منتديات الشروق أونلاين - قصيدة نَاكَرْ لَحْسَانْ

قصيدة نَاكَرْ لَحْسَانْ

نظم الشيخ أنجار السلاوي مبيت رباعي

القسم الأول
مَصْبَرْنِي لَلتِّيهَـــانْ غِيرْ اَنْكَــــــــايَدْ وَنْزِيدْ فَاَلصّْبَرْ
وَعْقِيلِي حَيْــــــرَانْ شَــــــــاكِي مَنْ حَرّْ اَلْــــــهِيبُ

طُولْ اَدْجَيَا سَهْــــرَانْ وَقْلِبِي بَـــــــالزَّفْرَاتْ يَنْعْكًــــرْ
صَرْتْ كْمَا اَلْيَرْقَــــانْ جَرْحِي مَـــــــا صَبْتْ اَطْبِيـبُ

لَوْ نَكْتَمْ سَرِّي بَـــــانْ بَعْدْ اَخْفِيتُ يَـــــــالاَيْمِي اَظْهَرْ
رَكًَّبْتْ الْقَوْمَــــــــانْ عَنْ سَرِّي بَـــــــانْ اَحْــجِيبُ

وَانْتَ قَلْبَكْ فَرْحَـــانْ مَا شَفَّكْ حَــــــــالِي رَايْدْ اَلنّْفَرْ
فَشْرُوطْ اَلتِّيهَـــــــانْ فَعْلَكْ مَــــــــا زَالْ اَتْصِـــيبُ

سِرْ اَنَاكَرْ لَحْسَــــانْ لَيَّـــــــامْ اَتْشِيطْ اَوْرَاكْ بَالْقْهَرْ
وِيْبَانْ اَلْبُرْهَــــــــانْ فِيكْ اَمَنْ خَــــــــانْ اَحْبِيــــبُ

القسم الثاني
عَاشَرْتَكْ بَاَلصَّدَقْ وُلُوْفَا وَلِّي فِيَّ رَاكْ عَــــارْفُ
وَانْتَ مَنِّي رَايْدْ اَلْجْفَــــا وَنَا وَعْدِي كَا انْصَـرّْفُ
خَفْتْ اَعْلِيكْ اَشَارْدْ الْعْفَا مَنْ ذَنْبِي دَغْيَا تْصَادْفُ

مَا تَلْقَى اَمَــــــــــانْ مَنْ تَغْرَادِي عَنْ سَــــايَرْ اَلْعْمَرْ
وَكْثِيرْ اَلْخَتْـــــــلاَنْ مَا يَطْلَعْ عَقْبَـــــــــــــــــا ذِيبُ

كِيفْ اِمَنْعْ اَلْعَشْرَانْ مَنْ طَبْعُ بِينْ اَلنَّاسْ يَنــــــْشْكُرْ
مَا يَغْدَرْ لَوْ كَـــــانْ فَلْوَكْرْ مْعَاهْ اَطْلِـــــــــــــــــيبُ

شَفْتَكْ جِيتِي زَرْبَانْ غَرُّوكْ اَصْحَابْ الْفِيشْ وَالْفْشَرْ
مَنْ لاَ لِيهُمْ شَـــــانْ فَنْهَــــــــــــــــارْ اَلضَّدّْ اِيغِيبُ

لَكِنِّي سِرْ اُكَـــــــانْ لاَ بُدّْ اَكْثِيرْ اَلــــــــجَّهْدْ يَنْكْسَرْ
مَنْ بَعْدْ اَلدِّيــــــدَانْ سِيسَــــــــــــــانْ لَغْدَرْ اِيرِيبُ

سِرْ اَنَاكَرْ لَحْسَــــانْ لَيَّـــــــامْ اَتْشِيطْ اَوْرَاكْ بَالْقْهَرْ
وِيْبَانْ اَلْبُرْهَــــــــانْ فِيكْ اَمَنْ خَــــــــانْ اَحْبِيــــبُ

