفو بصح انسيت الاجابة السيد الكبير: احم احم السؤال هدا انا درتو و انا ارسلتولكم للحصة من قبل و الاكيد الولد كان صبيا ايامها و انسا الاجابة ، اه يا وليدو كيفاش نسيت عموووو و الاجابة انا درتها و هاد الجمهور و الكومبيوتر لازم تغيروهم لانو النتائج كانت المصوتون 68 بالمية و 5 منها ملغاة //و الغائبون 32 بالمية من المصوتين : 78 بالمية بوتفليقة ///15 بالمية بيضاء //// 6بالمية بن فليس /// 1 بالمية لويزة السيد الصغير : آآah تفكرت ! انه عمو و العهدة الرابعة منشط الهردة : و الاجابة صحيحة يا لها من عبقرية ، انه عمو و العهدة الرابعة و انتظروا سؤال الحصة القادمة : من الرئيس الذي خلف بوتفليقة (نقطة انتهى)بعد عهدته الرابعة ؟ قبل ذلك نعلن المواطن فوق العاديو ابنه و حاشيته و فريقه فائزا بالصندوق و شكرا لكم ومتنساوش مع العهدة ديما الزردة .... |
رد: من سيربح الصندوق؟
راك جبتها يا خويا أحمد ولكن التاريخ سيكرم كل كريم وسيلعن كل لعين والله فإن التاريخ لن يرحم احدا والمية تكذب الغطاس واللي حب يموت على الكرسي يلقى مولاه على كرسي ولكن نتمناه فقط ألا يكون كرسي من نار |
رد: من سيربح الصندوق؟
السلام عليكم
سنفونية تليق ان تمثل كمسرحية وتبث على التلفزة الجزائرية ليشاهد كل جزائري ومواطنة ابية وتعلن انتفاظة مليونية ضد العهدة الرابعة المهزلية لتتحرر الجزائر من مسخرة كارثية وتنجو البلاد من عاصفة ربيعية وتسلم من مملكة بوتفليقية تحية اكبار لقلمك العاطر سلمت لنا اخي |
رد: من سيربح الصندوق؟
طرحت الفكرة بأسلوب ساخر وجميل شكرا لك |
رد: من سيربح الصندوق؟
اقتباس:
نهار و فايت و يعود الصراع بينهم داخل صالوناتهم المغلقة و هواء دزاير يتنقى شوية ... |
رد: من سيربح الصندوق؟
اقتباس:
الانتفاضات لن تنفع لانو في النهاية لن نجني لا بلح اليمن و لا عنب الشام و تحية لليمن المقسم و الشام المدمر أوافقك في كلمة مهزلة و كأن هؤلاء و في زمن العالم القرية و زمن الثورات و الاعلام المدمر لا عقل لهم و صح هم اغبياء و "حابسين" و لو مكانوش حابسين ما دارو سلال ناطق باسمهم .....و يفعل الجاهل بنفسه ما لا يفعله العدو بعدوه و بجهلهم هذا لن يتوانو في تدمير البلد و تقسيمه ... ربي راه يكشف فيهم و عينينا تشوف تحية تقدير اليك اختيي الفاضلة |
رد: من سيربح الصندوق؟
اقتباس:
هادو قاع حنا الشعب و منشطوا الهردة هذه المرة سيكونون ربما اكثر من الشعب المنتخب و القائمة تفوق قائمة حاليلوزيتش :8: دفاع ,,,هجوم ,,,و سط ميدان ,,,حراس مرمى ,,,,و حتى قائمة للاحتياط بما فيهم المغضوب عليهم |
رد: من سيربح الصندوق؟
راح نهبلو مع هذا الفوط ربي يستر
وين نروح الهدرة غير عليه عيييييييييييييييييييينننننننننننننننننننننننننا من الهدرة |
رد: من سيربح الصندوق؟
اقتباس:
هوما داروها حنا علاه لازم لمستقبل البلاد والعباد نهار و فايت كون غير داروها مع لا كوب دي موند نحكو على فغولي و نقطعوا في مبولحي |
رد: من سيربح الصندوق؟
اقتباس:
والله عينا من السياسة والهدرة السمطة الي ما تزيد ما تنقص غير الهم:9: واش يوصلنا حتى 17 افريل مشكوررررررررررررر على الطرح |
رد: من سيربح الصندوق؟
اقتباس:
|
رد: من سيربح الصندوق؟
اقتباس:
كل منشوف الصورة هاديك نستشفى في سخفيي قناة الاستحمار ههه --- |
رد: من سيربح الصندوق؟
اقتباس:
المهنية في بث خطابات احد المترشحين لساعات و ساعات دون الاخرين ,,, صحيح فلقد كانوا ضحية مهنيتهم و للشهرة ضريبة , |
رد: من سيربح الصندوق؟
اقتباس:
بن فليس اليوم شفتوا فاليتيمة في احد التجمعات قالهم راهم ايقولوا " ما شفناش غير هو و ما نعرفوش غير هو !!!!" قالهم ليه انا جيت ما المريخ ... قالولكم جيت مالمريخ :8: |
Re: من سيربح الصندوق؟
|
| الساعة الآن 08:29 AM. |
Powered by vBulletin
قوانين المنتدى