قال فيكن....( ما ديروش عليه ...مجذوب)
ما ازين النسا بضحكات لو كان فيها يدوموا الحوت يعوم في الماء و هما بلا ما يعوموا سوق النساء سوق مطيار يا داخله رد بالك يوريوا لك من الربح قنطار و يديوا لك راس مالك يا اللي تعيط قدام الباب عيط و كون فاهم ما يفسد بين الاحباب غير النساء و الدراهم بهت النساء بهتين من بهتهم جيت هارب يتحزموا باللفاع و يتخللوا بالعقارب كيد النساء كيدين و من كيدهم يا حزوني راكبة على ظهر السبع و تقول الحداء ياكلوني حديث النساء يونس و يعلم الفهامة يديروا شركة مع الريح و يحسنوا لك بلا ماء وحدة رخيصة بميات ألف وحدة غالية بجلد قعود وحدة تجيب الخير معها وحدة تطرده بعمود لا يعجبك نوار دفلة لا يعجبك نوار دفلة لا يعجبك زين طفلة حتى تشوف الفعايل |
رد: قال فيكن....( ما ديروش عليه ...مجذوب)
السلام عليكم آه ي مجذوب قال عليك الشيخ درياسة لي حبوه النسا يجلبهم بالمسايسة ولي كرهوه النسا ما ينفعو في الحرب سلاح
سنرى من منكن لها الموهبة في الملحون لترد عن هذا المجذوب شكرا عمو ابو اسامة |
رد: قال فيكن....( ما ديروش عليه ...مجذوب)
لا يعجبك نوار الدفلى ....في الواد داير الظلايل
و لا يعجبك زين الطفلة ....حتى تشوف لفعايل ان كيدكن عظيم اكيييييييد |
رد: قال فيكن....( ما ديروش عليه ...مجذوب)
http://www.diwanalarab.com/local/cac...-151-3ec14.jpg
يتحزموا باللفاع و يتخللوا بالعقارب ( هذي واعرة يا المجذوب بصح صحيحة ) باينة الشيخ المجذوب مات ممحون من سوڤ النْسا :14::14: |
رد: قال فيكن....( ما ديروش عليه ...مجذوب)
الشيخ أبو أسامة بصدق و من دون لف و دوران هاذ المجذوب راه صادق في ياسر حوايج قالهم هههههههههههههه مسكين باين دومار قلبو كبير بسبب النساء |
رد: قال فيكن....( ما ديروش عليه ...مجذوب)
اقتباس:
السلام عليكم المجذوب قال كلمات..... بيهم سكّت لحرايـــر بيديهم نكسو الريـــات..... وأنا حسبتو كان جاير |
رد: قال فيكن....( ما ديروش عليه ...مجذوب)
اقتباس:
وأنا من كنت حاسبك يميني....نضرب بيك وقت الشدايــــد ما دريتك يا دايمة تحشميني...ولبيت مجذوب تعلي لعمايد |
رد: قال فيكن....( ما ديروش عليه ...مجذوب)
اقتباس:
يا أمينة خليك محضر خير ..... وعلى حوا لا تجــــــوري الدونية في لثنين تصيــــر ..... حق، لا تلفي ولا الدّوري |
رد: قال فيكن....( ما ديروش عليه ...مجذوب)
اقتباس:
، ، ، ، ، ، http://4.bp.blogspot.com/-RpYHUic8dU...16729530_n.jpg |
رد: قال فيكن....( ما ديروش عليه ...مجذوب)
اقتباس:
هههههههههه عندك الحق شيخ أبو أسامة كاينة منها الدونية فيهم في ثنين أنا برك علقت على كلام المجذوب دون الرد عليه بما يضاد كلامه و ما نخبيش عليك تعاطفت معاه على خاطر حسيتوا مكوي مسكين على كل هاذ المشرارين لو كان غير يتزاوجو مع بعضاهم باش يتعايشوا و يتعاشروا و ما يتضروش الطيبين بشرورهم في النص |
رد: قال فيكن....( ما ديروش عليه ...مجذوب)
مانيشي اعدوك يا أم الحنـــــــــــان*** أو كلمة اعدو خرافة مـــــــــــــــــــرة قالوها شي ناس ناقصين إيمـــــــان*** ماليهم لا دين ماليهم خبـــــــــــــرة كيفاش انعاديك وانايا إنســــــــــــان*** ما بيدي لا خير لا شرلا قـــــــــــــوة كلنا بشر خالقنا الرحمـــــــــــــــــان*** ويوم اخلق آدم اخلقو حــــــــــــــوة وانايا ابلا بيك ما عندي بيــــــــــــــان*** وما ليا وجود فالدنيا مــــــــــــــــــرة ياك انت الأم و انتيـــــا الحنــــــــــان*** وانت لخيا وانت القـــــــــــــــــــــــرة وانت لبنية وانتيــا البستـــــــــــــــان*** صانعت لبطال سموك حــــــــــــــرة خدامة ارجال ربايت صبيـــــــــــــــان*** عمارة البيوت انتيا الــــــــــــــــــذرة هاو ذكرك الله خلــدك فالقــــــــــرآن*** واجعلك سورة للأبد تتـــــــــــــــــلى او عنك وصى صادق الليســـــــــــان*** وذكرك فالحديث والأية تقـــــــــــرى او تحت اقدامك هاو دار الجنــــــــــان*** وافضلك علأ ب لثالث مـــــــــــــــرة وصانا بالخير عنكم يا نســـــــــــــوان*** وما يجحدها غي الكافر العــــــــــرة شكري الإسلام حرك ملوثــــــــــــان*** انت حية ودفنوك هاذوك الكفــــــرة واحمدي العظيم وشكري الديـــــــان*** وانعلي الشيطان وخروج البــــــــرة والبسي حجاب السترة و لـمـــــــان*** ولي فرضو عليك عالم لـمضـــــــرة او طيعي الزوج عامليه بالحســــــان*** كونيلو فالبيت كنز و قـــــــــــــــــرة وعندك تنويه مفتـــاح الجنـــــــــــان*** هاورضاه اعليك اكبر مســــــــــــــرة او بلاكي ايغروك حزب الشيطــــــان*** هاي الدنيا ايام صبري يا حـــــــــــرة تصبري أيام تلقاي الجنــــــــــــــــان*** ثما خديجة و فاطمة الزهــــــــــــرة هاي الدنيا ايام بصفتـــها امتحــــــان*** ويسعد الزارع لي ختار البــــــــــذرة والدنيا ما ادوم او مافيها امـــــــــــان*** والموت اقريبة لا عالــــــــــــــم درى وبلاكي ايغروك هاذوك الشبـــــــــان*** و نصبيك مكتوب ما تديه اخـــــــــرى ميغرك كاهن ميدوخك قـــــــــــــزان*** لو كانو ينفع هاو لضرو بـــــــــــــــرى ومكتوبك يوصل لو بعد الحيطــــــــان*** والأمر مقضي و القلم اجـــــــــــــرى حافظلي عالصلاة و طيعي الديـــــان*** من بعد الهموم تاتي اليســـــــــــرى انتلاي في وصايتي وتبقاي في لمان*** دعيلي فالسجود من فضلك يا مـــرى |
رد: قال فيكن....( ما ديروش عليه ...مجذوب)
اقتباس:
المجذوب فهمتي عليه .... وبالطيب عطّرتي كلامو وعمو مسكين حقرتيــه .... وبمشاغب درتي قوامو |
رد: قال فيكن....( ما ديروش عليه ...مجذوب)
اقتباس:
شاعر فحل وكلامو مزيان *** وبالحق يليق لكل حـــــــــــــــرة تستاهل والله أم الحنــان *** وتشكر أم محمد على ها الــدُرّة |
رد: قال فيكن....( ما ديروش عليه ...مجذوب)
اقتباس:
المجذوب مسكين مجذوب ****** و انت مالقيت ما تڤول :8: http://montada.echoroukonline.com/im...ine=1392538345 |
رد: قال فيكن....( ما ديروش عليه ...مجذوب)
تحياتي لكل الحرااااااير اللي مروا من هنا ،،، و على رأي الخال ماديروش عليه مجذوب *___________^
|
الساعة الآن 05:13 PM. |
Powered by vBulletin
قوانين المنتدى