|
نحكبلك يا بنتي ثالث حكاية ...... (تفاحي هذاكاهو فلاحي )
السَّلامُ علَــــيكُم http://up.harajgulf.com/do.php?img=93625 أول حاجة نصلو ونسلمو على الرسول لحبيب ... كلامي ليكم ماهو بصعيب ... يداوي لمريض بلا طبيب ... راهي جات حكايتنا راهي جات ... مليانة حكم و الكلمات ... جابتها جود وجات... نبداهالكم من الألف للياء ونفوت على التا ... نخلي الواو والشين ونحي الدال .... كانت مرى (مرأة) في قمة الجمال ... المسكينة ما تجيب ولاد ... حملت الهم والميزيرة فكل بلاد ... لكنها ما تعرف الاستسلام ... تكافح وتحوس على دوى بش تولد كما كامل الأنام ... فوحد النهار سمعت زوج نسى ... في وسط السوق يتحاكاو ... واستنتجت من لكلام ... بلي كاين تفاح يخلي الأم تولد ... داتها سنين وسنيين وهي تحوس فكل مكان ... حتى لقات التفاح كان يبان بنين ، وداتو معاها للدار ... تمشى وتغني تفاحي نحا همومي ، هذاكاهو فلاحي ... بقات في كل خطرة ترفد التفاح وتحطو في بطنها ... ويبان للعيان أنها أم حاملة بولدها ... حتى فاتو تسع شهور ... وهي تدعي وتقول ربي سهلي هذا التفاح هو فرحي ... غمضت عينيها .... وخرت بنت كما القمر ضاوية ... مسرارة وبزاف باهية ... كبرت بنت التفاح وصارت شابة ... محبوبة الجميع وكل القبيلة ... واحد من النهار خرت تدور ... وسط من الحقول ... تجري وتقول ... تفاحي تفاحي هذاكاهو فرحي وفلاحي ... عشط من كثرة الكلام ... شربت من حليب الغزالة وولات تنط كيفها ...من مكان لمكان ... ايا شافوها صيادين يخدمو عند الأمير ... وحكاو للأمير بلي كاينة بنت غزااااالة وبزاف شابة ، قالهم صيدوهالي ولا نقتلكم من لكبير لصغير .... راهو وراها وراها حتى حكموها وداوهالو ... فرح بيها وكساها ... ومع باقي النسا حطها وخلاها ... زكانت هي المتميزة عندو .. ويهتم بيها أكبر منهم ... حتى تفاهمو النسى على راسها وقالو لازم نقتلوها ... رشقوا فيها سبه ايباري ( إبر) أيا ولات حمامة وطارت ... حزن الأمير وقرر يغادر القصر ... وأمر الخدا يبنولو قصر جديد ... أيا هوما بداو يبنيو كي يبغاو يكملو السور ... تجي ذيك الحمامة بنت التفاح وتغني تفاحي تفاحي هذاكاهو فلاحي ، ماما خباتني والأمير سرقني ولالات النسا وخزوني بالايباري .... يسقط السور ويعاودو يبنوه ... حتى جا الأمير وشاف بأم عينو .. وقعد يبكي وسط المكان ... جات ليه الحمامة وغناتلو ... أيا ولا يمسح على راسها .. فكل مرة توخزو البرى ينحيها ... حتى ولاو سبعة وهي رجعت كما كانت .... وطرد الأمير كل من في القصر وعاود كل من جديد .... وعاشو حياتهم مرتاحين ... حملت بنت التفاح وكما جا وقت الولادة ... رقدت ورجع الأمير يحوس عليها صاب في بلاصتها تفااااااااااح ، واستنتج انو الانسان مهمى يتغير رح يرجع لأصلو ، وتفكر ذيك الغنيا تفاحي تفاحي هذاكا هو فلاحي .... :10::10::10::10::10::10::10::10::10: أسْتَغْفِرُ الله وأتُوبُ اليْه |
رد: نحكبلك يا بنتي ثالث حكاية ...... (تفاحي هذاكاهو فلاحي )
وااااااااو روووعة
يعطيك الصحة امورة |
رد: نحكبلك يا بنتي ثالث حكاية ...... (تفاحي هذاكاهو فلاحي )
امورة فرحتيني تعيشي
|
رد: نحكبلك يا بنتي ثالث حكاية ...... (تفاحي هذاكاهو فلاحي )
السلام عليكم
حكاية رائعة .. بوركتِ.. والله استمتعت بها كثيرا تحياتي |
رد: نحكبلك يا بنتي ثالث حكاية ...... (تفاحي هذاكاهو فلاحي )
يعطيك الصحة اميرة
حكاية هايلة |
