منتديات الشروق أونلاين - الحاجة دارت النية

السلام عليكم
القصيدة قصة ام ذهبت تدرس في أقسام محو الأمية

الحَاجَّة دَارَتْ النِّيَة *** وْقـََالَتْ نَقْرَا بَاللِّي كَايَنْ
أنَا القَعْدَة مَاهِي لِيَا *** الكْنِيسْوْغْسِيلْ لُومَاعَنْ
صَحْ مَا عَلْمُونِيشْ وَالْدِيَا *** خَاطَرْكَانُو مَايَعَرْفُوشْ مْسَاكَنْ
عَزْمَتْ تَدْخُلْلْمَحْوْ الأُمِّيَة *** نْتَاعْ الشِّهَابْ بَاشْ تَتْمَكَّنْ

دَخْلَتْ اليُومْ اللَّوَلْ *** وَبْدَاتْ فَالنْسَاتْشُوفْ
فِي رُوحْهَا قَاعْدَة تَسْأَلْ *** رَايْحِينْ يْقَرِّيوْنَا الحُرُوفْ؟
وْهَاذُو مْنِينْ جَاوْ كَامَلْ *** وَعْلَى كْبَرْنَا يْمَشِّيوْنَا فَصْفُوفْ
وَالشِّيخْ مْرَا وَلاَّ رَاجَلْ *** حْنَا الحَشْمَة فِينَاوَالخُوفْ

المُهِمْ بْدَاتْ الحِصَّة *** بَ بُو تَ تِي
عَ رَ لَ صَ *** أُمِّي تَحْلُبُالبَقَرَةِ
وْهِيَ حَاسَّة حَاجَة خَاصَّة *** نْوَاظْرِي وَالشِّيخَة تْقُولْهَا نَظَّارَتِي
قـَالَتَلْهَا مَانِيشْاللِّي تَتْوَصَّى *** حْنَا قْرِينَا بَكْرِي يَا بَنْتِي

وَاشْنُو عَشْنَا حْيَاة مُرَّة *** وَفْرَنْسَا كِيجَاتْ جَهْلَتْنَا
شْحَالْ خْدَمْنَا فَالثَّورَة *** مْعَ ذُوكْ الرْجَالْ خَاوَتْنَا
نَخَبْزُوا وَنْطَيْبُواالكَسْرَة *** صَحْ مَاقْرِينَاشْ لَكَنْ خَرَّجْنَا
المُهَنْدَسْ الطْبِيبْ وَالدُكْتُورَة *** بْدْعَاوِينَا الحِرصْوَسْهَرْنَا

هنا انتهت القصيدة وهذه مقطوفات فقط

أولا: لما الأستاذة تتأخر والعجايز يقعدوا يستناو هذا حوار بين عجوزتين

وَاشْرَاكِي لاَبَاسْ مْهَنْيَة؟ *** كِي سَمَّاكْ الله يَا مَخْلُوقَة
وِينْ تَسُكْنِي؟ قَالَتَلْهَا وَرْدِيَة *** وْنَسْكُن فَالعَافْيَة فْذِيكْ الزَّنْقَة
إيهْ رَاكِي قُدَّامْ حْبِيبْتِي زَهِيَّة *** حَقَّا وْكِيفَاشْ بَنْتْهَاعَتِيقَة
قَالَتَلْهَا مَا سْمَعْتِيشْ الكَيَّة؟ *** يَاخِي وَلاَّتْ مْتَلْقَة (مطلقة)
خَلاَّهَا بْزُوجْوَالتَالتَة جَايَّة *** رَاهِي وَشْ نْقُولَّكْ فِي ضِيقَة

الحاجة لمّا تروحللدار وش تقول لوليدها
يَا وْلِيدِي الله يْقَوِّيلَكْ الشَّانْ *** لُوكَانْ تَشْرِيلِي بُوسْتْكَاسَاتْ
نَسْمَعْ وْنَتْعَلَّمْ مْلِيحْ القُرْآنْ *** وْنَحْفَظْ شْوِيَّة مَنُّو آيَاتْ
بَاشْ نْجِي اللَّولَىفَالاَمْتِحَانْ *** وْنفُوتْ هَذِيكْ يَمَّاتْ حَيَاة
وَيَعْطِيوْنِي سَرْفِيسْ مَزْيَانْ *** وْبَالاَكْ يْزِيدُولِيكَادُووَاتْ (هدايا).

http://www.nojoomcirta.com/upload//u...8f8cb942be.mp3