قوم الخدعة
قوم الخدعة
قَومْ الْخَدْعَة مَا هُمْ سَلْعَـة -- وِيْقُولوُ حْنَا رْجَالْ يَاكْلُـو الغَلّــة -- وِيْسَبُّو المَلـَّة -- ويَعَبْدو المَالْ يَا صَاحْبِي جْبَدْ - قَوْمْ المْحَاسَدْ - مْعَاهُمْ مَا تْنَالْ ف الشَدَّة وَاحَدْ-- مَاتَلْقَاهْ وَاجَدْ - وتَعْيَا مَا تْسَالْ كِيشُفوُكْ يَنْسَلوُّ - ومَنَّكْ يْمَلوُّ - وِيْرُدّوكْ عَـايْ الطَبْطَبْ1 مَا يْحَلّو- وِيوَلوُ يْطُلوُ - وِيْقوُلوُ الصْماَطَ رَاهْ جَايْ كِيكُونُو الخَيْرَاتْ - وِيْشُـفُو الحَبَاتْ2 - يْرُدوُكْ بَــايْ وِلَا الشْكارَة خْوَاتْ - يْدِيرُو السَبَاتْ - ويَنْكْرُوكْ طَايْ طَايْ3 في كُلْ رَحْبَة 4 - دَايْرينْ صُحْبَة -وِيمَدُّوا الرَايْ الي مَا فَاقْـشْ وَعْبَا - يْرُدُّوهْ حَطْبَة - وِيقُولوُلَهْ بَايْ بَايْ5 صُحْبَتْ الشْمَايَتْ - (الدِيكْلَارِي فَايِتْ)4 وِيصُكًوكْ كِ لْـبْغَالْ وْكِي يْشُوفوُكْ فَايَتْ - يْعَدُّوكْ مَيَّتْ - وْمَا يَطَرْحُولَكْشْ حَتَّى الْبَالْ بقلم بن عومر شرح بعض الكلمات: 1طبطب= دقدق -2 الحبات =الدراهم 3طاي طاي=صراحتا bay bay4 5 (declaration faite) الإفلاس |
الساعة الآن 12:15 AM. |
Powered by vBulletin
قوانين المنتدى