|
الكونكسيون
https://scontent-cdg2-1.xx.fbcdn.net...24&oe=5672B57B الكونكسيون سَعْدِي بيها جَاتْ تَمْشِي تَطَّنْخَى ** و السُرْعَة فَكْرُونْ عَامِيهْ الْغَبّــارْ كِي نَكْلِيكِي اديرْ دَورَة تَسَّرْخَــــى ** تَبْلُوكِي كِمَا الدَّابْ اللِّي مَكَّـــارْ يَا مَشْيَنْ ذَ النَّتْ دِيمَة مَرْدُوخَــــة ** وْ يَا مَشيَنْ قَطْعَاتْهَا تَصْهدْ بَالنَّارْ الْمُودَامْ اسْخُونْ دَايَخْ فِي دَوخـــة ** يَتْغَامَزْ مَسْكِينْ ذَهْبَتْلـــــو لَاثَارْ يَتْخَبّطْ مَقْوَاهْ كِيفْ الْمَسْلُوخَــــــة ** و اتْرِيسِيتِي حَاطّة فِيهْ الْمُنْقَارْ. الشاعر علي عبدالواحد حرزالله |
رد: الكونكسيون
ابيات جميلة جدا ..ووصف بديع
|
رد: الكونكسيون
لان الشاعر بديع ورائع واهلا بالكونكسيون منور
|
رد: الكونكسيون
الكونيكسيون مشكل كبير نعاني منه...بورك الشاعر وبوركت الاخت ام الزين
|
رد: الكونكسيون
كلنا في الكونيكسيون سواء سنين عدّيتـــــــها منتديـــــــــات كليمتيــــــن ونزيد فيـــــــــــــها هذا ساعـة لاخـــر نـهــــــــارات الحصول ما نقــــــــدر نحصيــها لكـــن جــــــــات هنا وفــــــرات الشبكةما بقيــــــت نخطيــــــــها صح، نغيب عنها ساعـــــــــــات بسباب نقــــدر نحكيــــــــــــــها مرة يقصوا عنــــــــي النّـــــــت 600 دينار نعجـــــــز عليــــــها ومرّة ترجـــــــــع سلحفــــــــاة بالسّيف تبـــــــــدّل أخطاويـــها ومرّة تاكلنــــــــي الفيروســات بوجادي عاجـــــــــز نلغيــــــها ومرّة ندخــــــــل في سبـــــات نهـــــــــجر الثقافة ومّاليــــــها ومرّة تركبنــــــــــي نشعــــات نقول لانترنــــــــــت نخطيــها لكن ، نبعد عليها هيهــــــــــات ندور ندور ونولّـــــــــي ليـــها |
رد: الكونكسيون
أم الزين
الكونيكسيون تاع شاعرك مع إحترامي الشديد له و لها ما تبانش قدام تاع عمو أبو أسامة و الدليل اللفظو الأسلوب و اللغة و هاذي و الله ماهي مجاملة لعمو و أنا بكل أتحدى بأبياتها تعرضيها على أي واحد للمقارنة و راح تشوفي النتيجة لمن تؤول و بنسبة ساحقة |
رد: الكونكسيون
اقتباس:
لا لا عمو الشاعر عبد الواحد...شاعر فحل لا يشق له غبار فقط هو شاعر ملحون ومن وسط بدوي اصيل. اما عمك فشعره شعبي بسيط ( قد يروق لشباب العصر) ومع ذلك وبيني وبينك أنا سعيد جدا جدا بهذه الحمية الطيبة. وما راحش نقلك - كل بنت بعمها مُغرمة) |
رد: الكونكسيون
اقتباس:
|
رد: الكونكسيون
لكل منهما اسلوبه...
|
رد: الكونكسيون
اقتباس:
شوفي يا اخت امينة ارقام وتعلمي هذو هوما الفحول مفرد فحل اتعلمي شكرااا لك ايها الفحل المميز هذا رد قنبلة للي ما يعرفوش في الشعر |
رد: الكونكسيون
اقتباس:
رائعة يا خال لك ان تضعها في موضوع مستقل تستاهل لما دفنتها هنا سلكت يداك كم احب هذا النوع من الشعر |
رد: الكونكسيون
اقتباس:
هو ليس شاعري وحدي هو شاعر كل الناس وهو صديق قديم وفحل وفارس من الفرسان لحرار والخال يعرفو مليح لانو ابن بسكرة وشهادتي في البساكرة مجروحة والخال خير دليل يديمك فوق راسنا خال |
رد: الكونكسيون
يا كُونيكْسيونُ الصُداعِ مَتى تُهُنينا مَاخَطْبُكِ مَا دَهاكِ لِكَي تُمَرْمَدينا بِسُرْعَة فَكْرونٍ پراليزي جِئْتينا لم نَسْتَطِعْ نُتِليشارْجي حتى الفهد الوردي عبد الحميد احمد 11. يناير .2016 |
رد: الكونكسيون
الشاعر عبدالواحد استعمل اللفظة البدوية القحة نوعا ما....فالكثير هم من لايستطيعون هضم الالفاظ..لهذا يقللون من اهمية ما دون...على كل بارك الله فيك الاخت ام زين الدين
لي سعى جزاه ربي بلخير.....وتسمزا جهدو ناس بلذكر الحنين تستاهلي مني تحية تقدير.....والف سلام زيادة يا ام الزيــــــن وريتينا لون وافي وكثيـــــر......ووحلتينا لطريق بايــــن منيــــن واش نقولك ذا فضل كبير ......ويجازيك الله دون قول الحييـــــن تشكراتي اختي الفاضلة |
رد: الكونكسيون
الله الله راائعة جدا لا تعليق
|
رد: الكونكسيون
اقتباس:
أنا قلت مع إحترامي الشديد له و لشعره يا الحاجة أم الزين ذوقي تقبل تاع عمو لقاها محلاية و فيها شيئ مختلف و أزكى من الأولى و لا حتى ذوقنا نتحاسبوا عليه |
رد: الكونكسيون
والاروع ذوقك اختي الفاضلة...تحياتي
|
رد: الكونكسيون
لكل ذوقه الخاص....انا شخصيا اتذوق للفظة البدوية القحة...والف تحية خاصة خالصة للاخت ام زين الدين
|
| الساعة الآن 09:38 PM. |
Powered by vBulletin
قوانين المنتدى