طويجنات مغربية............
 

طاجين أزمور
المقادير:
قطع لحم غنم
كيلو لفت
رابعة حمص مسلوق
قسبر ومعدنوس مربط
2 بصلات
2فصوص ثوم
ملح- زيت
سكنجبير
يبزار
طريقة التحضير:
نشحرو اللحم مع الزيت البصل والثوم والعطرية، نمرقو ونضيفو القسبر والمعدنوس ونخليو اللحم يطيب،
من بعد نصف ساعة تقريبا نضيفو اللفت مقطع صغير ونخليوه يطيب حتى هو
ملي يقرب الطاجين يطيب نزيدو ليه الحمص باش حتى هو يشرب المذاق دالمرق
وما نخليوهش يطيب بزاف باش ما يتعصدش مع اللفت.
بالصحة والراحة.
طاجين بالبطاطا القصبية
المقادير:
لحم غنم
يصلة كبيرة مشلضة
2 فصوص ثوم
ملح-زيت
يبزار
زعفران سكنجبير
شوية قسبر يابس مدقوق
قسر ومعدنوس مقطعين
بطاطا قصبية
وشوية عصير الحامض نضعة في الماء بعد تقشير البطاطا حتى لا تتأكسد
طريقة التحضير:
نقوم بتقلية اللحم مع البصل والثوم والقسبر اليابس والعطرية وشوية من القسبر والمعدنوس الطريين والباقي نخليوه حتى يقرب الطاجين يطيب باش يحافظ على النكهة ديالو...
بعدما يتشحر نمرقو غير بالقياس ونترك اللحم يطيب لمدة نصف ساعة
نضيف البطاطا القصبية ...ونرشو فوقها ما تبقى من القسبر والمعدنوس
بعد مرور ربع ساعة يكون الطبق جاهزا.
طاجين كفتة لحم بقري
المقادير:
نصف كيلو لحم
4 يضات
4 حبات طماطم
بصلة مشلضة
الملح
الزيت بلدية-نصف كاس صغير-
الكمون
الحمراء*التحميرة*
القسبر والمعدنوس
اليبزار
طريقة التحصير:
العطرية والبصلة والقسبر والمعدنوس نقسموهم على جوج
النصف مع الكفتة والنصف المتبقي مع الماطيشة فالطاجين.
نخلطو مع اللحم العطرية والبصلة والثوم والقسبروالمعدنوس
http://requia.canalblog.com/images/IMG_0361_edited.JPG
نصاوبو كويرات صغار
http://requia.canalblog.com/images/IMG_0363_edited.JPG
فالطاجين نديرو ماطيشة محكوكة والنصف المتبقي من التوابل والزيت
http://requia.canalblog.com/images/IMG_0362_edited.JPG
بمجرد ما يسخن الطاجين شوية نديرو الكويرات دالكفتة نغطيو عليها ونخليوها تطيب ربع ساعة
http://requia.canalblog.com/images/IMG_0364_edited.JPG
من بعد نهرسو فوقها البيض ونخليوه يطيب
http://requia.canalblog.com/images/IMG_0365_edited.JPG
بالصحة والراحة
http://requia.canalblog.com/images/IMG_0368_edited.JPG

