*الغُوثِيَّة*
يَا أهْلْ الله غِيثُوا المَلْهُوفْ **** قَبْلْ انْ يَتْمَرْمَدْ فَكُّوهْ كِيفْ يَهْنَا مَنْ سَكْنُه خُوفْ **** وَانْزَحَمْ طُلاَّبُه عَلُّوهْ ** يَا اهْلْ الله وِينْ اهْلْ الله كُلاَّتْهُمْ ***** عَاسَى تَحْضَرْ بَراكْتْهُمْ وَ تحْضَرْ لِينَا عْنَايَتْهُمْ ***** نَدْرَكْ الشِّي اللِّي دَرْكُوهْ **يَا اهْلْ الله وِينْ اهْلْ الله بَالجَمْلَة ***** شَرْقْ و غَرْبْ جُوفْ و قَبْلَة مَنْ هُمْ سِيدِي عَبْدْ الله ***** التُّهَامِي الحُسْنِي سَبْطُوهْ**يَا اهْلْ الله وَايَنْ هُمْ أهْلْ التَّصْرِيف*****عِمَادْ الخَلْقْ قَاوِي وَ ضْعِيفْ كُلْ مَنْ رُوَّحْ لِيهُمْ ضِيفْ***** يَكَّرْمُوهْ وَ يْعَلُّوا قَدْرُوهْ **يَا اهْلْ الله وِينْ اهْلْ اوْقَاتْ الخَمْسَة ***** ايْحَضْرُوا لاَ عَلَّى وَ عَاسَى الكُلْ بِيهُمْ يَتْوَاسَى ***** كُلْ هَمْ عَلِيَّا يَجْلُوهْ **يا اهْلْالله وِينْ سْلاَطِينْ الاوْلِيّاء **** فِي الوْطَانْ و كُلْ ثْنِيَّة بِيهُمْ كُلْ وَالِي وَ اوْلِيَّة ***** يَنْدَهْ مَنْ لَعْدَاء رَاحْمُوهْ **يَا اهْلْ اللْه وِينْ هُوَّ فَكَّاكْ العَارْ **** أبُوعْلاَمْ رْفِيقْ الخَطَّارْ نَنْدَهْ بِيهْ إنْ حَظْرَتْ لَقْدَارْ ***** بِيهْ يَنْدَهْ مَنْ ضَاقْ امْرُوهْ ** يَا اهْلْ الله وِينْ أهْلْ الغَرْبْ الأقْصَى ***** وَ الجَانُوبْ مَعَ جَابَرْ صَة وِينْ مَنْ بِيهُمْ نَتْمَسَّى ***** ذَالغِيَّارْ عَلِيّا رَفْدُوهْ ** يَا اهْلْ الله وِينْ القُطْبْ أبُو عَزَّة ***** الفَحَلْ فَكَّاكْ الحَزَّة لاَ تْضَنُّوشِي يَسْتَهْزَا ***** بْحَاجَةْ اللِّي هُمْ طَلْبُهْ **يَا اهْلْ الله وِينْ السِّيَدْ أبُو العَبَّاسْ ***** مَنْ أهْلْ مَرَّاكَشْ تَاقِي النَّاسْ بَحْرُه بَحْرْ الاَّ يَنْقَاسْ ***** هَاكْذَا قَالُوا اللِّي دَخْلُوهْ**يَا اهْلْ الله وِينْ هُمْ سَبْعَتُ رِجَالْ ***** عَهْدْهُمْ عَهْدْ أُوفَى وَ اكْمَالْ مَنْ ادْرَكْهُمْ قَبْلْ المِيجَالْ ***** عَظْمُه المْكَسّرْ جَبْرُوهْ ** يَا اهْلْ الله وِينْ بَنْ عِيسَى وَ المَحْجُوبْ***** احْمَدْ السُّوسِي وَ المَجْدُوبْ و كُلْ مَنْ هُو لَهُمْ مَنْسُوبْ***** كِيفْ يَخْفِي الْجَمْهُرْ اسْمُوهْ**يَا اهْلْالله وِينْ أبُو جِيدَة وَ الشَّاوِي ***** مُولْ الحْزَامْ البَرْنَاوِي صَاحِبُ السَّرْ المَعْنَوِي ***** مَنْ جْبَرْ عَبْدْ الحَقْ أُو خُوهْ *** يَا اهْلْ الله وِينْ سُلْطَانْ الغَرْبْ وْ نَاسْ ***** كُلْ بُوقْعَة وَ مْدِينَتْ فَاسْ أهْل زَرْهُونْ مَعَ مَكْنَاسْ ***** وَ القَصَرْ وَ الفَحْصْ وْ حُوزُوهْ ** يَا اهْلْ الله وِينْ ابْنْ القَاضِي وَ الخَمّارْ ***** أبُو سَتَّة وَ جْبَل صَرْصَارْ أهْلْ تِيطْوَانْ وَ الصَّبَارْ ***** مِنَ البْلاَء وَالجُورْ يَنَّعْرُوهْ**يَا اهْلْ الله وَايَنْ هُوَ سِيدِي مَعْزُوزْ ***** احْمَدْ الحَرْشُوشْ و عَزُّوزْ ابْنْ المُخَنْتَرْ وَ رْجَالْ الفُوزْ ***** مَالْقَاوْ اللِّيلْ وْ سَهْرَوهْ**يَا اهْلْ الله وِينْ أهْلْ سْلاَ اهْلْ اغْمَاتْ ***** أهْلْ وَادْ ذْرَاعْ وَ أهْلْ تْوَاتْ أهْلْ فَقِّيقْ وْ تَافِيلاَتْ***** وِينْ الحَبِيبْ مَعَ مَنْ حَبُّوهْ **يَا اهلْ الله وِينْ اهْلْ الفَرْعْ الأصْلِي ***** مَنْ اوْلاَدْ مُحَمَّدْ وَ عَلِي وْ كُلْ هُو صَالَحْ وَ وَالِي***** كُلْ مَا يشْمَلْ مَنْ فَضْلُهْ **يَا اهْلْ الله وِينْ هُوَ بَنْ بُوزِيَّانْ***** الفَضِيلْ وَ عَبْدْ الرَحْمَانْ أهْلْ قْرَارَة وَ الرِّيَّانْ*****وَ اهْلْ كُلْ قَبِيلَة نَسْلُوهْ **يَا اهْلْ الله وِينْ نَاسْ وْطَنْ تْغَازَة ***** وْأهْلْ سُوسْ وْ كُلْ مْفَازَة أهْلْ الارْيَافْ مَعَ تَازَة ***** وَ انْقَادْ وَ وَجْدَة وَ اهْلُوهْ ** يا اهْلْ اللْه وَايَنْ هُمْ نَاسْ تِلَمْسَانْ ***** كُلْهُممْ اشْيُوخْ وَ شُبَّانْ بَعْضْ مَنْهُمْ جُوَّرْ البُنْيَانْ ***** دَاخَلْ الحِصْنْ و خَرْجُوهْ**يَا اهْلْ الله وِينْ أهْلْ البَطْمَة وَ البَابْ ***** لَجْدَارْ و سِيدِي وَهَّابْ وَ المْخَمَّرْ يَعْقُوبْ الشَّابْ ***** مَنْ حْكَمْ فِي الجَنْ و خَدْمُوهْ**يَا اهْل الله وِينْ أهْلْ الدَّرْ المَكْنُونْ ***** و مَنْ قْرَا وَ حْفَظْ كُلْ فْنُونْ احْمَدْ بَنْ نَاصَرْ مَدْفُونْ ***** تَحْتْ بَابْ القُبَّة قَبْرُوهْ **يَا اهْلْ الله وِينْ هُمْ أهْلْ أقَادِيرْ ***** والرُّبَاطْ وَ اهْل افْعَالْ الخِيرْ الإمَامْ العَادَلْ الوَزِيرْ***** سَطْوَةْ المُسْتَحْسَنْ عَدْلُوهْ **يَا اهْلْ الله وِينْ بَنْ يَحْيَ وَ الرَّصَاعْ***** الوَالِي بَالرَّحْمَة وَ شْيَاعْ كَمْ نَسْبَةْ أهْلْ الوَرَاعْ***** أصْحَابْ الحَقْ وْ مَنْ تَبْعُوهْ** يَا اهْلْ الله وِينْ هُمْ أهْلْ التَّصَوُّوفْ***** وَ الإغَاثَة وَ اهْلْ المَعْرُوفْ يُوسَفْ وْ لَحْسَنْ بَنْ مَخْلُوفْ*****سِيدِي مُوسَى البَرْ وْ أبُوهْ **يَا اهْلْ الله وِينْ بَنْ زِينَة وَ الحَبَّاكْ***** أحْمَدْ بَنْ بَنْتُه الفَكَّاكْ مَنْ حْصَلْ كِالطِّيرْ فِي لَشْرَاكْ***** مَنْ طْوَاقْ لْعُنْقٌه وْ طَلْقُوهْ**ياَ اهْلْ الله وِينْ سِيدِي الحَلْوِي المَتْهُومْ***** مَنْ تَكَلَّمْ لَكْبَارْ القُومْ اجْهَرْ لْبَنْ قَطْعْ الحَلْقُومْ*****جَاوَبْ الَبُوَّابْ وْ سَمْعُوهْ **يَا اهْلْ الله قَالْ لَلْبُوَّابْ اعْزَمْ قُومْ ***** أغْلَقْ البَابْ وْ سِيرْ تْنُومْ مَا بْقَى لَلْحَلْوِي المَظْلومْ ***** فِي الخَلَاء ذَبْحُوهْ وْ صَلْبُوهْ**يَا اهْلْ الله وِينْ أوْلِيَاء الله مَنْ هَانْ***** دُونْ كُلْ بْلادْ تْلَمْسَانْ انْبَاعَتْ بَأ رْخَسْ ثَمَانْ ***** ذَالعَجَمْ اوْطَنْهَا خَرْبُوهْ **يَا اهْلْ الله وِينْ السَّعِيدْ البُوزِيدِي ***** الشَّرِيفْ الخَاذِي بِيدِي نَمَدْحُه سِيدِي بَنْ سِيدِي ***** وْ نَمْدَحْ جَمِيعْ اللِّي مَدْحُوهْ **يَا اهْلْ الله وِينْ هُوَّ إبْنْ مَرْزُوقْ ***** الحَفِيدْ وَ جَدُّه مَنْ فُوقْ وَ الخَرْطِيبْ المَعْلُومْ شْفُوقْ***** صَاحِبُ النَسْخَة سَالُوهْ **يا اهلْ الله جَاتْهُمْ مَنْ زَمْزَمْ كِالطِّيرْ***** مَنْ تَحْتْ الأرْضْ خَرْجَتْ فِي البِيرْ مَا اتْبَلَّتْ ابْشَرْ بَالخِيرْ***** كُلْهَا شَاهَدْهاَ بَصْرُوهْ **يَا اهْلْ الله وِينْ حَدُّوشْ وإبْنُ إدْرِيسْ***** وَ المَارِينِي وَ اصْحَابْ الكِيسْ وِينْ سِيدِي البَايَعْ ارْخِيسْ***** التُّجَّارْ تْرَابُه قَسْمُوهْ **يَا اهْلْ الله وِينْ أهْلْ الفَضْلْ المُوسُوقْ***** أهْلْ البَلْدْ وْ كُلْ طْرُوقْ وِينْ بُو جَمْعَة مُولْ السُّوقْ***** وِينْ مَنْ دَخْلُوهْ و خَرْجُوهْ**يَا اهْلْ الله وِينْ سِيدِي الحَاجْ العَشْرِي ***** السّْنُوسِي وأبْنُ المَقْرِي وَ الفَقِيهْ احْمَدْ بَنْ زَكْرِي **** المَغِيلِي المفْهُومْ اصْلُوهْ **يَا اهْلْ الله وِينْ مَنْ تأتِيه الزُّيَارْ ***** تْجِيهْ لَلْبْلادْ فِي كَلْ انْهَارْ الشّْبِيلِي قطْبْ الابْرَار***** المْغِيثْ الشَّايَعْ خَبْرَوهْ **يَا اهْلْ الله وِينْ الشِيخْ أبُو مَدْيَنْ ***** شَامْخْ القَدْرْ المَتْعِيَّنْ حُرْمَة لَجْمِيعْ المَنْفِييّنْ ***** مَنْ هَرَبْ لَمْقَامُه عَتْقُوهْ **يَا اهْلْ الله وِينْ هُمْ الرّْجَالْ العُبَّادْ ***** وَ البَعَلْ وَ رْجَالْ اكْمَادْ أبُو العُلاَ وَ السِّيَدْ عِيَادْ ***** وَ الإمَامْ عَلِي بَنْ خُوهْ **يَا اهْلْ الله وِين ابْرَاهِيمْ النَعَّارْ ***** وَ اتْمِيمِي وَ ابْنُ العَطَّارْ وِينْ ابُو اسْحَاقْ الطِّيَّارْ ***** مَنْ احْفَظْ الاوْقَاتْ وْحَفْظُوهْ**يَا اهلْ الله وِينْ اهْلْ القَلْعَة وَ احْنِيفْ***** وَ الجْنَاحْ لَخْضَرْ وَ الصَّفْصِيفْ وَ أهْلْ عِينْ الحُوتْ لَعْكِيفْ ***** صَارْ دَعِيهُمْ مَا سَمْعُوهْ **يَا اهْلْ الله وِين الحُوشِي بَنْ مَنْصُورْ***** صَاحَبْ البُرْهَانْ المَذْكُورْ المْسَلَّكْ مَنْ هُو مِيسُورْ***** فِي يَدْ اعْدَاهْ بَعْدْ انْ قَبْضُوهْ **يَا اهْلْ الله قَلِيلْ ذَا السَاعَة مَنْ يقْصَدْ ***** بَنْ عَلِي سِيدِي مَحَمَّد مَنْ دَخَلْ لَحْمَاهْ وَ سَنَّدْ ***** يَتْحَرَّرْ وَ الله ضَمْنُوهْ **يَا اهْلْ الله شَهْدَتْلُه النّاسْ بَالبرْهَانْ ***** وَ انْشَهَرْ خَبْرُه وَاضَحْ بَانْ شَاعَتْ اخْبَارُه فِي البُلْدَانْ ***** قَالُوا لُو صَبْنَا انْزُورُوهْ **يَا اهلْ الله كُلْ مَنْ زَارُه يَا سَادَاتْ ***** مَا ايْرُوحْ بْلاَ شِي هَيْهَاتْ بِهْ عِينْ الحُوتْ اتْهَنَّاتْ ***** لَطْفْ الله بِيهُمْ حَمْدُوهْ**يَا اهْلْ الله وِينْ أهْلْ الصَّحْرَى وَ التَّلْ ***** وْ كُلْ مَنْ هُو فِي وْطَى وَ جْبَلْ مَا كْثَرْ مَنْهُمْ وَ مَا قَلْ **** كُلْ وَاحَدْ بَسْمُه نَدْعُوهْ **يَا اهْلْ الله وِينْ أهْلْ التَّقْوَة وَ الدِينْ***** كُلْهُمْ مُتَى وَ الحِييِنْ مَنْ تَوَسَّلْ بِيهُمْ فِي الحِينْ***** يَنْجَا و يَنْجَبَرْ كَسْرُوهْ **يا اهْلْ الله وِينْ أهْلْ السَاحَلْ وَ الجُونْ ***** وَ المَرَاسِي وَ اهْلْ رَشْقُونْ نَاسْ كُلْ جَزِيرَة وَ مْدُونْ ***** فِي كُلْ جِيهَا