|
شحال تغيضي..يا بلادي l'algérie
ولاّ رُوتين.. الغاشي في لاري شحال من بطّال..تقول واحد ماقاري!! واحد خدّام..عندو قفّة دراري لاخر وحداني..مخُّو يبيع أو يشري ** ** تخرج فرحان..لعشية ترجع حزين سبابك لصحاب..ما بقى فيهم حنين غير اللّي يصاحبك.. علاجال جيبك وإذا فرغ الجيب..انسى يولّي حبيبك ** ** تدخل للدّار.. تلقى المدام تشكي تنشعل النّار..تضحك ولا تبكي!! تحب القفة فيها اللّحم والبنان تعاند الجارة لي راجلها سلطان ** ** واش راني نشوف..غير لي يتبعك بالعين كلّ شي مكشوف..قلي تهرب الوين؟؟ مظلوم ماظلم..يقتلوه بالخوف ولي ظلم وحكم..يرّفدوه عالّكفوف ** ** تدخل للقاهوة.. كي ليامات زمان تسمع الرّاي..تهرب ماتزيد تبان وينهم لشياخ..عليهم تدمع لعيان وين راح الحاج..فنو ينسّي لحزان ** ** كيفاش إيجيك في اللّيل النّوم القلب حزين..والخاطر مهموم تحوس تخدم..لازملك ديبلوم ولي جابو..يخدموه عساس النجوم ** ** يا لطيف..كيفاش تبدلت لحوال تبدل الزمان ..ولات لحياة هبال اللي كان jeune ..شعرو شاب وذبال ملي يصبح..يشكي يخاف ويسال ** ** شحال تغيضي..يابلادي l'algerie جاك الطوفان..مالقيتي ما ديري دار بيك الزمان..ماعليك غير تصبري ربي يحميك..وترجعي كي بكري ** ** هذا قولي ليكم..ياناس لحياة مادوم غدوة تموتو كلكم..الباقي غير القيوم ابنوا ما ريبت يديكم..راهو غالي في السوم لوطن اينادي عليكم..حقو ثابت معلوم |
رد: شحال تغيضي..يا بلادي l'algérie
وفقك الله في رسم المعانات اليومية للطبقة المنسية و من جديدك لا تبخل l'Algerie |
رد: شحال تغيضي..يا بلادي l'algérie
و الله الشعب الجزائري شعب عظيم بالصح القيادة انتاعه رب يهديها
|
رد: شحال تغيضي..يا بلادي l'algérie
شكرا لك و الله القصيدة معبرة جداااااااااا
بارك الله فيك. |
رد: شحال تغيضي..يا بلادي l'algérie
اقتباس:
شكرا على المرور الكريم.. والرد المشجع دمت بود اخي الكريم |
رد: شحال تغيضي..يا بلادي l'algérie
اقتباس:
ايييييه واش نديرو يا خويا ميمو.. نطلبو ربي يصلح الحاكم و المحكوم او لهنا علينا ان شاء الله ايدوم يعطيك الف صحة |
رد: شحال تغيضي..يا بلادي l'algérie
اقتباس:
يا عمري عليك شحال شابة.. يا نور الهدى الف شكر عالمرور الجميل |
رد: شحال تغيضي..يا بلادي l'algérie
رائعة يمكنها ان تلحن وتغنى بالطابع الشعبي.
شكرا لك. مع كل الود. |
رد: شحال تغيضي..يا بلادي l'algérie
اقتباس:
اعذرني اخي لم اشاهد ردك..لاني تقريبا اهتم بقسم الخاطرة.. هههههه لقد نسيت اني كتبت نصا بقسم الشعر الملحون شكرا ..مرورك يسعدني |
رد: شحال تغيضي..يا بلادي l'algérie
السلام عليكم كل كلمة وكل جملة تعبر فعلا عن الواقع ...لم أكن أعرف أنه مر لهذه الدرجة tears شعر ملحون وموزون وكأن سن من كتبه تجاوز القرن.رغم أن فيه بعض القسوة والحزن والمرارة و الكآبة.. وكأن زمننا هذا لم يعد له أي نكهة الا أنه أعجبني .فبوركت . |
رد: شحال تغيضي..يا بلادي l'algérie
اقتباس:
أجل غاليتي زمننا فقد نكهته بعدما اختلفت واختلت طباع أهله واقع لا هروب منه لكنّه زمننا ولا هروب لنا منه الا بانتهاء اجلنا شكرا على الردّ و دمت بود |
رد: شحال تغيضي..يا بلادي l'algérie
|
| الساعة الآن 03:04 AM. |
Powered by vBulletin
قوانين المنتدى