منتديات الشروق أونلاين - بونارين طبق قسنطيني مئة بالمئة

منتديات الشروق أونلاين (http://montada.echoroukonline.com/index.php)

- الأطباق الرئيسية (http://montada.echoroukonline.com/forumdisplay.php?f=290)

- - بونارين طبق قسنطيني مئة بالمئة (http://montada.echoroukonline.com/showthread.php?t=294749)

بونارين طبق قسنطيني مئة بالمئة

طبق قسنطيني مئة بالمئة
بونارين
من صديقتي صبرينةالقسنطينية

تبعو الصور من الاول للاخير باه تشوفو الطريقة بالصور
طاجين بونارين : اولا نحضروا المرق في قدرة حطي شوية زيت وسمن حطيها فوق النار كي يسخن الزيت حطي اللحم هبرة وصدر الدجاج مقطعين مكعبات كبار حمريهم مليح في هاداك الزيت لازم يتحمروا والقدرة تتشكل فيها لحمورة نتاع القليان يحني حمورة خفيفة نحي اللحم حطيه في صحن وفي نفس القدرة حطي حبة بصل مرحية خليها تدبال في هادا الزيت كي تدبال رجعي اللحم والدجاج معاه وزيدي الملح الفلفل اسود وملعقة صغيرة نشاء او فرينة خليهم يتقلاو شوية مع بعض وامرقي بالماء الغالي ونقصي عليها وخلي اللحم يطيب على نار دليلة نوليو للطاجين الجبن في مقلاة دبلي حبة بصل مرحية وسنة ثوم من بعد زيدي اللحم المرحي نتاعك فلفل اسود وشوية ملح ماشي بزاف لانو الخليط رايح يكون فيه الجبن والجبن مالح كي يتقلا نحي اللحم من فوق النار زيديلو المعدنوس كمية معتبرة من الجبن مرحي روج او قرويير علبة جبن طري 2 ملاعق خبز مرحي ومن جهة خلاف خلطي 2 بيضات مع 2 ملاعق كريمة سائلة و2 ملاعق حليب ملح فلفل اسود خلطيهم وصبيهم على خليط اللحم خدي مول السيليكون نتاعك ادهنيه بالزبدة وغبريه بالخبز المرحي عمري القلوب نتاعك بالخليط ودخليهم للفرن يطيبو على نار متوسطة تعرفيهم بلي طابو كي تمسي في الحبة نتاع لااللحم تلقايها جمدت او دخلي سكين صغير وسط الحبة كي تخرجيه ناشف راهم طابو من بعد ما تكون المرقة نتاعك ختارت مليح لازم تختار ديمولي القوب نتاعك من المول حطيهم في صحن التقديم وصبي المرقة نتاعك في الصحن التزيين حسب الرغبة لازم الطبق يقدم ساخن يعني كي تخرجي لي مول نتاعك من الفرن تكوني راكي موجدة المرقة وتقدميهم في نفس الوقت وحطي في صحن التقديم كمية القلوب اللي تاكلي فقط باه ادا قعدولك يقعدوا ناشفين مالزمش يشربوا المرق ولانهم يتقدموا ناشفين

https://scontent-cdg.xx.fbcdn.net/hp...95&oe=55770E10

https://scontent-cdg.xx.fbcdn.net/hp...9c&oe=5572B7F6

https://scontent-cdg.xx.fbcdn.net/hp...62&oe=55B76072

https://scontent-cdg.xx.fbcdn.net/hp...d1&oe=557AD085

https://fbcdn-sphotos-d-a.akamaihd.n...6e4b9a906bac2c

https://scontent-cdg.xx.fbcdn.net/hp...b7&oe=55BAACFA
https://fbcdn-sphotos-b-a.akamaihd.n...b1a5bd5bd04a1c

https://fbcdn-sphotos-h-a.akamaihd.n...38a7efdf2e3f72

https://scontent-cdg.xx.fbcdn.net/hp...91&oe=557958B9

https://fbcdn-sphotos-g-a.akamaihd.n...922bf9320c6cc9

https://fbcdn-sphotos-d-a.akamaihd.n...5af70c19bba793

https://scontent-cdg.xx.fbcdn.net/hp...23&oe=55A9015B

https://fbcdn-sphotos-e-a.akamaihd.n...45de7ff1d640af

https://fbcdn-sphotos-c-a.akamaihd.n...04ed977fe3898c

https://scontent-cdg.xx.fbcdn.net/hp...5d&oe=55A6EA99

تسلم الايادي يا مبدعة