|
يا لاهي بالناس
يا لاهي بالنس أسْتَخْلَصْ الدَّرْسْ يَا دْمَاغِي من الوَقْتْ وْحَالُه * كُونْ لْبِيبْ وْ خَدَّمْ العْقَلْ احْذَرْ بَالَكْ ذَالزَّمَانْ رَاهِي كَثْرَةْ اهْوَالُه * وَ الدَّهْرْ رَاهْ يَغَرْ بِمَنْ غْفَلْ مَا تُوْجَدْ اليُومْ لا صْدِيقْ لا صَاحَبْ تَلْجَاء لُه * لا من تْقُولْ يَخفْفْ الثَّقلْ زْمَانْ النَّخْوَة رَاحْ وَ مْضَى وَ مشَاتْ رْجَالُه * من يَصْحَبْ في جِيلْنَا هْبَلْ حرْفَتْهُمْ الغَدْرْ وَ الخْدَعْ وَ الغُشْ و َ يَحْتَالُو * وَ اللِّي يْدِيرْ العِيبْ مَا خْجَلْ وَإذَا صَحْبُو حَدْ أعْرَفْ صَحْبُوهْ على مَالُه * وَ يْعاَدُوهْ إذَا المَالْ قَلْ يَنْسَاوْ وَاشْ كْلَاوْ وَاشْ شَرْبُو مَنْ خِيرْ افْضَالُه * وَيَتْفَكْرُو لُه سُوءْ مَا عْمَلْ وَ يَحَّسْدُوهْ إذَا فَازْ وَ نْجَحْ وَ الله اعْطَى لُه * وَ يَفَّرْحُولُه إذَا فْشَلْ يَا لَاهِي بَالنَّسْ الْتْهَى بَعْيُوبَكْ ثْقالُو * يا من دَرْتْ اعْيُوبْنَا شْغَلْ يَا رَاسِي ذَالْقُومْ إذَا ضْحَكْ لَكْ حاَجَة في بَالُه * يَقْضِيهَا وَ يْرُوحْ يَنْجَفَلْ وَإذَا قَصْدَكْ في صَالْحَة وَ طَلْبك تَقْضِيهَا لُه * يْبُوسْ الصُّبَاطْ في الرْجّلْ وَقْتْ أنْ يقْضِي الصّالْحَة في وَجْهَكْ يْسَدْ اقْفَالُه * بَزْكَارَمْ و َ يَمَتّنْ الْقُفَلْ يَا رَاسِي ذَالْقُومْ إذَا صْحُبْتُه مَا تَرْبَحْ وَالُو * كِي اللِّي يَبْنِي صُورْ بَالرّمَلْ المَظْهَرْ يَغْوِي تْقول هَذَا مَا كَانْشْ بْحَالُه * احْذَرْ رَاهْ مَبْنِي على الدّغَلْ إذَا تْحَدَّث كَذّابْ رُدْ بَالَكْ تَامَنْ اقْوَالُه * في جَبْحُه لَا نْحَلْ لا عْسَلْ في شْدَايَّدْ الحَزّاتْ مُسْتَعَدْ يَسَلّمْ في أهْلُه * رَاضِي دِيُّوتْ وَ يَبْغِي الذّلْ · لَا كَلْمَة عَنْدُه لَا عَاهَدْ لاَ نِيفْ بْقَالُه * غِيرْ اللِّسَانْ طْوِيلْ كِي الحَبَلْ · يَا لاهِي بَالنّاسْ التْهَا بَعْيُوبَكْ اثْقَالُو * يَا من دَرْتْ اعْيوبْنا شْغُلْ يَغْتَبْ في الأشْرَافْ وَ يْقَطّعْ كِمَا يَهَوالُه * مَا يَخْجَلْ مَا يَكَلْ مَا يْمَلْ اعْيِينَا انْوَصُو فِيهْ انْهِينَاهْ وَ قُلْنَا لُه * عِيبْ النَّاسْ انْسَاهْ يَا طْفَلْ وَهًوَ زَايَدْ في عْمَاهْ وَ حْمَاقُه وَ هْبَالُه * شَبّهْنَاه لَلْوَجْقْ في المَثَلْ مَطْلُوقْ دُونْ اوْثقْ يَنْبَح حَتّى في خْيَالُه * هَذِه سِيرَةْ بُوهْ من قْبَلْ هَيِيتْلُه نَبْلاَتْ من اقْوَاصِي نرْسَلْهَا لُو * نَخْرَقْ ذَاتُه تَالفْ العْقَلْ الغُرِي من جَابْتُه الحْمَاقَة وَ اعْمَاتْ انْجَالُو * وَ حَبْ يْعَانَدْنَا و مَا خْجَلُ قُولُولُه بَرْكَاكْ ذَالْبَحَرْ مَثْلَكْ مَا يَقْوَالُه * دِير لِجَامْ وَ زَمْ يا بْغَلْ مُولْ الكَلْخَة مُحَالْ مَا يْبَارَزْ من سَلْ انْصَالُه * وَاشْ ايْجِيبْ الفُوق لَلسَّفَلْ وِينْ تْبَانْ الشَّعْبَة بِينْ الانْهَارْ اذَا سَالُو * يَا مَنْ مَثّلْتْ البُومْ لَلْحَجَلْ نَخْتَمْ بالصّلَاةْ على من لَا خْلَقْ الخَلّاقْ بْحَالُه * وَ الفِينْ سْلاَمْ لِيهْ مُرَتَسَلْ يَا لَاهِي بَالنّاسْ ألْتَهَا بَعْيوبَكْ اثْقَالو * يا دَرْت عْيوبْنَا شْغُلْ وَ الرِّضَا على الأصْحَابْ وَالانْصَارْوالأزواج وألُه * بَفْضَلْهُمْ ماَ طْلَبْتْ يَنْقَبَلْ وَسْلَامِي على الاشْيَاخْ كَافَّة و اللِّي عْلِينَا سَالُو * وَ الحَاسَدْ خَلِّيهْ في السَّفَلْ لا وْقَرْ لا قِيمَة لا خْصَايَلْ مَطُمُوصْ انْجَالُه * من حْمَاقو في شَبْكْتِي حْصَلْ جَاء يْعَانَدْ الفُرْسَانْ وَ الخِيَالَى زَادَمْ بَبْغَالُه * غْرَابْ و حَبْ يْعَانَدْ الْحَجَلْ انْهِيتْ المَنْظُومْ بَالْقُوَافِي رَتَّبْتْ اشْغَالُه * تَمِيتُو في لِيلْتُو كْمَلْ لَلْحَافَظْ اشْهَرْتْ اسْمِي وَ القَارِئ مَا يَخْفَالُه * مِيمِينْ حَاء وَ الدّالْ مَتّصَلْ رِياْل ما يَخْفَاشْ ظَاهْرَة عَنْدْ الاشْيَاخْ خْصَالُه * ما يَجْحَدْنِي غِيرْ من بْخَلْ مَا نَصْحَبْ نَمَّامْ وَمَنْ غْتَبْ مَا نَسْمَعْ لَاقْوَالُه * نَتْصَرَفْ بْحِيكْمَةْ العْقَلْ يَا لَاهِي بَالنّاسْ الْتَهَا بَعْيُوبَكْ ثْقَالُو * يا مَنْ دَرْتْ عْيُوبْنَا شْغَل تمَّتْ بِعَوْنِ الله وِقُوَتِه مٌحَمّدْ رِيالْ.---في يوم 8 رَمَضَانْ 1433 هجري |
رد: يا لاهي بالناس
قلم جديد معنا
أرحب بك أيها المحترم وبقلمك الذي كتب بدل الشعر عبرا وخاط تربية وأدبا سررت بالقراءة لك دام قلمك لنا أيها الشاعر لا أجد ما أقوله في حق كلماتك غير أنها استوقفتني لتذكرني في كل سطر بمعاني التربية الصالحة يا لاهي بالناس التهى بعيوبك ثقالو يا من درت اعيوبنا شغل وأعجبتني هاته الكلمات خاصة تحياتي |
رد: يا لاهي بالناس
اقتباس:
الدنيا فيها وعليها وكل زمان ليه رجاله.... كون لبيب فالحكم تمهل كاين إله عادل قاضي مصدر آجالــــه .... ما خاب من عليه توكــل بوركت شاعرنا دمت ودام قلمك |
رد: يا لاهي بالناس
اقتباس:
الله يبارك يا شيخ |
رد: يا لاهي بالناس
اشكرك سيدي الفاضل وبارك الله لك في ما تملك
كما اشكرك على قرائتك لكلماتي المتواضعة في الحقيقة انا جد محظوظ بانتمائ لمنتدى فيه اناس امثالكم سيدي هذا شرف كبير لي في الاخير تقبل مني فائق الاحترام والتقدير السلام عليكم ورحمة الله |
رد: يا لاهي بالناس
السلام عليكم.
