هذا اخر الزمان الزّمَان
هذا اخر الزمان الزّمَان بْدِيتْ بِسْمْ الله الرّحْمَانْ **** يَا الغَانِي عَنْ مَا سِوَاكْ لَلصَّلاَحْ اهْدِينَا **** يَا مْسَيَّرْ أمُورْ الكُونْ أ لْطَفْ بِينَا يَا مَنَّانْ **** يَا السَّاتَرْ الافْضَاحْ اسْتُرْ عِيبْنَا وْ عَفِينَا **** يَا مَنْ لاَ تَرَاكْ عْيُونْ اجِيرْنَا مَنْ هُولْ الزَّمَانْ **** بَدَّلْ العُسْرِ بَالْيُسْرْ يَا كْرِيمْ وَ احْمِينَا **** يَا مُفَرَّجْ كُرْبْ المَغْبُونْ فِي ذَالجِيلْ كَثْرَتْ لَفْتَانْ **** لاَ خُوفْ مِنَ يُومِ الحِسَابْ بَالْجَمِيعْ اعْصِينَا **** تَابْعِينْ طَرِيقْ المَلْعُونْ هَذَا أخِرُ الزَّمَانْ **** وَ العْلاَيَمْ كْثِيرَة ظَاهْرَة تْنَبَهْ فِينَا ****كُلْ وَاحَدْ فِينَا مَشْطُونْ كُلُنَا بَاللهْوْ مَفْتُونِينْ **** يَا لَطِيفْ الْطُفْ بِينَا عَلَى المَعَاصِي مَتْعَانْدِينْ **** نَطَّلْبُو رَبِّي يَهْدِينَا تَلْقَا الجْوَامَعْ مَلْيَانِينْ **** وَ القْلُوبْ خَاوْيَة فَرْغَانَا عَلَى الفَانِي اسْمَحْنَا فِي الدِينْ **** مَا احْكَمْنَا مَذْهَبْ لاَ سُنَّة انْتَشَرْ أُوبَاحْ العُصْيَانْ **** لَا حَيَاء لَا حُرْمَة قَعْدَةْ لَا نَخْوَة فِينَا **** كُلْ ذَا بَهْمُومُو مَفْتُونْ ظَعْنَا شِيَّابْ وْ شُبَّانْ **** لُو مَا بْرَحَّمْتَكْ يَا خَالْقِي تَتُوبْ عَلِينَا **** مَنْ ايْفَاجِي هَمْ المَمْحُونْ افْسَدْنَا مَنْ ظُعْفْ الإِمَانْ **** نَجْرُو وَرَاء المَلَذَّاتْ وَ الفْعَايَلْ شِينَا **** وَ المَصَايَبْ كَذَا مَنْ لُونْ الغَدَرْ وَ البَاطَلَ رَنَّانْ **** مَا خُفْنَا مَنْ يُومْ كْبِيرْ رَاهْ يَرْجَى فِينَا **** حَرْ صَهْدُو مَلْهُوبْ سْخُونْ هَذَا أَخِرْ الزَّمَانْ **** وَ العَلَايَمْ كْثِيرَة ظَاهْرَة تْنَبَّهْ فِينَا **** وْ كُلْ وَاحَدْ فِينَا مَشْطُونْ مَا اتْفَكَّرْنَا يُومْ الدِّينْ **** وَ الحِسَابْ اللِّي يَرْجَانَا تَبَّعْنَا إبْلِيسْ اللَّعِينْ **** لَلْمُعْصِيَّاتْ أدَّانَا صَرْنَا جَمْلَة مُذْنِبِينْ **** إلاَّ مَا رَاحِمْ رَبَّانَا فِي اعْوَايَدْنَا رَانَا سَامْحِينْ **** مَا ابْقَى مَا يَصْلَحْ فِينَا مَا بْقَى صِدْقْ وَلَا أَمَانْ **** لَا وْفَا لَا كَلْمَة قَعْدَتْ لَا قْلُوبْ حْنِينَة **** وَلَا عَرْضْ ابْقَى مَصْيُونْ القُلُوبْ اقْصَحْ مَنْ صُوَّانْ**** غِيرْ اللِّي يَتْخَتَّلْ لْخُوهْ شَادْ لِيهْ ضْغِينَا **** وَ الغُلّْ الْدَاخَلْ مَكْنُونْ لَا مَوَدَّة وَ لَا صَدْقَانْ **** لَا مَحَبَّة قَعْدَتْ يَا لَطِيفْ وَ الطَفْ بِينَا **** رَاهْ الحَاصَلْ مَا يَلْقَى عُونْ اسْوَاقْنَا عَمْرَتْ بَالنّسْوَانْ **** كَاسِيَّاتْ عَارِيَّاتْ مَتْبَرْجَاتْ كَمْ مَنْ زِينَة **** مَنْ صَادَفْهُمْ يَمْسَا مَفْتُونْ هَذَا أخِرْ الزَّمَانْ **** وَ العَلاَيَمْ كْثِيرَة ظَاهْرَة تْنَبَّهْ فِينَا **** وْ كُلْ وَاحَدْ فِينَا مَشْطُونْ بَعْدَتْنَا الدّنْيَا عَالدِينْ **** ؤُ تَبَّعْنَاهَا وَ اعْصِينَا كَذَّابِينْ ؤُ مُونَفِيقِينْ **** وَ الأفَاتْ انْجَمْعَتْ فِينَا ضَحَّكْنَا عْلِينَا اجْنَاسْ اخْرِينْ **** كُلْ العَلَّة انْتَسْبَتْ لِينَا رَانَا ظَعْنَا مَجْمُولِينْ **** عُوْضْ نَنْجَمْعُو اتْفَرَّقْنَا اتّافَقْنَا عَالإِثْمْ وَ العُدْوَانْ**** وَ لَا وَاحَدْ دَارْ النِّيفْ وْ قَالْ عِيبْ عْلِينَا **** صُمٌ بُكْمٌ وْ عُمْيُونْ مَا دَرْنَا حُرْمَة لَلْأَدْيَانْ **** لَا افْهَامَة وَ لَا أخْلَاقْ لَا طْبَايَعْ زِينَا **** وَلَا قُولْ مْعَبّرْ مَوزُونْ يَا الله يَا عَضِيمْ الشَّانْ **** تُوبْ عَلِينَا وَعْفُو وَامْحِي الذُّنُوبْ كَانْ اخْطِينَا****مَنْ حْفَظْتُه يَبْشَرْ مَضْمُونْ جِيتَكْ بَاحْزَابْ القُرْآنْ **** وَالحَدِيثْ المَنْقُولْ عَلَى الحَبِيبْ مْعَ السُّنَة**** وَ بْجَاهْ مُوسَى وَ هَارُونْ هَذَا أخِرْ الزَّمَانْ **** وَ العَلَايَمْ اكْثِيرَة ظَاهْرَة تْنَبَّهْ فِينَا**** وَ كُلْ وَاحَدْ فِينَا مَشْطُونْ ابْجَاهْ ارْجَالَكْ الصَّلِحِينْ **** الطُفْ يَا المُولَى بِينَا جِيرْنَا مَنْ كِيدْ الكَائِدِينْ **** وَ ابْعَدْ الظُّلاَم اعْلِينَا أعُوذُو بِيكْ مَالحَاقْدِينْ **** وَ الجَحِيدْ اللِّي يَبْغَضْنَا ثَبَّتْنَا عَلَى الدِينْ وَ اليَقِين ****وَانْصُرْنَا عْلَى مَنْ يَظْلَمْنَا لَا تُشَفِّي فِينَا عَدْيَانْ **** لَا تُوَاخِذْنَا يَا غَفُورْ إنْ كَانْ سْهِينَا **** بِيكْ الحَرَاكَة وَ السُّكُونْ بَالصَّلَاةْ عَلَى المَكّي العَدْنَانْ **** اخْتَمْتْ هَذِة الحُلَّة وَ اتْحَفْتْهَا بْدِيعَة زِينَة **** بَالسَّلاَمْ لَرْبَابْ المَلْحُونْ وَ المَشَايَخْ وَ اهْلْ الغِوَانْ **** مْعَبْدِينْ الطَّرِيقْ اللِّي حْنَا عْلِيهْ امْشِينَا **** كْلاَمْهُمْ بَالمَعْنَة مُوزُونَ وَالجْحِيِدْ التَّالَفْ خَسْرَانْ **** مَنْ حْمَاقُو مَا يَفْقُه فِي القُوَالْ وَاشْ عْنِينَا **** مَا دْرَى مَعْنَة فِي المَظْمُونْ يَا الحَافَضْ خُوذْ العَنْوَانْ **** قَالْ رِيَّالْ رْجَايَا فِي الكَرِيمْ يَلْطَفْ بِينَا **** بْجَاهْ الهَادِي سِيدْ الكُونْ فِي لِيلَةْ العَاشَرْ مَنْ شَعْبَانْ**** عَامْ ألِيفْ وْ دَالْ وْ جِيمْ مْكَرَّرَة تَمِّينَا **** يَا الله كُنْ لَنَا فِي العُونْ يَا الرَّاحِيمْ وَ يَا رَحْمَانْ **** ارْحَمْنِي وَارْحَمْ الوَالْدِينْ وَ اللِّي لِينَا **** وَ السَّامَعْ هَذَا المُوزُونْ نَسْكُنُو فَاسِيحْ الجَنَانْ **** مَعَ أهْلَ الله الصَّلِحِينْ مَا نْرْاوْ غْبِينَة **** لَا بَرْدْ وَ لَا رِيحْ سْخُونْ هَذَا أخِرْ الزَّمَانْ **** وَ العَلَايَمْ كْثِيرَه ظَاهْرَة تَنَبَّهْ فِينَا **** وْ كُلْ وَاحَدْ فِينَا مَشْطُونْ تمت بعون الله (محمد ريال) |
رد: هذا اخر الزمان الزّمَان
تَلْقَا الجْوَامَعْ مَلْيَانِينْ وَ القْلُوبْ خَاوْيَة فَرْغَانَا،،،، فعلا هذا اخر الزمان
قصية معبرة جدا ،،،، شكرًا استاذ |
رد: هذا اخر الزمان الزّمَان
هذا حال زماننا بحق شكرا اخي على الموضوع تحيتي
|
رد: هذا اخر الزمان الزّمَان
شكرا سيدتي الفاضلة على مرورك المشجع .تحياتي الخالصة
|
رد: هذا اخر الزمان الزّمَان
بركت سيدي الكريم على المرور بارك الله فيك تحياتي الخالصة
|
الساعة الآن 08:19 PM. |
Powered by vBulletin
قوانين المنتدى