السلام عليكم و رحمة الله و بركاته هذه قصيدة للشاعر الأغواطي التخي عبد الله بن كريو رحمه الله كأول هدية مني و أول مشاركة ارجو أن تنال اعجابكم

قصيدة" قمر الليل "

عبد الله بن كريو

قمر الليل خواطري تتونس بيه نلقى فيه اوصاف يرضاهم بالي
ياطالب عندي حبيبه ليه شبيه من مرغوبي فيه سهري يحلالي
نبات نقسّم في الليالي ننظر فيه يفرقني منه الحذّار التــالي
خايف لا بعض السحابات تغطيه وإذا غاب ضياه يتقيثر حالي
ياسايل عن خاطري واش مسهّيه مع الريم اللي جلى قلبي جالي
ياتهواسي خاطري واش يداويه وين الطب اللي يناسب لعلالي
ضر معاشر كبدتي و أنا خافيه صابر للحمى الشديدة ما ذالي
هذا المرسم كانت الخدّاعة فيه مسبوغة لنجال خلاّتو خالي
يا مهبلني جيت للرسم نشاكيه ما جاوبني ما اصنّت لسوالي
مرسم ولفي كي خلى علاه نجيه نتفكر ما فات يثقب مشعالي
واجبلي دمعي على المرسم نبكيه هشمتني الآثار كي جات قبالي
غيم المحنة ع العقل دايم كاسيه بسحابو سدّى على روس جبالي
يا مرسولي سير بجوابي وأديه يتمكن بيد الظريفة وأعنى لي
هات أخبار الخير لي كون نبيه و المارة اللي بينا وريهّالي
نشرتي ثوب المحبة و طويتيه واه جديد محبتك ولى بالي
مزقتي قلبي بشفرة هظمتيه يوم فراقك صار لي كي البوهالي
خيالك ظاهر العين رسمتيه وين ما صديت نلقاه قبالي
ودعتك مفتاح قلبي ضيعتيه سمطتي عني أيامي وأشغالي

المشاركة الأصلية كتبت بواسطة benarfanadir (المشاركة 118343) السلام عليكم و رحمة الله و بركاته هذه قصيدة للشاعر الأغواطي التخي عبد الله بن كريو رحمه الله كأول هدية مني و أول مشاركة ارجو أن تنال اعجابكم قصيدة" قمر الليل " قصيدة" قمر الليل " عبد الله بن كريو قمر الليل خواطري تتونس بيه نلقى فيه اوصاف يرضاهم بالي ياطالب عندي حبيبه ليه شبيه من مرغوبي فيه سهري يحلالي نبات نقسّم في الليالي ننظر فيه يفرقني منه الحذّار التــالي خايف لا بعض السحابات تغطيه وإذا غاب ضياه يتقيثر حالي ياسايل عن خاطري واش مسهّيه مع الريم اللي جلى قلبي جالي ياتهواسي خاطري واش يداويه وين الطب اللي يناسب لعلالي ضر معاشر كبدتي و أنا خافيه صابر للحمى الشديدة ما ذالي هذا المرسم كانت الخدّاعة فيه مسبوغة لنجال خلاّتو خالي يا مهبلني جيت للرسم نشاكيه ما جاوبني ما اصنّت لسوالي مرسم ولفي كي خلى علاه نجيه نتفكر ما فات يثقب مشعالي واجبلي دمعي على المرسم نبكيه هشمتني الآثار كي جات قبالي غيم المحنة ع العقل دايم كاسيه بسحابو سدّى على روس جبالي يا مرسولي سير بجوابي وأديه يتمكن بيد الظريفة وأعنى لي هات أخبار الخير لي كون نبيه و المارة اللي بينا وريهّالي نشرتي ثوب المحبة و طويتيه واه جديد محبتك ولى بالي مزقتي قلبي بشفرة هظمتيه يوم فراقك صار لي كي البوهالي خيالك ظاهر العين رسمتيه وين ما صديت نلقاه قبالي ودعتك مفتاح قلبي ضيعتيه سمطتي عني أيامي وأشغالي