اشكرك اختي الكريمة على شعورك النبيل نحو قصيدتي المتواضعة وعلى الترحاب بي بينكم في هذا المنتدى الزاخر بامثالكم سيدتي كما اتمنا ان اكون عند حسن ظن كل اعضاء المنتدى و في الاخير تقبلي مني فائق الاحترام والتقدير العبد الظعيف محمد سعيد ريال |
رد: يا لاهي بالناس
اقتباس:
سررت جدا باهتمامك بهذا العمل البصيط والمتواظع تقبل مني كل الاحترام والتقدير برك الله فيك امضاء محمد سعيد ريال |
رد: يا لاهي بالناس
اقتباس:
سررت جدا باهتمامك بهذا العمل البصيط والمتواظع تقبل مني كل الاحترام والتقدير برك الله فيك امضاء محمد سعيد ريال |
رد: يا لاهي بالناس
كان علي العودة
الموضوع يستحق التثبيت لبعض الوقت ليأخذ حقه في الردود مشكور أخي |
رد: يا لاهي بالناس
قصيدة جميلة ومفيدة شكرا |
رد: يا لاهي بالناس
اقتباس:
تقبل مني اخي حلباوي كل الاحترام والتقدير امضاء محمد سعيد ريال. |
رد: يا لاهي بالناس
يعطيك ألف صحة على الكلمات الشيقة و على اختيارك الرائع... اسلوب شيق و جميل... مستوى راقي
مششششششششششششششكووووووووووووور |
رد: يا لاهي بالناس
اقتباس:
انا الذي اشكرك سيدي على المرور بارك الله فيك اخي محفوظ.. |
رد: يا لاهي بالناس
ماشاء الله كلام ارائع ومليئء بالحكم
|
رد: يا لاهي بالناس
اقتباس:
كل الشكر لك اخي العزيز. شكرا على المرور الكريم تحياتي الخالصة اخي حلباوي |
رد: يا لاهي بالناس
اقتباس:
بارك الله فيك سيدي الفاضل انا الذي اشكرك على المرور الكريم هذا من ذوقك الرفيع اخي شكرا للمرة الالف. |
رد: يا لاهي بالناس
قصيدة في منتهى الروعة شكلا ومضمونا ما شاء الله
|
رد: يا لاهي بالناس
أعجبتني القصيدة،فأحببت أن أكمل على نسقها.
01الغافل يعدّ ذْنــــوب النـــــاس وينسى فْعـالو***والعـبــد بـذا الصيفـة يتمــــل 02 العـــاقـل يَبْــدا بْـنَـفْسُــــو يحــاسبها اوْلاَلَو***قبـــل ما يـــــوقـــــف ويَسْأَل 03الوقت ما عليـــــه لـــوم احنا سباب خبــالو***بِيــــنا يجْـمــــال ولاَّ يَتْــعَـــلّْ 04اضحــــــك للدنيا من ضحــكلها زيان فـــالو***زَيّْن النِّـــيَّـــــة تلْقى الْحَـــــلّْ 05اللِّي نْسَى هـــمّ الــدّنيا ودار لاَخْرة في بالو***صــــــــاب راحــــة العْـــقَـــل 06كِيــــفْ تصْفالك الــدّنيــا بعـــد اللِّي قــالــوا***المـــــولى فِيْــــــدُو راه تْغَــلّ 07وكل انسان فيه الخير ومن الشر فيه امثالو***والتَّوبة تمحي الذَّنب وتغسل 08أحـرص على الخيْــر واعْطيه وقتك ولْهالـو***أهل الدّنيا كُثْرتهُــــــم في ذلّ 09ابغي العــزّ في العــلم والفَهْـم يجي بسْـوالو***والـذّهب من السْما ما ينــزل 10أهـــل الدنيا هــــربو مـن الخير وعنًّو مالوا***واللِّي خْذا طـريق الغيّ هْمَـل 11لا تغُــــرَّك شــــواري الذّبان يْبانوا يْلالــــوا***خَيْـــر منها كَمْـــشة نْحَــــــل 12واشْ يجـيـب اللِّي ضيَّع فـرضـو وانْـــفــالو***واللِّي تـاب وهُــــــــو طفُــــل 13يوم التّعب الْخلايق في الشمس تَنْتظـرسْآلو***وهو يتْنَعـــــــــم في الظــــــلّ 14عْتابي ما هــو للنـاس أوْلى بيــه اللِّي قالَـو***يا ربِّ في الصَـــدَّة سَهـَّــــــل 15و اللِّي قال قبلي ماني دايَرْ نَفْسي من امْثالو ماني لاَعبْـها على الرجال فْحَل 16وكــــــلامي ما يْجي في الكــــــلام اللِّي قالَو***غيــــــــر أخ بْخــــوه تْــــوَل 17المـــومن بالمـــومن هـــو وجْـهــو وخْيالـو***بعـــد النَّصِيحة الحْساب كْمَل |
