|
سليمان فطان ..... عمري ما دريت .. من كلماتي
http://i85.servimg.com/u/f85/11/25/57/91/basmal11.gif لكم كلمات من كلماتي قصة واقعية أتمنى أن أذكر بها إخواني وأخواتي _ _ _ _ _ _ _ _ _ عمري ما دريت ننحقر أه منك يا زمان شبّعتني المّر في حياتي ومازال تزيد عطيتني بظهرك وغلقت في وجهي لبيبان حتى لصحاب نساوني غابوا مشاو بعيد بالصفى ولامان في حياتي مع الناس مشيت حاكم قدري مانبالي بالقيل والقال عمري ما ظلمت حد ما حقرت ولا تعّديت حالي ميسور وربي رزقني راحة البال صابر عن ما قظى المولا عليا وما شكيت خاطيني البخل والتنوفيق ماني ختّال نقادر الجار والوليية هكذا ترّبيت ولو نغلط نسترجع لآني وليد الحلال سبابي قلبي حنين واللي يبكي انساميه نقسم معاه ولو نعرف نبات بلاش لوجه ربي نعاونه با اللي قدرت عليه ونهار حتجت كي قصدته قال لي ما كاش انكر لحسان وما حشمشي ربي يهديه حسبته حبيبي ظهر لي وترن ما يسواش راه لزّمني نفارقه ومن بالي نمحيه بنيان اللي على الرمّل عمره ما يعلاش حتى في مسايل الغرام اكويت لي قلبي واحرمت عليه المحبّة لأنه زوالي شحال من هيفة نويتها تبقى في جنبي ياما من قصة عشتها زادت لي تهوالي كمّلت على جوارحي واش هو ذنبي واللي عذرني داك جرّب وذاق بحالي باقي مقيوس ما شكيت والشكوى لربي راضي بقظاه ليل ونهار سبحانه العالي وينهم لصحاب اللي حسبت نلقاهم بحدايا وقت الشدة نساوني نكروني ومشاو حطّوا مني العين عند ساعة صاروا عدايا جرحوا قلبي رهيف ما عندهم ما خلاّو واليوم راه بان كل شيء صافي كي لمراية هذي مدة شحال ما زاروا ما سقساو سليمان فطان أسمي نجهر بيه وكناية هذي قصة بحثها ليكم باه تقراو عمري ما دريت ننحقر أه منك يا زمان شبّعتني المّر في حياتي ومازال تزيد عطيتني بظهرك وغلقت في وجهي لبيبان حتى لصحاب نساوني غابوا مشاو بعيد نهاية icon30icon30icon30icon30icon30icon30 tearstearstears |
رد: سليمان فطان ..... عمري ما دريت .. من كلماتي
بنيان اللي على الرمّل عمره ما يعلاش وصف راااائع و صادق يعياوا يتفتحولك البيبان و تسعد أيّامك و تزهو لياليك و تتلاقى بلّي يعرف مقامك و يعلّي شانك و عمره ما يطيّح بيك هههههههههههههه زعم حبيت نعاند و لكن هيهااات فعلا كلامك راائع يكفي أنّه نابع من قلب مجرّب كواته ليّام و لمحان في إنتظار بوح آخر لك أسعدك ربّي في الدّارين |
رد: سليمان فطان ..... عمري ما دريت .. من كلماتي
اقتباس:
وإياك إخلاص الله اينور لك ياماتك بارك الله فيك clapclapclapclap |
رد: سليمان فطان ..... عمري ما دريت .. من كلماتي
..
رآئعة جدآ ،، استمتعتُ بقرآءتهآ دمت مبدع دومآ شكرآ لك تحيـآت الأميـرة ،، |
رد: سليمان فطان ..... عمري ما دريت .. من كلماتي
اقتباس:
شكرا لك على المرور بارك الله فيك cupidarrowcupidarrow |
| الساعة الآن 05:10 PM. |
Powered by vBulletin
قوانين المنتدى