|
---شكون اللي يفهمني؟ و شكون اللي بيا؟---
من أول يوم عرفتك فيه عزيتك في مقام قلبي حطيتك تكلمنا في أمور قلقاتك و عمري وحدك ما خليتك كاين اللي قالي كي نشوفك نمرض و كاين اللي قالي كي نشوفك نبرا كاين اللي عرف قيمتي من أول نظرة و كاين اللي عز عليا حتى الخزرة كاين اللي نهار كامل و هو ينوم و يحلم بالقمرة و كاين اللي نهار كامل و هو يتعذب على جال الدنيا الحقارة قلتلهم يا ناس فهموني قالولي وشبيك يا المعدورة؟ قلتلهم حبني و عزني و خلاني قالولي أنت هي المرة قلتلهم عيشني في وهم و في منام خلاني و بهذيك النظرة الحنينة كواني و بمحاينو الكثيرة قراني قالولي فيقي و بركاينا ما هاد الهدرة و من هاد المسخرة و التم فقت بلي أنا اللي كنت غالطة أمنتو.شكيتلو.حبيتو و كرهتو قالولي علاه عليك يا طفلة؟ قلتلهم ما يحس بيا غير اللي عفس على الجمرة قالولي الله يهديك و يوعيك من هاد الهدرة و من هاد الفكرة قلتلهم من قلبي حبيتو هادي أول و أخر مرة قالولي أخطيك يروح واحد و يجو عشرة قلتلهم هو اللي بيا و نجيبو حتى من أخر الدنيا قالولي علاه عليك يا البنية؟ قلتلهم هو اللي مررلي حياتي و حسسني بالنية جراني.قهرني.مرضني كواني..... و هنا نطق و قالي علاه هكدا راكي تخافي عليا؟ قلتلو نفديك بروحي و على جالك نبيع عينيا -قاطعني.سكتني و قالي روحي راكي غير تزيدي عليا استشفاو فيا الناس و ضحكو عليا ما عرفتش عليمن نبكي؟و ليمن نشكي؟ و وين راه اللي يفهمني؟ توجهت لقراب الناس ليا و قلتلهم أدعولي ربي يعطيني القدرة و نردلو كل واش خسر عليا من النهار اللي ربي بلاه بيا و قالي أخطيني يا الهميا أنا ماراني ليك و أنتي ما راكي ليا. هذه أول محاولاتي إن شاء الله تكون على ذوقكم nour el houda |
رد: ---شكون اللي يفهمني؟ و شكون اللي بيا؟---
بداية موفقة أختي استمري على هذا المنوال مع تحيات ... - أميرة الورد - |
رد: ---شكون اللي يفهمني؟ و شكون اللي بيا؟---
اقتباس:
merci beaucoup tahiyati |
رد: ---شكون اللي يفهمني؟ و شكون اللي بيا؟---
بداية ممتازة نونو والله
|
رد: ---شكون اللي يفهمني؟ و شكون اللي بيا؟---
اقتباس:
merci beaucoup allah yahafdek khti salam |
رد: ---شكون اللي يفهمني؟ و شكون اللي بيا؟---
*=== (( شكرا لك رائع )) ===*
|
رد: ---شكون اللي يفهمني؟ و شكون اللي بيا؟---
اقتباس:
mourourk arwa3 salam |
رد: ---شكون اللي يفهمني؟ و شكون اللي بيا؟---
رائعة يا نور الهدى شكرا لك اختي على المبادرة الرائعة يسلمو يديك مزيد من التألق ان شاء الله تحياتي... |
رد: ---شكون اللي يفهمني؟ و شكون اللي بيا؟---
اقتباس:
tahiyati |
رد: ---شكون اللي يفهمني؟ و شكون اللي بيا؟---
جميلة بحق خطفت عقلي وخاطري تلك الكلمات اتمنى لك التوفيق كوني فقط نقلب طيب ونية صادقة وستصلين الى مبتغاك شكرا جزيلا لك |
| الساعة الآن 10:59 PM. |
Powered by vBulletin
قوانين المنتدى