رد: يا لاهي بالناس
اقتباس:
كل الشكر لك سيدي الفاضل على اهتمامك بقصيدتي المتواظعة تقبل مني اخي تحياتي وتقديري م.س.ر |
رد: يا لاهي بالناس
يعطيك الصحة شاعرنا لشرح قاسم.على الاضافة الجميلة
كلمات معبرة فعلا بارك الله فيك .تقبل مني سيدي الفاضل تحياتي وتقديري. م .س.ر |
رد: يا لاهي بالناس
اقتباس:
هذا من ذوقك الراقي سيدي الفاضل بن عومر بن عيسى شكرا لك على مرورك الكريم .تقبل مني تحياتي وتقديري م .س .ر |
رد: يا لاهي بالناس
اقتباس:
بارك الله فيك سيدي الكريم شىوقي. هذا من ذوقك الراقي .لك مني الف تحية والف سلام . م.س.ر |
رد: يا لاهي بالناس
أعجبتني قصيدك سيدي الفاضل فأحببت أن أكمل على نسقها تحت عنوان(ما تنجح غيلا يصرا فيك الخل)والخطاب في العنوان للجميع:
01الغافل يعدّ ذْنــــوب النـــــاس وينسى فْعـالو***والعـبــد بـذا الصيفـة يتمــــل 02 العـــاقـل يَبْــدا بْـنَـفْسُــــو يحــاسبها اوْلاَلَو***قبـــل ما يـــــوقـــــف ويَسْأَل 03الوقت ما عليـــــه لـــوم احنا سباب خبــالو***بِيــــنا يجْـمــــال ولاَّ يَتْــعَـــلّْ 04اضحــــــك للدنيا من ضحــكلها زيان فـــالو***زَيّْن النِّـــيَّـــــة تلْقى الْحَـــــلّْ 05اللِّي نْسَى هـــمّ الــدّنيا ودار لاَخْرة في بالو***صــــــــاب راحــــة العْـــقَـــل 06كِيــــفْ تصْفالك الــدّنيــا بعـــد اللِّي قــالــوا***المـــــولى فِيْــــــدُو راه تْغَــلّ 07وكل انسان فيه الخير ومن الشر فيه امثالو***والتَّوبة تمحي الذَّنب وتغسل 08أحـرص على الخيْــر واعْطيه وقتك ولْهالـو***أهل الدّنيا كُثْرتهُــــــم في ذلّ 09ابغي العــزّ في العــلم والفَهْـم يجي بسْـوالو***والـذّهب من السْما ما ينــزل 10أهـــل الدنيا هــــربو مـن الخير وعنًّو مالوا***واللِّي خْذا طـريق الغيّ هْمَـل 11لا تغُــــرَّك شــــواري الذّبان بزَفْهُم يشَالــوا***خَيْـــر منهم كَمْـــشة نْحَــــــل 12واشْ يجـيـب اللِّي ضيَّع فـرضـو وانْـــفــالو***واللِّي تـاب وهُــــــــو طفُــــل 13يوم التّعب الْخلايق في الشمس تَنْتظـرسْآلو***وهو يتْنَعـــــــــم في الظــــــلّ 14عْتابي ما هــو للنـاس أوْلى بيــه اللِّي قالَـو***يا ربِّ في الصَـــدَّة سَهـَّــــــل 15و اللِّي قال قبلي ماني دايَرْ نَفْسي من امْثالو ماني لاَعبْـها على الرجال فْحَل 16وكــــــلامي ما يْجي في الكــــــلام اللِّي قالَو***غيــــــــر أخ بْخــــوه تْــــوَل 17المـــومن بالمـــومن هـــو وجْـهــو وخْيالـو***بعـــد النَّصِيحة الحْساب كْمَل |
رد: يا لاهي بالناس
اقتباس:
كل الشكر لك اختي الكريمة وردة. على اهتمامك بعملي المتواظع. وتثبته .الف شكر والف تحية . |
رد: يا لاهي بالناس
:13::13:موضوع القصيدة جعلني اقول تحية اجلال لكل ام واب قدما التربية الصالحة لابناءهم شكرا دمت ودام قلمك:13::13:
|
رد: يا لاهي بالناس
اقتباس:
الجميل و المفيد هو مرورك الكريم سيدي الفاضل اشكرك جزيل الشكر .تحياتي الخالصة http://montada.echoroukonline.com/images/icons/sm5.gif |
رد: يا لاهي بالناس
بارك الله فيك
|
| الساعة الآن 12:49 PM. |
Powered by vBulletin
قوانين المنتدى