منتديات الشروق أونلاين - سكاتش دروج الباطيما -الحلقة الرابعة-

منتديات الشروق أونلاين (http://montada.echoroukonline.com/index.php)

- المنتدى العام (http://montada.echoroukonline.com/forumdisplay.php?f=104)

- - سكاتش دروج الباطيما -الحلقة الرابعة- (http://montada.echoroukonline.com/showthread.php?t=272350)

سكاتش دروج الباطيما -الحلقة الرابعة-

السلام علييكم

احبابي اليوم حبيت نشارككم سكاتش من انشائي راه يدور في مخي قلت نديروا متسلسل على شكل 15 حلقة للايام المتبقية في رمضان
المهم القصة تحكي على دروج البطيما
الحلقة -4-
http://im88.gulfup.com/KgrdJK.jpg
هذي الباطيما فيها 6 طوابق يعني 12 مسكن
وبالتالي 12 عائلة كل عائلة من ولاية معناتها عندنا 12 ولاية
وكل العائلات تاع عسكر يعني الباطيما تاع عسكر ومع عائلاتهم

على بركة الله نبداو

لويزة : صح سمحولي .. كي راكم غايا ؟ والله هاذا البز رح يهبلني ساعة ما جا ما جابلخبز ...
جا طالع لهواري
لويزة : وين كنت انت باغي تهبلني ..شا غادي نديرلك انا ضرك
هواري : شا صرالك رحت نشري و جيت
لويزة :.ادخل درك نجيك .
الطاوس : كي عاد معليكمش انا نروح نحط لغدا
عيشوش : حتى انا نروح ايا بالسلامة
جات طالعة نعيمة السطايفية : اهلا لويزة وشراكي لباس ؟
لويزة : راني غايا وانتي كي راكي؟
نعيمة : ههههههه نقولو الحمد لله
لويزة : نسقيك يخي نتي طبيبة راسي يسطر عليا سا نديرلو
نعيمة : وراسك يضرك ديما ولا الا اليوم
لويزة: اه يا ختي ديما ديما غادي نهبل
نعيمة: انا وش نقلك اشربي دوليبران وارواحي عندي غدوة للسبيطار نديرلك اغدونونس
لويزة: ودوليبران هذا دوا ولا واش؟
نعيمة : هههههه دوا دوا ابعثيلي هواري للدار نبعثلك 2حبات
لويزة : كي عاد هك انا نروح تلاي في روحك
نعيمة : حتى انا نروح تهلاي ..
جات هابط كريم راجل تاسعديت القبايلية : اهلا دوكتورا صافا بياس ؟
نعيمة لباس لباس الحمد لله
كريم: راهم قالو صرات با9ار وجابولكم لولاد مجروحين صح؟
نعيمة والله ما شفت بصح سمعت جابو خرين مجروحين بالماس
كريم : ايه تكون هكاك امالا انا نروح صحى غداك
نعيمة يسلمك تعيش ساللي على تاسعديت
دخات نعيمة لدارها
خرجت الصامتة تجري : راحت عند سبولة
سبولة سبولة ديري الشروق فالتيليفيزيون راه خويا عمر الخضار مترشح يولي رايس راهم يوروا فيه
سبولة: خوك نتي رايح يولي رايس؟؟
الصامتة: والله ق خويا ديري وشوفي
سبولة ه ارواحي نشوفو كيف كيف :19::19::19:
عمر فالتلفاز: انا رايح نديرلكم ال9از والزوالي نخدموا والفقير نعطيه كلش باطل والخضار نرجعوا طيار صوتو عليا نبنيلكم ديار فوتوا عليا نسلككم مليار انا ندور نخدم الشعب نخرجو من القمة الشعب راه رايح نرخس فالتبن وال9مح رايح السكر يولي بلاش
البنان يعود يطايش
صوتو عليا تولو لباس جيت انحلكم تكسار الراس
انا خير من بوتفليقة انا قادر ندير السلام
بن فليس معايا ما يبانش انا نخدم الصحافيون والتلفزيون وال طبا نديرلهم سبطارات
وكثر القطارات
وانح السارفيسات ونكثر الجينافات
....

يتبع غدا

1 الصامتة من بريكة .
2عائلة تاسعديت تيزي وزو
3عائلة سبولة بسكرة
4 عائلة لويزة وهران
5 عائلة فريدة عنابة
6 عائلة الطاوس قسنطينة
7عائلة نوة تيسمسيلت
8 عائلة نعيمة سطيف
9 عائلة نونا ميلة
10 عائلة نوال جيجل
11 عائلة عيشوش العاصمة
12 عائلة فايزة خنشلة .
انتظرونا غدا بعدد جديد