لحم بالسفرجل
http://www.m5zn.com/uploads/be7c7c1826.BMP
المقادير:
لحم كتف غنمي
كيلو سفرجل
بصلة مشلضة
يبزار
زعفران
سكنجبير -الملح
عود قرفة
زيت بلدية
لتعسيل الشفرجل:
ملعقة صغيرة قرفة مدقوقة
ملعقتان كبيرتان عسل
ملعقة كبيرة
طريقة التحضير:
نترك اللحم يتقلى مع البصل الزيت والتوابل خمس دقايق...ثم نضيف ماء مغليا ونترك اللحم يطيب
وقبل ما نزولوه من الطنجرة نضيفو ليه القرفة والملعقة دالسكر نخليوه شوية ونزولو نضعه في صحن جانبا
ونضع مكانه السفرجل مقطع وما نخليوهش يطيب بزاف، ونزيدو ليه العسل وشوية دالزبدة
ندفيو اللحم ،نضعه في الطبق مصحوبا بالسفرجل.
كرويرات كفتة بالأرز
http://www.m5zn.com/uploads/409432d1b4.BMP
المقادير:
200غ أرز مسلوق مع الملح
نصف كيلو كفتة
قرفة
الحمراء
قسبر يابس
150غ زبدة
2 بصلات مشلضين
زعفران
ماء
ملعقتان من عصير الحامض
شوية معدنوس
الطريقة:
نمزج الأرز مع الكفتة وشوية ملح القرفة والحمراء والقسبر يابس نصاوبو كويرات ونخليوهم يتقلاو فالزبدة
ملي يبداو يتحمرو نزيدو عليهم البصلة الزعفران واليبزار المعدنوس وعصير الحامض ونخليوها تطيب حتى نعقد المرق.
لحم بقري بالبصل والعسل
http://www.m5zn.com/uploads/eb9c6ee0cf.jpg
المقادير:
كيلو لحم بقري
كيلو بصلة
نصف حامضة
نصف كاس زيت
3 ملاعق كبيرة عسل
ملعقة سكر صقيل
نصف ملعقة صغيرة قرفة مطحونة
شوية سكنجبير
شوية زعفران حر-ملح-يبزار
الطريقة:
نديرو اللحم يتقلى مع الزيت الملح سكنجبير واليبزار من بعد نسدو عليه ونخليوه يطيب.
في مقلاة نديرو البصلة مع الزيت والملح
وملي تقرب تتحمر نضيفولها القرفة والسكر والزعفران شعرة
نخليوها شوية عاد نضبفولها العسل
من بعد نزيدوها على اللحم+ عصير النصف حامضة نخليوهم مع بعضهم واحد تلت ساعة ونسربيوهم.
طاجين المدربل بالكرعة معسلة
http://www.m5zn.com/uploads/c9fa2ee099.BMP
مقادير اللحم:
كيلو لحم غنمي
بصلة كبيرة مشلضة
ملعقة مغيرة راس الحانوت
زيت
مقادير تعسيل الكرعة:
كيلو كرعة
شوية قرفة
شوية سكنجبير
3 ملاعق كبيرة عسل
جنجلان محمر للتزيين
شوية زبدة
الطريقة:
نشحرو اللحم شوية مع الزيت والملح وراس الحانوت والبصلة ، نمرقو ونخليوه يطيب جهد ساعة إلا ربع.
نقطع الكرعة قطعا صغيرة
ونسلقوها في الماء مع الملح
من بعد نديروها في مقلاة مع الزبدة ونخليوها على عافية مهيلة حتى تنشف من الماء
عاد نزيدو له سكنجبير القرفة العسل.
نصفف اللحم في الطبق ..فوقه الكرعة معسلة مزينة بالجنجلان

طاجين الكامبا أو الكروفيت
http://www.m5zn.com/uploads/e61e4d6d41.BMP
المقادير:كيلو كروفيت مقشر
3 حبات طماطم مقطعة صغيرة
فص ثوم
زيت زيتون
ملعقة كبيرة من مركز الطماطم مذابة مع ملعقتين من الماء
الحراء
الكمون
السودانية
ملح
المعدنوس مفروم
الطريقة:
نمزج الكروفيت مع المقادير المذكورة كلها ونخليوه يطيب على نار هادئة
طاجين السمك بالفلفلة الحمراء
http://www.m5zn.com/uploads/1085bc5fce.BMP
http://www.m5zn.com/uploads/ecc702e739.BMP
المقادير:
القسبراخضر مدقوق فالمهراز مع شوية دالملح والثوم
عصير الليمون الحامض
الحمراء
الكمون
زيت الزيتون
والسودانية
2 فلفلات حمراء مغسولة ومزول منها الزريعة
حبة طماطم
الطريقة:
نحضر التشرميلة بعصير الليمون والقسبرو الثوم والعطرية ونرقدو فيه قطع السمك لمدة ساعتين...
بعد ذلك نعملو الزيت فالطاجين ونصفف قطع الطماطم والفلفلة الحمراء
ثم قطع السمك...نزين الطبق بشرائح الفلفلة ونصب التشرميلة المتبقية
واخيرا شوية ديال الماء
ونخليو الطاجين يطيب على خاطرو
الهركمة
http://www.m5zn.com/uploads/af0323242a.BMP
المقادير:
قطع الهركمة
بصلة مشلضة
ثوم
زيت بزيتون
الحمراء
اليبزار
عود قرفة
سكنجبير
ملح
حمص بايت فازك
وشوية زبيب
الطريقة:
نشحرو قطع الهركمة مع البصلةوالثوم والزيت والعطرية
من بعد نزيدو الحمص من الأفضل نعملوه فكموسةباش ما يتعصدشي
ونخليو الكل يطيب ساعة من بعد نضيفو الزبيب ونخليوه شويه يطلق المذاق ديالو
ونقدمو الوصفة كما في الصورة.