وَ مَا مَلْكُوهْ **يَا اهْلْ الله وِينْ هِيَ الدَّارْ الحَمْرَة ***** وَ السُوَاحَلْ دَشْرَة دَشْرَة أهْلْ وَهْرَانْ بَعْدْ العَشْرَة ***** انْسَاوْ كُلْ حْبِيبْ وْ تَرْكُوهْ**يَا اهْلْ الله وِينْ أهْلْ وَادِي الشُّولِي ***** نَاسْ يَبْدَرْ وَ ابْنِي غَزْلِي عَنْدَهُمْ نَحْوْ مِيَاتْ وَالِي ***** شِي خَافِي وْ شِي عَرْفُوهْ**يَا اهلْ الله وِينْ الهُوَّارِي المَذْكُورْ ***** شَاعَتْ اخْبَارُه فِي لَبْرُرْ عَلَى اوْلاَدُه يَلْقَى فِي الكُورْ***** هَاكْذَا قَالُوا اللِّي عَرْفُوهْ**يَا اهْلْ الله وِينْ أهْلْ اوْطَنْ مَكَّرَة ***** وَ الخَمِيسْ وْ سِيقْ وْ هَبْرَة مُسْتَغَانَمْ وْ قَرْيَاتْ اخْرَة ***** وَ بْلاَدْ المَطْمَرْ وَ اهْلُوهْ **يَا اهْلْ الله وِينْ هُوَ سِيدِي عُثْمَانْ ***** الوَالِي مُولَى مَزَّغْرَانْ صَاحِبْ الحِكْمَة وَ البُرْهَانْ***** بَانْ للنَّاسْ وَ اظْهَرْ فَضْلُوهْ**يَا أهْلْ الله وِينْ هُوَ حَمُّو المَعْلُومْ ***** بُو مْجَاهَدْ وَ رِجَالْ اللُّومْ وِينْ مَنْ هَزْمُوا جْيُوشْ الرُّومْ***** بَالسِّيفْ وْ دِينْهُمْ صَانُوهْ **يَا اهْلْ الله وِينْ هُوَ سِيدِي عَابَدْ ***** وَ سِيدِي عِيسَى بَنْ دَاوَدْ أهْلْ مَازُونَة وَ النَّاشَدْ***** لَخْضَرْ وَ مَنْ فَاتُوا سَبْقُوهْ **يَا اهْلْ الله وِينْ بَنْ عُودَة وَ الإخْوَانْ***** عُومَارْ وَ احْمَدْ وَ سُوفْيَانْ وِينْ اسْعَادَة وَ سْلِيمَانْ***** الكَفِيفْ الكَاتَمْ سَرُّهْ **يَا اهْلْ الله وِينْ سِيدِي مَعْرُفْ أوِيسْ ***** أهْلْ مَجَّانَة وَ أهْلْ غْرِيسْ أهْلْ مَنْدَاسْ وَ الوَانَشْرِيسْ ***** وَ الشْلَفْ وَ جْمِيعْ اللِّي حَدُّوهْ **يَا اهْلْ الله وِينْ سِيدِي احْمَدْ بَنْ نَاصَرْ ***** صَاحْبْ البُرْهَانْ الظَّاهَرْ مَنْ قَطْعْ الوَادْ الوَاجَّرْ***** وَ الحْجَارْ وَ الدَفْلَة تَبْعُوهْ **يَا اهْلْ الله وِينْ سِيدِي احْمَدْ بَنْ يُوسَفْ ***** أهْلْ زَكَّارْ وَ بْنِي يَخْلَفْ وِين مَنْ بِيدُه اغْلَبْ و عَفْ ***** وَ اعْتَقْ جْمِيعْ اللذِي ظَلْمُوهْ **يَا اهْلْ الله وِين أهْلْ القَبْلَة وَ رْجَالْ ***** المَدِية وَ اجْبَلْ عَمَّالْ أهْلْ جَنْدَلْ وَ بَنْ عَلاَّلْ ***** الشَّرِيفْ الوَافِي عَهْدُهْ **يَا اهْلْ الله وِينْ احْمَدْ مُولَى سَاكَة ***** صَاحَبْ الحِكْمَة وَ البَرَكَة مَنْ دَخَلْ لَمْقَامُه وَ اشْكَا ***** يَرْغَبْ الله يَرْفَعْ ضَرُّهْ **يَا اهْلْ الله وِينْ وْطَنْ أهْلْ مَتِّيجَة ***** فِيهُمْ انَا رَانِي نَرْجَا عَلِي امْبَارَكْ يَقْضِي الحَاجَة***** لِكُلْ مَنْ مْشَوْ و قَصْدُوهْ **يَا اهْلْ الله وِينْ وْطًنْ أبُو حَلْوَانْ ***** البُلِيدَة وَ أهْلْ مَتِّيجَانْ فِي الجَزَئرْ أهْل الدِّيوَانْ ***** مَالْهُمْ حَالِي مَا عَرْفُوهْ **يا اهْلْ الله وِينْ سِيدِي عَبْدْ الرَّحْمَانْ ***** الثَّعَالِبِي غَلِي الشَانْ مَنْ اشْرَحْ أيَاتْ القُرآنْ ***** وَ اتْمَاثَلْ لِأمْرُه و نَهْيُوهْ**يَا اهْلْ الله وِينْ هُوَ سِيدِي مَنْصُورْ ***** الشَّرِيفْ التَّاقِي المَشْهُورْ مَنْ عَظَمَةْ أهْلْ الجَمْهُورْ ***** وَ اعْظَمْ فِي مَزْغَنَّة حَرْمُوهْ **يَا اهلْ الله وِينْ أهْلْ تَنَسْ وَ بْدَاوَة ***** أهْلْ شَرْشَالْ و مَغْرَاوَة أهْلْ جِيجَلْ وَ اهْلْ زْوَاوَة***** وَ اهْلْ كُلْ قْبِيلْ وْ قَطِبُهْ **يَا اهْلْ الله وِينْ اهْلْ بْجَايَة الاحْبَارْ ***** كُلْ جِيهَة يْمِينَة وَ يْسَا رْ وِينْ مَنْ لَهُمْ عَقْلِي طَارْ ***** فِي الهَوَاء وَ دْلِيلِي فَتْنُوهْ **يَا اهْلْ الله وِينْ أهْلْ قُسَنْطِينَة وِينْ ***** بَنْ سْلِيمَانْ و بَدْرْ الدِينْ وَ العْرُوسِي وَ اهْلْ الوَطْنِينْ ***** وَ الجَرِيدْ وْ نَاسُه طَعْنُوهْ **يَا اهْلْ الله وِينْ أهْلْ الزِّيبَانْ وْ صَافْ ***** وَ اهْلْ كُلْ قْبِيلَة وَ اشْرَافْ وَ أهْلْ بَاجَة وْ أهْلْ الكَافْ***** وَ أهْلْ تُونَسْ وَ مَا جَمْعُوه ** يَا اهْلْ الله وَايَنْ هُمْ أهْلْ تُونَسْ ***** عَلِي الفَاضَلْ وْ بَنْ يُونَسْ وِينْ مَنْ بِهُمْ نَتْوَنَّسْ ***** خَاطْرِي وَ القَلْبْ ايْسَلُّوهْ** يَا اهْلْ الله وِينْ أهْلْ طْرَابْلَسْ وْ سِيدْ ***** كُلْ مَنْ هُو لَلْخِيرْ ارْشِيدْ وِينْ القُطْبْ أبَا يَزِيدْ ***** المُوَّحَدْ لله دَرُّهْ **يَا اهْلْ الله وِينْ البَاجِي وَ الزَّرُوقْ ***** أحْمَدْ البَدْوِي وَ الدِيسُوقْ وِينْ أهْلْ القَمْنَة وَ الذُّوقْ ***** مَنْ مْلاَوْ الكَاسْ وْ شَرْبُوهْ **يَا اهْلْ الله وِينْ بَنْ عَرْفَة وَ اصْحَابُه***** التَّالِيفْ لَلشَّايْبْ شْبَابُه مَنْ عَمَلْ مَنْهُمْ شِي كَتْبُه ***** انْتَفَعْ بِيهْ وْ نَالْ أجْرُوهْ**يَا اهْلْ الله وِينْ النِّسَائِ وَ خْلِيلْ***** وَ أهْلْ مِصْرْ وْ بَحْرْ النِّيلْ وِينْ مَنْ صَامْ وْقَامْ اللِّيلْ***** طْلَبْ الله ارْفَعْ ضَرُّوهْ**يَا اهْلْ الله وِينْ مُسْلَمْ وَ البُخَارِي***** وْ كُلْ مَنْ هُو عَالَمْ قَارِي وِينْ أيُّوبْ الأنْصَارِي***** فَاتَحْ إسْطَمْبُولْ وْ وَطْنُوهْ يا اهْلْ الله وِينْ اهْلْ الشَّامْ وْ بَغْدَادْ***** وِينْ نَاسْ التُّرْكْ وَ الأكرَاد وِينْ أوْلِياء الله لَسْيَادْ***** مَنْ اخْفَاوْ السَّرْ وْ كَتْمُوهْ** ياَ اهْلْ الله وِينْ أهْلْ السَّنْدْ معَ الهَنْدْ***** السّوَادِينْ وَ وَطْنْ الحَدْ وَ القَبَايَلْ مَنْ جَدْ الجَدْ***** كُلْ مَنْ خَافْ الله نَرْجُوهْ **يَا اهْلْ الله وِينْ هُمَا أهْلْ الخَطْوَاتْ ***** مَنْ مَشَى فُوقْ المَاء بَثْبَاتْ وِينْ أهْلْ الطِّيرْ وْ لَشْيَاتْ***** مَنْهُمْ عَدَدْ انْ لاَ نحْصُوهْ **يَا اهْلْ الله وِين أهْلْ الحَالْ وْ لَحْوَالْ ***** النُّجَابَاء النَّاسْ الأفْضَالْ وِينْ أهْلْ التَّقْوَة لَفْحَالْ ***** وَ أهْلْ الطَّرِيقْ وَ وَفْدُوهْ **يَا اهْلْ الله وِينْ هُمْ أسْيَادِي الأنْصَارْ **** وَ المُهَاجِرِينْ الأبْرَارْ وِينْ أبُو بَكْرْ وْ عُمَارْ ***** وِينْ عُثْمَانْ وَ مَنْ خَلْفُوهْ**يَا اهْلْ الله وِينْ هُمْ أسْيَادِي السَّدَاتْ ***** أهْلْ بَدْرْ وَ جْمِيعْ الغَزْوَتْ وِينْ هُمْ أصْحَابْ البِيعَاتْ***** مَنْ رَضَاوْ بَالحَقْ وْ نَصْرُوهْ **يَا اهْلْ الله وَايَنْ هُمْ أسْيادْ النَّاسْ ***** مَنْهُمْ حَمْزَة وَ العَبَّاسْ وِين البلَطَّلْ شَدِيدْ البَاسْ ***** حَيْدَرَ وَ اوْلاَدُه وَ اهْلُوهْ** يا اهْلْ الله وِينْ هُمْ أسْبَاطْ رَسُولْ الله ***** يُوصَلْ لِيَا اليُومْ نْرَاهْ فِي المَنَامْ وَ انْشَاهَدْ بْهَاهْ ***** البَدِيعْ الفَايَقْ حَسْنُهْ **يَا اهْلْ الله لِيهْ قَلْبِي شَايَقْ مَشْغُوفْ***** لُو جْبَرْتْ انْشَاهَدْ وَ انْشُوفْ حَسْنُه البَاهِي المُوصُوفْ ***** سِيدِي سَعْدْ اللِي شَافُوهْ **يَا اهْلْ الله إذَا اوْصَلْتْ لْذَاكْ المَوْصَلْ***** بَالسَّلاَمْ نْحَيِّيهْ اقْبَلْ ثُمَّ نَدْنُو لُه وَ انْقَبَّلْ***** رَاحْتُه وَ انْبَاشَرْ كَفُّوهْ **يَا اهْلْ الله يَا رَسُولْ مَا نَكْتَمْ ***** خَايَفْ مَنْ نِيرَانْ جَهَنَّمْ وَ الزَّمْهَارِيرْ وَ مَا يَعْظَمْ ***** حِينْ يَزْفَرْ يَقْوَى بَرْدُوهْ**يَا اهْلْ الله يَا عَظِيمْ الجُودْ اغْفَرْلِي ***** كُلْ مَا زَلِّيتُ بَافَعَالِي حَرْمَدْ احْمَدْ يَا ذَا الطُّولِي ***** وْ حَرْمَتْ جْمِيعْ اللّي تَبْعُوهْ **يَا اهْلْ الله حُرْمَتْ احْمَدْ يا رَبِّي ارْحَمْ***** كُلْ مَنْ امَنْ بِيهْ وَ اسْلَمْ وَ اعْتَقْ مَنْ نِرَانْ جَهَنَّمْ***** وَ اغْفَرْ جْمِيعْ اللِّي عَمْلُوهْ **يَا اهْلْ الله بَسْمَكْ العَالِي اسْألْتَكْ***** يأ رَحِيمْ اعْفُو عَنْ خَلْقَكْ وَ اسْبَلْ عَلَى الأمَة سَتْرَكْ ***** وَ اغْفَرْ لَهُمْ ذَنْبًا ذَنْبُوهْ **يَا اهْلْ الله مَنْ يَتْوَسَّلْ بَالأنْبِيَاء***** وَ الرُّسُلْ مَعَ الأوْلِيَاء حَاجْتُه يَبْشَرْ مَقَضِيَة***** إذَا اعْمَلْهَا حَقُّه يَرْضُوهْ **يَا اهْلْ الله مَنْ يَتْوَسَّلْ بِيهُمْ ايْنَالْ***** فَرَجْ وَ هْنَاء حَتَّى الْوصَالْ يُنْقَلْ مِنْ حَالْ الَى حَالْ***** لله الحَمْدْ عَلَى وَفْقُوهْ **يَا اهْلْ اللْه مَنْ يَتْوَسَّلْ بِيهُمْ تَحْقِيقْ***** يَطْلَبْ مْنَ الله التَّوْفِيقْ ايْسَلْكُه مِنَ الشَّدَة و الضِيقْ***** يَسْبَلْ الله عَلِيهْ سَتْرُوهْ **يَا اهْلْ الله ذَا السُّؤالْ وَاقَعْ يَا عَارَفْ ***** شَهَرْ رَجَبْ قَبْلْ انْ يَتْنَاصَفْ بَعْدْ سَتِّينْ وَ مْيَا وَ الَفْ ***** يَومْ بَاء وْ يَاء اوْفَى نَظْمُوهْ **يَا اهْلْ الله تَمْ شِعْرُه وَ اوْفَى بَرْكَاهْ ***** ابْنَ مْسَايَبْ رَاغَبْ مُولاَهْ يَرْحَمُه وَ يَرْحَمْ مَنْ رَبَّاهْ***** يَا رْحِيمْ ارْحَمْ مَنْ رَحْمُوهْ **يَا اهْلْ الله يَا اهْلْ الله غِيثُوا المَلْهُوفْ ***** قَبْل انْ يَتْمَرْمَدْ فَكُّوهْ كِيفْ يَهْنَا مَنْ سَكْنُه خُوفْ***** وَ انْزَحَمْ طُلاَّبُه عَلُّوهْ **يَا اهْلْ الله * تمت بعون الله وَ فضله* |
الساعة الآن 03:44 PM. |
Powered by vBulletin
قوانين المنتدى