منتديات الشروق أونلاين - سكاتش دروج البـــــاطيمـــــــــا- الحلقة الاولى -

منتديات الشروق أونلاين (http://montada.echoroukonline.com/index.php)

- المنتدى العام (http://montada.echoroukonline.com/forumdisplay.php?f=104)

- - سكاتش دروج البـــــاطيمـــــــــا- الحلقة الاولى - (http://montada.echoroukonline.com/showthread.php?t=272080)

سكاتش دروج البـــــاطيمـــــــــا- الحلقة الاولى -

السلام علييكم

احبابي اليوم حبيت نشارككم سكاتش من انشائي راه يدور في مخي قلت نديروا متسلسل على شكل 15 حلقة للايام المتبقية في رمضان
المهم القصة تحكي على دروج البطيما
http://im88.gulfup.com/KgrdJK.jpg
هذي الباطيما فيها 6 طوابق يعني 12 مسكن
وبالتالي 12 عائلة كل عائلة من ولاية معناتها عندنا 12 ولاية
وكل العائلات تاع عسكر يعني الباطيما تاع عسكر ومع عائلاتهم

على بركة الله نبداو

سبولة(بسكرية): واقفة فالدروج صباح الخير تاسعديت وش صبحتي؟
تاسعديت(تيزي وزو ماهيش ناطقة العربية مليح ): الصباح النور راني صافان وانتيا
خرجت الصامتة( من بريكة ) : صباح الخير واش راكم ملمومين ق الخير
جا طالع الخير وليد لويزة ( الوهرانية ): صباح الخير الشيبانيات كي راكم غايا
سبولة : لباس ا وليدي روح الله يفتحها في وجهك
تاسعديت /: رانا ملاوح .... ملاح....
الصامتة : في رحمة يا وليدي قل لمك تهبط رانامدايرين قصرة
سبولة : اهيه وش درتي فيها الصامتة نروحوا
الصامتة :وين بيها وين انروحوا؟؟
سبولة نسيتي : يخي رايحين للحمام كشما ندبروا وحيدة لمصطفى وليد ختي .
الصامتة : ااااااا تفكرت والله ق نسيت ما شاورتوش خلي لقدوة يجي نسقسيه ونروحو.
تاسعديت : وعلاه ما تخطبيلوش حنان بنت فريدة ( من عنابة)
سبولة : شوف اسيدي بن ختي نخطبلو هذيك العوجة لاه وش يعجب فيها زينها ولا فحالتها نهار كامل وهي لبرا شيعت خدامة
الصامتة: حاجة الزين ماهيش راها راها بصح راهي تدخل شهرية كبيرة تعيشوا وتزيد فوقوا
سبولة: وش قلتي ا لالة تعيشوا؟؟؟ علاه ما علابالكش بلي وليد ختي فرمسيان الله الله وعندو دار خير من داري والطول والعرض قدو قد الباب نجيبلو عوجة هذا ما بقا
تاسعديت : وهذان كي عاد فارمسيان علاه ما يروحش يشوف كاش طبيبة ويتهنى
سبولة: ا خلايا حنا عندنا الراجل راجل حرمة ونيف وليد ختي السي مصطافة يشوف مرا
الصامتة: كان عاد صح كيما راكي تقولي بدارو وفرمسيان انا عندي بنت خويا لبة زين وفحالة كل صبع بصنعة .
سبولة : قارية ؟؟ وخدامة؟؟
الصامتة : وش يدير بالخدامة يندب بيها بنت ختي واصلة للباك وحبست ما حبتش تعقب ...

جا سيد علي يجري ماما راه جا عمو كريم

الصامتة : ادخلو يا نسا خلو طريق عيب علينا

جا كريم دخل لداروا( راجل تاسعديت )
ولاو خرجو النسا
الصامتة : وش قلتي ا اسبولة نشوفهالك ؟؟
سبولة اواه لالا ماهيش قارية
الصامتة : تاع وجهو الزين الي في بنت خويا تاع سفير ولا وزير ماعندوش السعد ولد ختك هذا

والى الحلقة القادمة

1 عائلة الصامتة من بريكة
2عائلة تاسعديت تيزي وزو
3عائلة سبولة بسكرة
4 عائلة لويزة وهران
5 عائلة فريدة عنابة
6 عائلة الطاوس قسنطينة
7عائلة نوة تيسمسيلت
8 عائلة نعيمة سطيف
9 عائلة نونا ميلة
10 عائلة نوال جيجل
11 عائلة عيشوش العاصمة
12 عائلة فايزة خنشلة .
انتظرونا غدا بعدد جديد

رد: دروج الباطيما

أووووووووووووووووووووولالالالالالالالالالالالالالا لالالا

هههههههه

والله محاينك كبار صح

هههههههه

فووور فووور فووور

الله بارك ريان كملي كملي

فكرة و سيناريو 10/10:16::16::16::16::16::16:

في انتظار القادم