منتديات الشروق أونلاين

منتديات الشروق أونلاين (http://montada.echoroukonline.com/index.php)
-   منتدى الشعبيات (http://montada.echoroukonline.com/forumdisplay.php?f=297)
-   -   بوقالات جداد متجدد (http://montada.echoroukonline.com/showthread.php?t=289504)

ام زين الدين 09-02-2015 10:09 PM

بوقالات جداد متجدد
 



http://1.bp.blogspot.com/-k4uG8npkk9...769849_1_3.jpg

1
يا الغنجة يا بنت العاصمة....قصتي معاك شحال قديمة ....رحتي بلا ما قلتيلي حتي كليمة....جودي عليا بالوصال...انا من حبك طال سقامي... بغيتك تصفي ذاك القلب...نجيب لميمة...نكتبو لكتاب... و تكوني حلالي.

2


بلادي ممو عينيا نحبك مهما بخلتي عليا

ما نخلي البراني يهدر عليك ولا عدو يدنى ليك

بغاو الحساد يخربولي فيك بعد ما تنهدتي و تنحات العقدة علينا و عليك

بصح كاين ربي العالي الفوقاني سبحانه وكيلهم

ياخذ الحق لينا و ليك

3


خالد يا خالد انت كنز الدنيا كي عرجون التمر لي يشوفك مايمل ويبقاغير يتامل هدا غير في التمر مبالك تبينلهم من حنانتك لي كي لعسل ربي يحفضكم وي بقي عليك الستر.

4


طلّت مـن التـاقـة .. بانت شوشتها .. بيوضتها غلبت جلدتها ..

قلتلهم واش يصبر قلبي على محبتها ؟؟

الفال: افرحي يا العدرا .. و ربي يهنيك .. راني نوصيك .. عمرك ما تنساي لي يبغيك

5


الدار قدام الدار .. و التاقة قدام التاقة .. و القلوب تـوَّاقـــة .. يا عباد الله .. ما أحلى القلوب كي تتلاقى .. لحبيبي راني مشتاقة ..

الفال : ربي يطفي الجمرة .. و يلاقيك بـحــبــيـــك في الستـرة ..

6


الناس طبايع

فيهم وديع و طايع

و فيهم وضيع و ضايع

إذا دخلت للبير طول بالك

و إذا دخلت لسوق النساء رد بالك

إلّلي فاتك بالزين فوتو بالنظافة

ولي فاتك بالفهامة فوتو بالظرافة

القمح ازرعو و الريح يجيب غبارو

و القلب الا كان مهموم الوجه يعطيك اخبارو

و للي راح برضايتو ما يرجع غير برضايتي

ولا تلبس حاجة موش قدك

و لا على حاجة فارغة تندب حظّك

و ما يحكلك غير ظفرك

وما يبكيلك غير شفرك

7


يا يما .. يا بابا .. راني رايـحــة نقـطـع البحـور .. و ما تـزيـدوا تشوفوني .. و إذا جـيـتــو تحبوني .. بحبيبي زوجوني .. هكذا نتهنى .. و تهنوني ..

الفال : ما عندك وين تروحي .. دارك .. ترفد هبالك !!

8


سبحـان من صـورك .. و خـلّاك فتنة للنـاس .. ما ولـدوك في البهجـة .. ولا مراكش .. ولا فاس .. فاتحة على خدك سبع حباس .. ورد و ياسمين وقرنفل وباس .. ديتي كامل السّر واش خليتي للناس ؟؟

9


فال يا فلفال يا فاتح سبع قفال ... اجبرلي سعدي مهما كان .. من الشرق و لا من الغرب ولا من الشمال .. وقولو لَـلِّي ضاق صبرو يشد في حبال الرجا .. و علاش يتنكد .. يتكل على الله ياك ربي العالي ما يضيع حد ..

الفال : يـا رب ارض عـنـا و رضـيـنــا .. و افـتـحـلـنــا بـيـبــان الخـيــر ..

10


زغرتوا وفرحوا يا جيراني...

حبيبي لي راح جا اليوم وداني...

أنتوما حبيتو تفرقو بيناتنا ربي وكيلكم يا عدياني...

والله ما نسمح فيه ياك أنا بغيتو وهو بغاني...

11


بالنيّه يفتح الزهر...و أيامنا مدفيه....الي جوزتو معاك مرّ....نذو بو بالشويه...و نفو تو حياتنا سكر...غير أنا و انتيا ...بالحب و طول العمر ...تحلى العشريه...يصفى الليل بشعاع الفجر ...يا النجمة القطبيه...برضاك الربيع ينور ....يا الوردة العكريه....

متجدد
12


لالة يا لالة بيني وبينك جبال أنتي قلبك قاسح وأنا قلبي مدبال أنت قلتيلي نسيتك أو نحيتك من البال وأنا مازال نبغيك أو نخسر عليك المال

13



طلعت للسطح دليت رجليا جا الفاكتور أعطاني بريا قبل ما نفتحها فشلو يديا وقبل ما نقراها سالو دموع عينيا

14



بالبشارة بشروني وبالحنة زرتوني وعلى الغالي إنشاء الله تهنوني

15




غـالـي غالـي والـغـالـي ربـي... مهمـا نروح ونغيـب معزتـك يا لميمة فـي قلبـي...يا لي في هواك نموت.... مال الدنيا ماشي غالي... انت الذهب و الياقوت...

