أول مرة أصوم رمضان...؟؟
السلام عليكم ورحمة الله وبركاته
أولا رمضان مبارك للجميع ثانيا: بما أننا في هذا الشهر العظيم وددت أن أجعل هذا المتصفح لجميع الشروقيين لكي يحكوا لنا عن أول مرة يصوموا فيها رمضان ..يعني شحال كان في عمرك؟ كيفاش حسيت؟ واش دارولك فالدار ؟ ..المهم الشي اللي حبيتو .. ونسأل الله أن يتقبل منا ومنكم أجمعين.. |
رد: أول مرة أصوم رمضان...؟؟
السلام عليكم
...أول مرة صمت فيها رمضان في لإبتدائي كانت في السنة السادسة أنداك ولكن لم أصمه كاملا بل يوم واحد فقط ههههه. |
رد: أول مرة أصوم رمضان...؟؟
اول مرة صمتو كان ف عمري 6 سنوات وقتها
دارو لمة واستدعاو جيران وانا تحطيت ف قصعة وترشيت بسكر وحلوى ربي يقبل منا ومنكم صيام ويرحم الاحبة |
رد: أول مرة أصوم رمضان...؟؟
السلام عليكم ورحمة الله
صح فطوركم :7::7: شكرررررا لتثبيت الموضوع :7::7: |
رد: أول مرة أصوم رمضان...؟؟
اقتباس:
آه يا وحد المكراش نهار واحد برك 😱 😨 ..أمزح.. بارك الله فيك ..وشكرا للمشاركة. تحياتي../ |
رد: أول مرة أصوم رمضان...؟؟
قد يكون غريبا أنني لا أتذكر ذلك اليوم
أغلب الظن أنني كنت في الثالثة ابتدائي، وليس في عادتنا أن نبدي احتفاء خاصا بمن يصوم لأول مرة كما هو الحال لدى البعض.. فقط ربما أننا كنا نكتسب روح المنافسة والعد مع أصدقائنا في الشارع أو المدرسة.. فنصوم اليوم التالي لنحرز رقما جديدا في الأيام التي صمناها .. |
رد: أول مرة أصوم رمضان...؟؟
اقتباس:
آمييييين ..تقبل الله. ماشاء الله باينة عليك شاطرة..عجبتني اللمة ماتنسايهاش كامل بارك الله فيك وفي عايلتك. تحياتي../ |
رد: أول مرة أصوم رمضان...؟؟
اقتباس:
السلام عليكم ورحمة الله وبركاته أنت ثاني ماشفيتيش مليح كيما أختي نهار مرة وأنا نسقسي فيها وهي تقولي وانا وين علابالي.. احنا ثاني ما نحتفلوش وكنا نتنافسو الإخوة مع بعض حتى نلقاو ارواحنا صمناه كامل. شكرا على المشاركة تحياتي../ |
رد: أول مرة أصوم رمضان...؟؟
اللمة هي الصح ربي يلم شمل كل مفترق عن اهله يا رب ويرحم لي توفاو ..
هي عادة للاناث كل وحدة وش يعملولها بصح الماكلة يجمعو عليها جوارين مع اناشيد احتفائية ولباس تقليدي وحنة نفس الشي للطفل |
رد: أول مرة أصوم رمضان...؟؟
[QUOTE=Ayate.dz;2219594]وعليكم السلام أخي أبو هبة
آه يا وحد المكراش نهار واحد برك 😱 😨 ..أمزح.. بارك الله فيك ..وشكرا للمشاركة. تحياتي../[/QUOTE هههه الحقيقة في تلك المرحلة كنا نلعب كثيرا و الجري مع الاصدقاء و العطش كان قتلنا نصوموا غير نصف نهار فقط الله غالب :8::8::8::8::8:. |
الساعة الآن 01:38 PM. |
Powered by vBulletin
قوانين المنتدى