القسم الثالث
كُنْتْ اَنْظَنَّكْ صَاحَبْ اَلْعَقْلْ مَا تَرْضَا بَرْفَاكًَتْ الْغْشَامْ
غَرُّوكْ اَهْلْ اَلْفِيشْ وَالْبْخَلْ مَـــا لِهُمْ صُوْلاَ وُ لاَكْلاَمْ
وَالتَّجْبَرْتِي نَـــاقَصْ اَلْفْعَلْ اُجَــــــــازِيتِِنِي بَالْخْصَامْ

فَغْرَاضْ اَلْعَدْيَــــــــــانْ دَزْتِنِي يَـــــــــــــــــــاسَابْغْ اَلشّْفَرْ
وَغْوَاكْ اَلشَّيْطَـــــــــانْ مَثْلِي مُحَــــــــــــــــــــالْ اَتْصِيبُ

لَوْجَلْتِي فَـــــــــــالْبَلْدَانْ وَتْسَالْ الْبَادِيَّــــــــــــا مْعَ الْحْضَرْ
مَــــــــــــا تَوْجَدْ اِنْسَانْ مَثْلِي سَــــــــــــــــــاخِي بَنْصِيبُ

اَنْفَــــــــــادِي بَالسَّلْوَانْ فَبْسَــــــــــــاطْ الَعَزّْ اُغَايَتْ اَلْفْخُرْ
بُجُودْ اَلْمَزْيَــــــــــــــانْ كُلّْ اَمَّا قـــــــــــــــــــــَالْ اَنْجِيبُ

مَـــــا يَقْهَرْنِي خُسْرَانْ رَاخِي طَرْفِي قُـــــدَّامْ مَنْ اَحْضَرْ
نَسْخَى بَالثَّمَــــــــــــانْ فِي حَقّْ الـــــــــــــــــزِّينْ اًَنْهِيبُ

سِرْ اَنَاكَرْ لَحْسَــــانْ لَيَّـــــــامْ اَتْشِيطْ اَوْرَاكْ بَالْقْهَرْ
وِيْبَانْ اَلْبُرْهَــــــــانْ فِيكْ اَمَنْ خَــــــــانْ اَحْبِيــــبُ

القسم الرابع
مَا يَسْلَكْ اَمْنَاهْجْ اَلْهْدَا مَنْ هُوْ كِيفَكْ خَاٍرَجْ اَلْحْدُودْ
مَنْ يَسْرَكْ مُحَالْ تَنْفْدَا مَنْ حَرّْ الْهَجْرَا مْعَ اَلصّْدُودْ
بِيَّ غِيرْ اَشْفَـايَتْ اَلْعْدَا وَكْلاَمْ اَلْغَتْبَـــــا مْعَ اَلْحْسُودْ

مَنْ دَرْتِهُمْ صُدْقَــــــانْ وَسْخِتِي بِيَّ مَــــــــــــا بْقَى اَكْثَرْ
فَغْرَاضْ اَلرَّقْبَــــــــانْ فَـــــــــــــــــالْقَلْبْ اَكْمِيتْ اَلْهِيبُ

زَدْتِي قَلْبِي نِيــــــرَانْ وَانْتَ هَايَمْ مَا جَبْتْ لِــــــي اَخْبَرْ
قَلْبَكْ حِينْ اَشْيَـــــــانْ اَرْجَعْ قَطْـــــــــــــــــرَانْ اَحْلِيبُ

كِي قَالُ نَاسْ اَزْمَــانْ مَنْ دَارْ الشَّرْ يْمُوتْ بَـــــــالْغْدَرْ
وَلِّي زَادْ بْيَـــــــــــانْ مَنْ دَارْ اَلْــــــــــــــخِيرْ اِصِيبُ

قَبْلَكْ فَاتُ شُبَّــــــــانْ مَادَامَتْ لِيهُمْ حَــــــالَتْ اَلصّْغُرْ
غِيرْ اَفْلاَنْ اَفْــــــلاَنْ كَبْرُ وَضْحَــــــــــــــاوْ اِيْشِِيبُ

