|
يا المومنين يا المومنين ادخلوا يا المومنين
السلام عليكم ورحمة الله وبركاته استسمح ااخوة لاني طولت ولم ادخل منتديات الشروق وهانا اليوم ادخل واضع هذا الموضوع نبدا موضوعي بهاته الكلمة المشهورة عند المعوزين والفقراء والبسطاء بحالي يا المومنين يا المونين انا خوكم علاش تديرولي هكدا يا المومنين عاونوني ربي يحفظكم يا المومنين حكومتنا حقرتني يا المومنين قولولي وش ندير راح نهبل يا المومنين في عمري 30 وعندي 5 سنوات وانا خاطب ومازال ماتزوجتش يا المومنين راني خايف اللي حبيتها وحبتني تروح عليا يا المومنين يا المومنين عاونوني يا المومنين الشهرية تاعي قليلة وماتوصلش للمليون يا المومنين السكن الاجتماعي ماحبوش يطوني يا المومنين قالولي حتى تعقد يا المومنين ومانعرف كي نعقد ونعلق بنت الناس سنوات اخرى يلا يعطوني سكن ولا لا يا المومنين يا المومنين يا المومنين ربي ليا ونتوما اللي بقيتولي يا المومنين وش راح ندير يا المومنين انا خدمت حكومتنا في العشرية الحمراء وضحيت بكتفي اللي راح نصف مشلول الان يا المومنين والان ماحبوش يشوفو فيا يا المومنين علاش حنا مادرنا والو ياك دافعنا على شرف بلادنا يا المومنين يا المومننين رجع ارهابي الامس يشتمني ويدي عليا الحق يا المومنين يا المومنينن رحت لوحد الموقع طلبت فيه المساعدة بش يعاونوني طلبو مني تجار التنصير بش نترك ديني ويعطوني وش نحب يا المومنين قولولي وش ندير يا المومنين راني معلق بنت الناس مسكينة يا المومنين مانطلب والو يا المومنين نطلب سكن بش نستر روحي ونستر خاوتي يا المومنين يا المومنين حكومتنا حقرتنا يا المومنين اللي عندو المعرفة يخدم واللي ماعندوش يقولولو انت ماعنكش مكان في الجزائر يا المومنينن وين راه يا المومنينن الحق وين راه قولولي يا المومنين هل يرجع الانتحار في مثل هذه الاوضاع حق قولولي وريحوني يا المومنين خلوني نخلص روحي منن المشاكل يا اللامومنين انا مانقدرش نخدم وراني نخدم عند الخواص اللي ماعنهم لا رحمة ولا شفقة يا المومنين قولولي المكان تع الحق وين راه يا المومنين افتولنا في السرقة يلا كانت حلال بش الواحد يرجع يسرق يا المومنين انا نخاف ربي يا المومنين مانحبش ناكل الحرام غير الحلال يا المومنين عاونو خوكم راني نحوس على الحلال في الجزائر ومازال مالقيتوش يا المومنين عاونو خوكم يا المومنين يا المومنين ردوا عليا ربي يعطيكم ما تتمناو يا المومنين يا المومنين رجعوا عليا يا المومنين يا المومنين ربي نشالله يدخلكم الجنة يا المومنين عاونو خوكم الزوالي ونحو عليه الغبن يا المومنين. هذا الموضوع نصفه ما اعانيه انا والاخر مايعانيه الشعب الجزائري الفقير كل يوم ننتضر ردودكم ونقاشكم وتحليلكم وشكرا لكم |
رد: يا المومنين يا المومنين ادخلوا يا المومنين
الصمت زين والسكوت شجاعة *** فإذا نطقت فلا تكن مكثاراً
فإذا ندمـت على سكوتك مـرة *** فلتندمن على الكلام مراراً ان السكوت سلامة ولربما *** زرع الكلام عداوة وضرارا أنا اسحب مشاركتي فقد فُهمت على أنها استهزاء بكاتب الموضوع و أنا لم اكن اقصد ذلك . |
رد: يا المومنين يا المومنين ادخلوا يا المومنين
اقتباس:
|
رد: يا المومنين يا المومنين ادخلوا يا المومنين
فرج الله قريب انشاء الله
