|
الى كافة طلاب النهائي عبر الوطن الى متى سنبقى صامتين على تصريحات بن بوزيد
اليوم وبينما انا اطالع جريدة الشروق المحترمة تفاجئت بتصريحات الوزير الذي لا يليق حتى ان يكون فلاح بأنه سيتم اقتطاع أسبوع من عطلة الربيع كما سيكون يوم السبت يوم دراسة عادي لمدة شهر و تم ارسال رسالة للثانويات يلزمهم فيها باتمام المقرر في وقته ما هذا هل يظنون اننا أحمره تجوب كل يوم المدينة أربعة مرات ولا يوجد عندنا أي حقوق هل يظنون ان عقولنا عبارة عن حاسوب يخزن المعلومات مهما كانت سعتها الى متى سنبقى هكذا صامتين أما حان أن نشكل نحن أيضا نقابة خاصة بنا و دعنا من جمعية اولاياء التلاميذ ودعنا من نقابة أساتذة الثانوي يجب أن تكون هناك اتصالات بين التلاميذ في كافة انحاء الوطن بعد الاضراب من اجل تنظيم حركات احتجاجية امام كل مديرية للتربية في كل ولاية و مقاطعة الدراسة أيام العطلة وخاصة يوم السبت أنا ضد الأستاذ وضد الوزارة معا من اجل تحقيق مطالبنا بأيدينا |
رد: الى كافة طلاب النهائي عبر الوطن الى متى سنبقى صامتين على تصريحات بن بوزيد
والبداية ستكون من ولاية بسكرة
كل التلاميذ أتفقوا على مقاطعة الدراسة يوم السبت |
رد: الى كافة طلاب النهائي عبر الوطن الى متى سنبقى صامتين على تصريحات بن بوزيد
والله صح خويا عندك الحق صحيح انا ليت بالنهائي ولكن بما انني باتعليم الثانوي من حقنا المطالبة بحقوقنا كل يوم لا يوجد دراسة +امتحانات مجهولة التاريخ+دراسة يوم السبت كيما راهو يقول السي بن بوزيد +حشو في الدروس واش راهم يشوفو فينا ميكرو كيما قلت والله عقولنا راهي تكودات والكود راهو عند بن بوزيد وماهوش حاب يمدهولنا
خويا نسقسيك وكتاه نرجعو نقرو ووكتاه الامتحانات انتم في بسكرة وحنا في قسنطينة رانا درنا شحال من احتجاجات ولكن دون جدوووووووى |
رد: الى كافة طلاب النهائي عبر الوطن الى متى سنبقى صامتين على تصريحات بن بوزيد
اقتباس:
كيف يريدون نتائج من تلاميذ -شهر يقرو وشهر اضراب ومشاكلهم الصبيانية- والله أختي الدراسة اليوم يديرو اجتماع نتاع نقابة نوار العربي ويفصلو في قرار الاضراب اما يحبسوه واما يواصلوا يعني احتمال كبير الغدوة نرجعوا اما الامتحانات عندنا راهم كاتبين مع الاعلانات -تؤجل الى اشعار آخر-الـنـوم!!!!!!!!!!!! . والله لازم نتفهاموا كامل على مقاطعة الدراسة لأننا نحن الضحية الأستاذ يزيدولوا في الشهرية والوزير يدير في رأي فاسد والحكومة صامتة والتلاميذ طالعين هابطين ومبعد يقولك أرواح تقرى أيام العطل مهزلة بكالوريا 200 الجزائرية الصنع |
رد: الى كافة طلاب النهائي عبر الوطن الى متى سنبقى صامتين على تصريحات بن بوزيد
السلام عليكم
والله معك حق أخي وأنا معك في ما قلت فقط في بعض اللألفاظ التي إستعملتها بحق الوزير هههههههههههه والله أنا حقا متأسفة لكوننا نعاني من سوء التدبير الوزاري وأن بلد كالجزائر تعاني من هذه الأموووور التي أراها تافهة حقيقة ولاكن ................ الله يجيب الخير والنجاح والتوفيق للجميع إن شاء الله |
رد: الى كافة طلاب النهائي عبر الوطن الى متى سنبقى صامتين على تصريحات بن بوزيد
والله غير صح هدا تمسخييييير
|
رد: الى كافة طلاب النهائي عبر الوطن الى متى سنبقى صامتين على تصريحات بن بوزيد
والله يا أختي الكريمة استمعلت تلك الألفاظ لأنه وزير غير مسؤول
أتعلمين أن أبناء بن بوزيد يدرسون في احد الدول الأوربية أم لا يعني ولادوا يقروا في الخارج وحنايا معليهاش كي نتوخذوا شكرا على مرورك الطيب أختي |
رد: الى كافة طلاب النهائي عبر الوطن الى متى سنبقى صامتين على تصريحات بن بوزيد
هما يديرو اضراب والغضب نتاع الوزير كله علينا
|
رد: الى كافة طلاب النهائي عبر الوطن الى متى سنبقى صامتين على تصريحات بن بوزيد
ايه ومنعرف لغدوة نقرو ولا لالاااااااا في موقع الكانبست ماراهم كاتبين والو كاتبين غير الاضراب متواصل ربي يكون الخير
|
رد: الى كافة طلاب النهائي عبر الوطن الى متى سنبقى صامتين على تصريحات بن بوزيد
الليلة لازم يكتبوا في الموقع نتاعهم واش تفاهموا
يعني بعدين عاودي ادخلي تلقي القرار النهائي |
| الساعة الآن 02:06 AM. |
Powered by vBulletin
قوانين المنتدى