سِرْ اَنَاكَرْ لَحْسَــــانْ لَيَّـــــــامْ اَتْشِيطْ اَوْرَاكْ بَالْقْهَرْ
وِيْبَانْ اَلْبُرْهَــــــــانْ فِيكْ اَمَنْ خَــــــــانْ اَحْبِيــــبُ

القسم الخامس
أجَــــــافِي مَنْ جَانْبِي اَدْفَعْ مَا بَاقِي فَخْصَامْنَا اَرْجُوعْ
فِيكْ اَسْمَحْتْ اَخَايَبْ اَلطّْبَعْ حِينْ اَتْبَعْتِ لاَمَتْ لَفْزُوعْ
مَــــــا فِيهَا طِيبَا وُ لاَ انْفَعْ اَعْشَرْتَكْ يَابَاخَسْ اَلسّْلُوعْ

لُو كُنْتِي شِيهَــــــــانْ اَرْكَبْتَكْ يَوْمْ اَلْــــــحَرْبْ مَشْتْهَرْ
قُدَّامْ الْفُرْسَـــــــــــانْ وَالْيَوْمْ اَلْــــــــــــــغِيتْ اَرْكِيبُ

وِيلاَ كُنْتِي بُسْتَـــــانْ اَغْنَمْنَـــــا حُسْنْ اَلْيَاسْ وَالزّْهَرْ
وَجْنِينَا لَغْصَــــــــانْ وَثْمَـــــــــــــــارَكْ قَبْلْ اِيْطِيبُ

وِيلاَ كُنْتِي مَزْيَــــانْ دَوَّزْتْ اَمْعَــــــــاكْ اَيَّامْ تَنْشْكَرْ
وَشْفِيتْ بَالْعْيَـــــــانْ فَجْمَــــــــــــــــالَكْ قَبْلْ اِيخِيبُ

لَيَّامْ اِلَى تَزْيَــــــــانْ كَــــــــــــــاتَبْنِي بُنْيَانْ اَلْقْصَرْ
بَاَلزَّاجْ الْفَتَّــــــــــانْ وَاَلنَّقْشْ عْلَى تــــــــــــــَرْتِيبُ

لِيَّامْ اِلَى تَشْيَــــــــانْ كَتَخْسَّفْ ضَيّْ اَلشَّمْسْ وَالْقْمَـرْ
بَعْجَاجْ اُ دُخَّــــــــانْ وَ نْجُـــــــــــــــومْ اللِّيلْ اِيغِيبُ

لَعْفُو بِيدْ اَلرَّحْمَـــانْ نَجَّــــــــــانِي مَنَّكْ شَامَخْ اَلْقْدَرْ
نَسْعَــــــــاهْ اَلْغُفْرَانْ لاَ بُدّْ اِيهُـــــــــــــونْ اَصْعِيبُ

قَالْ اَفْصِيحْ اَلْعُنْوَانْ مَنْ دَازَكْ دوُزُو لاَزَمْ اَلــْوْقَرْ
مَا حَدُّ فَكًْعَــــــــــانْ دَغْيَــــــــــــــــا عَزَّمْ تَجْنِيبُ

خُدْ اَرْقَـــايَقْ لَوْزَانْ شُغْلْ اَنَجَّـــــــارْ اَلْفَايَزْ اَلْحْبَرْ
رَصَّـــــــاعْ اَلْعُقْيَانْ هـــــــــــــــــــــذَا هُوَ تَرْتِيبُ

سِرْ اَنَاكَرْ لَحْسَــــانْ لَيَّـــــــامْ اَتْشِيطْ اَوْرَاكْ بَالْقْهَرْ
وِيْبَانْ اَلْبُرْهَــــــــانْ فِيكْ اَمَنْ خَــــــــانْ اَحْبِيــــبُ

**********

https://www.youtube.com/watch?v=ky_vMwUSADY