منتديات الشروق أونلاين - قصيدة جميلة مهدات للفريق الوطني

مجريات رواندا والجزائر

اكتب يا شاعر واحكي الاحوال النخبة الوطنية لازم تحييها

اذكر زياني بلحاج وغزال وشارة القايد صايفي حاميها

سجلت رواندا وقلنا محال لازم نربحوا ونبهدلوا بيها

انهض سعدان وقال الوقت مازال رواندا امريضة وانا انداويها

طلعها فوق الطاولة واشعل القفال وجاها الضوء قاوي رايح يعميها

عدلنا النتيجة وسيبانورمال وراسية غزال لمن نهديها

نهديها للجماهير الي كانوا عقال وشقيقتنا مصر ربي يهديها

اشرات الحكم الغيني ودفعتلو لموال ورفضنا الهدف باش يرضيها

وجات عزيمة مغني وصحابو الابطال وجمرة مصر راح امطفيها

اتعرقل مطمور وخبلها تخبال وضربة الجزاء شرعية لانقاش فيها

وصبحت رواندا كي الورد المذبال حتى واد النيل ميقدرش يسقيها

وخرج الشعب للشارع نساء ورجال وربوع الوطن راح امدويها

حتى من روراوة رئيس الفدرال غمرتو الفرحة ومقدرش يخفيها

الجزائر متئهلا وريحا للمنديال وجنوب افريقيا ترحب بيها

ثم يتلقى لموشية مع ايطو صامويل وتشوف الفنيات وتمتع بيها

تعيطلوا البرصة والا الريال و احسن صفقة لازم يمضيها

الله ايذل من زعموا جابنا الاستقلال وثورة نوفمبر التاريخ يشهد عليها