16



يا فلفل طرشي واشبيك، اذا بيك على الماكلة راني شبعانة واذا بيك على الماء راني رويانة واذا بيك على التحواس راني عيانة واذا بيك على هاداك الشباب ما نديه غير انايا



17

فمــي وفمك فـــي الكـــأس وسري وسرك واش وصلو للناس سري زجاج إذا تكسر خلاص



18

ليلة من الليالي وأنا قاعدة حزينة
خرجلي بدر الليالي قالي يالعدرة واشبيك حزينة
إذا بيك على الحبيب الليلة يجيك وهو راه متفكرك ديم

19




سهرت الليالي و انا نسنى في حلالي حلالي اللي رايحة نبني معاه داري و نجيبلو لبنات و الدراري حلالي اللي هو راس مالي غالي فالسوم و شانو عالي


20




البير بيرك ومايشرب منو غيرك اللي يبغيك واللي يعرف قيمتك هو اللي يديك

21




بخرتك بلجاوي و حطيتك في قصر عالي يا حمامة طيري للعالي و جيبيلي أخبار لحبيب الغالي

22

ماني طبسى نتكسر ماني وردة تذبال راني خاتم دهب ولويزة في يد سيد الرجال.



م ن

نَہٰبَہٰضہٰاتْ غُہٰرُورْ 10-02-2015 12:07 AM

رد: بوقالات جداد
 
صباح الخير نمت منامة تاع غنية امينة وحشتوني
انا ستة توجور عاكسة انا وستة

amina 84 10-02-2015 11:49 AM

رد: بوقالات جداد
 
اقتباس:

المشاركة الأصلية كتبت بواسطة ام زين الدين (المشاركة 1967909)


يا يما .. يا بابا .. راني رايـحــة نقـطـع البحـور .. و ما تـزيـدوا تشوفوني .. و إذا جـيـتــو تحبوني .. بحبيبي زوجوني .. هكذا نتهنى .. و تهنوني ..
الفال : ما عندك وين تروحي .. دارك .. ترفد هبالك !!


طيب يا أم الزين صبحت تفوللي هجوره بالزواج القريب مع أني أعاني من ما يشبه الرهاب المزمن من هذه المسأله على خاطر خايفه نطيح في كاش مدعي ينكدلي عيشتي هههههه
فإخترت رقم 7 قبل ما نقرا بوقالاتك نسبه ليوم و شهر ميلادي فشوفي واش جالي إسم الله عندي شويه زهر على الأقل على الورق ههههه

أوتار* 10-02-2015 04:28 PM

رد: بوقالات جداد
 
[quote=ام زين الدين;1967909]
4


طلّت مـن التـاقـة .. بانت شوشتها .. بيوضتها غلبت جلدتها ..

قلتلهم واش يصبر قلبي على محبتها ؟؟

الفال: افرحي يا العدرا .. و ربي يهنيك .. راني نوصيك .. عمرك ما تنساي لي يبغيك



دائما وأبدا رقـــــــــــــــــــــم 4

بالصح أكره حاجة عندي نطل على التاقة

+إيمان+ 10-02-2015 04:33 PM

رد: بوقالات جداد
 

4


طلّت مـن التـاقـة .. بانت شوشتها .. بيوضتها غلبت جلدتها ..

قلتلهم واش يصبر قلبي على محبتها ؟؟

الفال: افرحي يا العدرا .. و ربي يهنيك .. راني نوصيك .. عمرك ما تنساي لي يبغيك




مشكورة خالتو على تلطيف الأجواء
ربي يحفظك و يخليك شعلة ضوي المنتدى


نسرينات الامل 10-02-2015 04:56 PM

رد: بوقالات جداد
 


5

الدار قدام الدار .. و التاقة قدام التاقة .. و القلوب تـوَّاقـــة .. يا عباد الله .. ما أحلى القلوب كي تتلاقى .. لحبيبي راني مشتاقة ..

الفال : ربي يطفي الجمرة .. و يلاقيك بـحــبــيـــك في الستـرة ..


اخترت رقم 5 لحكمة موجودة فيه ههه




:10::10::10::10:


زهرة الارجوان 11-02-2015 11:10 AM

رد: بوقالات جداد
 
الله على السلاسة الموجودة فالبوقالات

ام زين الدين 11-02-2015 07:29 PM

رد: بوقالات جداد
 
بصحتكم لبناااااااااااااات

ام زين الدين 11-02-2015 07:32 PM

رد: بوقالات جداد
 
اقتباس:

المشاركة الأصلية كتبت بواسطة amina 84 (المشاركة 1967968)
طيب يا أم الزين صبحت تفوللي هجوره بالزواج القريب مع أني أعاني من ما يشبه الرهاب المزمن من هذه المسأله على خاطر خايفه نطيح في كاش مدعي ينكدلي عيشتي هههههه
فإخترت رقم 7 قبل ما نقرا بوقالاتك نسبه ليوم و شهر ميلادي فشوفي واش جالي إسم الله عندي شويه زهر على الأقل على الورق ههههه


اقتباس:

الفال : ما عندك وين تروحي .. دارك .. ترفد هبالك !!
راكي مليحة في دار باباك

new-tech 11-02-2015 09:17 PM

رد: بوقالات جداد
 
[center]
اقتباس:

المشاركة الأصلية كتبت بواسطة ام زين الدين (المشاركة 1967909)



http://1.bp.blogspot.com/-k4ug8npkk9...769849_1_3.jpg

1
[right]
يا الغنجة يا بنت العاصمة....قصتي معاك شحال قديمة ....رحتي بلا ما قلتيلي حتي كليمة....جودي عليا بالوصال...انا من حبك طال سقامي... بغيتك تصفي ذاك القلب...نجيب لميمة...نكتبو لكتاب... و تكوني حلالي.


م ن



احممممممممم

و هو كذلك:2::2::2:


الساعة الآن 02:24 AM.

Powered by vBulletin
قوانين المنتدى