رد: نحكبلك يا بنتي ثالث حكاية ...... (تفاحي هذاكاهو فلاحي )
السَّلامُ علَــــيكُم شكرا لكن ، حشمتوني ، بارك الله فيكن ، وسررت بالمرور الطيب أسْتَغْفِرُ الله وأتُوبُ اليْه |
رد: نحكبلك يا بنتي ثالث حكاية ...... (تفاحي هذاكاهو فلاحي )
اميرة اسلاوبك فالحكي رااااائع
|
رد: نحكبلك يا بنتي ثالث حكاية ...... (تفاحي هذاكاهو فلاحي )
السَّلامُ علَــــيكُم ذوبتيني بالحشمة هههههههه شكرا لك يا ريان حبيت تكون أحلى وأروع من هك لكن للأسف تعرفي ضيق الوقت درتها على 7 قبل المغرب ، لكن أتمنى ان تنال اعجابكم أسْتَغْفِرُ الله وأتُوبُ اليْه |
رد: نحكبلك يا بنتي ثالث حكاية ...... (تفاحي هذاكاهو فلاحي )
ما أجمل الخيال الشعبي شكرا عمو....سرد عامي ممتع تحياتي |
رد: نحكبلك يا بنتي ثالث حكاية ...... (تفاحي هذاكاهو فلاحي )
السَّلامُ علَــــيكُم شكراااااااا طاطاواتي ريان وغاية وبراءة وعمو أبو أسامة ، بارك الله فيـــــــــكم ، سرني مروركم وتعليقاتكم أسْتَغْفِرُ الله وأتُوبُ اليْه |
رد: نحكبلك يا بنتي ثالث حكاية ...... (تفاحي هذاكاهو فلاحي )
السلام عليكم
حكاية هاايلة اميرة اعطيك الصحة عجبتني بزااف خاصة كي عادت بلهجتنا ههههه |
رد: نحكبلك يا بنتي ثالث حكاية ...... (تفاحي هذاكاهو فلاحي )
السَّلامُ علَــــيكُم أهلا بيك نرمينة ، ههههه شفتي اللهجة لعزيزة ، ههه الحمد لله انها عجباتك ، شكرا بزاف يا الزينة ، بارك الله فيك حبوبة أسْتَغْفِرُ الله وأتُوبُ اليْه |
رد: نحكبلك يا بنتي ثالث حكاية ...... (تفاحي هذاكاهو فلاحي )
اقتباس:
ربي يخليك |
رد: نحكبلك يا بنتي ثالث حكاية ...... (تفاحي هذاكاهو فلاحي )
السَّلامُ علَــــيكُم الله يسامحك نريمان بدليها هههههههههه يخرب بيتك ليوم نجي ليك نحيهااااا أسْتَغْفِرُ الله وأتُوبُ اليْه |
رد: نحكبلك يا بنتي ثالث حكاية ...... (تفاحي هذاكاهو فلاحي )
شابة بزاااااف اللغة اللي هدرت بيها والسرد كان أجمل و الخيال كان أروع تحياتي |
رد: نحكبلك يا بنتي ثالث حكاية ...... (تفاحي هذاكاهو فلاحي )
السَّلامُ علَــــيكُم أنت الأروع يا أزيرا بمرورك الطيب يا غالية ، حفظك الرحمن ، وبارك الله فيـــــــــــك أسْتَغْفِرُ الله وأتُوبُ اليْه |
رد: نحكبلك يا بنتي ثالث حكاية ...... (تفاحي هذاكاهو فلاحي )
اقتباس:
|
رد: نحكبلك يا بنتي ثالث حكاية ...... (تفاحي هذاكاهو فلاحي )
جميلة جداااااا يا اميرة.... و الله استمتعت بالحكاية
|
رد: نحكبلك يا بنتي ثالث حكاية ...... (تفاحي هذاكاهو فلاحي )
جميلة جدا هذه الحكاية وخاصة العبرة مع الاخير
يعطيك الصحة بنتي |
رد: نحكبلك يا بنتي ثالث حكاية ...... (تفاحي هذاكاهو فلاحي )
السَّلامُ علَــــيكُم اقتباس:
الله يكون في عونك يا طاطا وربي يشافي أخاك الصغير ويرده سالما غانما ، بارك الله فيك، الله المستعان ___________________________ اقتباس:
أهلا بك طاطا أم ريان ، نورتي البيت ، ربي يحفظك ويفرحك بريونة ، بارك الله فيك الحمد لله انها عجبتكم أسْتَغْفِرُ الله وأتُوبُ اليْه |
رد: نحكبلك يا بنتي ثالث حكاية ...... (تفاحي هذاكاهو فلاحي )
حكااية جميلة من الثرات القديم كنت قد نسيتها شكراا لك
|
رد: نحكبلك يا بنتي ثالث حكاية ...... (تفاحي هذاكاهو فلاحي )
السَّلامُ علَــــيكُم اقتباس:
العفو ، الحمد لله أنها اعجبتكم ، بارك الله فيك عمو للمرور الطيب أسْتَغْفِرُ الله وأتُوبُ اليْه |
| الساعة الآن 11:10 PM. |
Powered by vBulletin
قوانين المنتدى