اصبر صبر ايوب وماادراك ماصبر:confused: |
رد: يا المومنين يا المومنين ادخلوا يا المومنين
وا ش بيك يا مهبول أحباب ربي خلصو من الدنيا
إدا كان باباك جينيرال ، وإلا راجل أمك البروثوكول رايحين يرقيوك شوية وتولي آنجينيور في الشحادة ، ويديرولك بلاصة قدام باب الجامع الي مقابل البارلومون ، تترفه فيها ترفيهة كبيرة ، وتتزوج إنشاء الله و تجيب إيكيب تاع الطلالبة المحترفين . تشري الفيلا والطوموبيل.. ما تنساش برك شوي بيسطون و أعطيني بلاصة حداك ، خاطراكش سبيبطاتي بكل تقطعو يا المومنين نتاع ربي عاونوني؟؟؟؟؟؟؟؟؟ |
رد: يا المومنين يا المومنين ادخلوا يا المومنين
هذا حالنا كلنا ومعظم شبابنا الذي يحسدنا عليه الغرب
|
رد: يا المومنين يا المومنين ادخلوا يا المومنين
اقتباس:
الراجل راهو يشكي!! ما اقدرتش تقول كلمة تهون اعليه؟؟ مشرار هدرة؟؟؟ ما تنساش الاية الكريمة:واما السائل فلا تنهر. خويا صدام ما تزعفش كاين ربي ياخد الحق الميزيرية لي رانا فيها كامل على جال الخوباثة لي راهم حاكمينا الله لا تربحهم الباندية!!!! وعلى رأسهم كبيرهم (قصيرهم) الذي علمهم السحر!!!! |
رد: يا المومنين يا المومنين ادخلوا يا المومنين
اقتباس:
اجابتي بالأحمر ;) |
رد: يا المومنين يا المومنين ادخلوا يا المومنين
فكرتني بعرفات الله يرحم
بصح انت يسموك صدام وصدام مات فحل الا بصح مات وصدام عمر ما مد يد وصدام مات فحل وخلا شعب يقرص كي نحل |
رد: يا المومنين يا المومنين ادخلوا يا المومنين
{يَا أَيُّهَا الَّذِينَ آمَنُواْ اسْتَعِينُواْ بِالصَّبْرِ وَالصَّلاَةِ إِنَّ اللّهَ مَعَ الصَّابِرِينَ }البقرة153
{وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ }البقرة155 {أَمْ حَسِبْتُمْ أَن تَدْخُلُواْ الْجَنَّةَ وَلَمَّا يَعْلَمِ اللّهُ الَّذِينَ جَاهَدُواْ مِنكُمْ وَيَعْلَمَ الصَّابِرِينَ }آل عمران142 السلام عليكم: أخي صدام ما علينا الا الصبر.....والدعاء |
رد: يا المومنين يا المومنين ادخلوا يا المومنين
اقتباس:
|
رد: يا المومنين يا المومنين ادخلوا يا المومنين
السلام عليكم و رحمة الله و بركاته و بعد :
يا أخي صدام .. أسأل الله لك أن يرزقك رزقا حسنا طيبا مباركا فيه ... الله يفتح عليك بعمل نظيف .... عمل مريح .. كل هؤلاء إخوانك مساكين زوالية .. شباب ضايع ... حتى الذي يستهزىء بك ما تزعفش عليه ... هو مثلك .. كيفك في الهم و الغم ! بلادنا يرحمها ربي ... و إن شاء الله يجيبلها ناس مخلصين يرجعوها خضرة .. كن متفائلا و ربي يزوجك ... ما تخافش ! يا لوكان بزلافة كسكسي ( طعام ) . لازم الحمامة التي سترافقك .... تدرك أن شباب الجزائر كلهم نفس الحالة التي فيها أنت ... و حتى واحد ماهو خير من الآخر ... و الإنسان يشوف التحت ماشي لفوق .... شوف لي تحتك .... تحمد ربي على النعمة اللي راك فيها .... أنظر هذا يا رب الحمد لله ... يا رب الحمد لله .... يا رب الحمد لله ... الله يفرج على المسلمين جميعا ... همومهم و ينفس كربهم ... لا تنس : الدعاء استمع : بك أستجير فمن يجير سواك ... اضغط هنا أخوك بويدي . |
رد: يا المومنين يا المومنين ادخلوا يا المومنين
نحن الملايين مثلك .... ملايين مثلك .... لا تقف أبدا ! ربي يعوضك خير ... أقدم أقدم ..
الله يفرجها عليك يا خويا . بويدي . |
رد: يا المومنين يا المومنين ادخلوا يا المومنين
اقتباس:
|
رد: يا المومنين يا المومنين ادخلوا يا المومنين
نصيحتي ليك يا خويا الطلاب سامحني هكا نقولو :
أفسخ الخطبة و أضرب فيها ثور للصحرا سيثو لا كنت طويل و عريض و شوي بوغوص ، أدي فيها واحدة تارقية تكفيك و تكفي أماليك . لاه تاع لوروب خير عليك منين فاقو بلي الجزاير عندها أكبر إحتياطي من الماس عادو هات برك لاشتات مصددين و محروقين |
رد: يا المومنين يا المومنين ادخلوا يا المومنين
دعوة صادقة وهي اقل شيء يمنحه المؤمن لاخيه المؤمن
|
رد: يا المومنين يا المومنين ادخلوا يا المومنين
السلام عليكم ورحمة الله وبركاته كلكم اخوتي وكلكم احبكم في الله الله يخليكم ويستركم ويحفظكم يا المومنين تع الصح هكدا نحبكم اكثر واكثر وشكرا لردودكم ونصائحكم التي استفدت منها انا واستفاد منها الاخرين من استهزاو بي وبموضوعي كما يستهزؤون بي الان ال سروق الذين ياكلون المال اكلا لما والذين ينهبون قوت الشعب البسيط نهبا الى من اشكوا يا رب اشكوا لك حالي فخفف عني وعن جميع المؤمنين البسطاء مثلي اللهم انصر الاسلام والمسلمين واخذل الشرك والمشركين اللهم انصرنا على من ضلمنا اللهم كن لنا ولا تكن علينا واختم بالايمان حياتنا وبعد شكوتي لله اشكو هاذ المسؤولين الحقارين والمتعنترين لاجدادنا وشهداء الواجب الوطني الى الشهيد عميروش وسي الحواس والى الشهيد ديدوش مراد والعربي بن مهيدي الى الشهيد زيغود يوسف وسي لخضر الى الشهيد احمد زبانة وعبان رمضان واشكوهم الى المرحوم والشهيد الهواري بومدين الشعب البسيط يذوق الويلات ولازم للجزائر ترجع لابنائها قولو معايا امين امين يا رب العالمين يا ربي ورد الينا جزائرنا وضعها بين ايادي شريفة تخدمها ونستفيد من خيراتها وتستفيد منا بخدمتها ورعايتها وحتى حماية شرفها الضائع احبك يا جزائر احبك يا جزائر احبك يا جزائر انتي في قفص الاتهام من جميع ابنائك وانا اقول لك يا امي يا جزائر اصبري اصبري فان فك اسرك لقريب جداااااااا. |
رد: يا المومنين يا المومنين ادخلوا يا المومنين
اقتباس:
|
رد: يا المومنين يا المومنين ادخلوا يا المومنين
اقتباس:
ما قدرتش ممبا تكتب جملة؟؟ ما تعرفش تهدر ؟؟عقون خيو؟؟؟:d :d |
رد: يا المومنين يا المومنين ادخلوا يا المومنين
لمّا سكتُّ حسبتَ أنك ناجِ *** هيهاتَ إني كالمَنونِ أفاجي
إنْ كان داخلكَ الغرورُ فإنه *** ما انفكّ في البُسطاءِ والسُّذاجِ حاولتَ أن تهتاجني عن مربضي *** لتنالَ ذكراً ، خِبْتَ يا ذا الرّاجي عارٌ إذا أنشبتُ فيك مَخالبي *** إذ ليس من خُلقي افتراسُ نِعاجِ قد كنتُ أزهدُ في الهِجا لو لم يكنْ *** لك يا مريضَ العُجبِ خيرَ علاجِ :D |
رد: يا المومنين يا المومنين ادخلوا يا المومنين
الدعاء مفتاح الفرج والعمل والعلم حل لمشاكل الشعوب التي تعاني من الفقر والبطالة واليابان والصين خير دليل
|
رد: يا المومنين يا المومنين ادخلوا يا المومنين
اقتباس:
اقتباس:
شتّان بين الثّرى والثّرايا |
| الساعة الآن 09:59 AM. |
Powered by vBulletin
قوانين المنتدى