طاجين الدجاج معمر بالتمر واللوز
http://www.m5zn.com/uploads/ace6c8e530.jpg
المقادير:
دجاجة
نصف كيلو بصل
معدنوس مربط
زعفران
سكنجبير
اليبزار
شوية زبدة
نصف كيلو تمر
نصف كيلو لوز
100غ سكر
زيت زيتون
قرفة
قرنفل
المسكة الحرة
الزيت
فص ثوم
ملح
الطريقة:
نغسل الدجاج جيدا ونرقده في الخل وعصير الليمون والبصل والملح
في طنجرة نضع البصل والمعدنوس الثوم والزعفران والقرفة الزيت سكنجبير
جانبا نمزج التمر مقطع طريفات مع اللوز المحمر والمسكة والزبدة والسكر القرفة وسكنجبير
كنعمرو الدجاج بهذه الحشوة...ونضعه فوق خليط البصل والتوابل بعدما نخيطوه حتى لا تخرج الحشوة.
نضيف كمية بسيطة من المرق ونترك الكل يطيب
ثم نحمر الدجاجة في الفرن...
وعند التقديم نزين الطبق بالتمر واللوز المحمر.
طاجين الدجاج البلدي بالحامض المصير
http://www.m5zn.com/uploads/de1ff4c406.jpg
المقادير:
دجاجة بلدية
بصلة كبيرة مشلضة
فص ثوم
سكنجبير
زعفران
زيت زيتون
ملح
يبزار
كاس ماء
شوية زيتون اخضر
معدنوس وقسبر
الطريقة:
نضع المقادير كلها في الكوكوط ونخليو الدجاج يتشحر على
عافية مهيلة من بعد نضيف الماء ونخليوه يطيب
وملي تبقى 5 دقائق على النضج الكامل نضيف شرائح الليمون والزيتون ونرش عليه القليل من المعدنوس.
طاجين الغنمي بالمشماش والبيسطاش
http://www.m5zn.com/uploads/61a156ab1a.jpg
المقادير:
كيلو لحم غنمي
2 بصلات
2 فصوص ثوم
ملح يبزار
زيت زيتون
رابعة مشمش يابس
2 حفنات بيسطاش
2 معالق كبار عسل
سكنجبير
زعفران
شوية من راس الحانوت
القرفة
القسبر
مكعب كنور مذاب في رابعة ماء
الطريقة:
نشحرو اللحم مع البصلة والثوم والعطرية كلها
من بعد نضيف البيسطاش المشماش والعسل ونمرق بالماء المنسم بمكعب كنور
نخليو الكل يطيب وملي نقربو نطفيو عليه نضيفو شوية دالقسبر مقطع.
طاجين الدجاج بالجلبانة والجزر
http://www.m5zn.com/uploads/2f97a302d1.jpg
المقادير:قطع دجاج
نصف كيلو جلبانة
حبتي جزر مقطوع على الطول رقيق
الملح
زيت زيتون
يبزار
زعفران
بصلة مشلضة
فص ثوم
سكنجبير
شوية راس الحانوت
قليل من مركز الطماطم
الطريقة:
نصفف الجزر في الطاجين فوقه البصلة وفوقها الجزر مرة اخرى
جانبا نمزج العطرية ومركز الطماطم مع قليل من الماء ونرقدو فيها قطع الدجاج
بعد ذلك نضعالدجاج في الطاجين ...نضيف الجلبانة...والماء دافئا ونترك الكل يطيب على نار هادئة.
طاجين دجاج بالجزر والزيتون
http://www.m5zn.com/uploads/6a9bb44ecd.jpg
المقادير:
4 أفخاد دجاج
4 جزرات مقطعين على العرض
بصلة
زيتون
شوية راس الحانوت
زيتون
كمون
زيت زيتون
ملح
يبزار
ليمونة حامضة مرقدة مقطعة على أربعة
الطريقة:
كالعادة نشحرو الدجاج فالزيت والبصل والعطرية مزيان
من بعد نزيدو الجزر ونخليو الكل يطيب
وقبل ما نطفيو على الطاجين نضيفو الزيتون والليمون المرقد.

رد: طويجنات مغربية............
 

رد: طويجنات مغربية............