|
خذها نصيحة مني
قعد جنبي مهموم في نهار اليوم حط يده على خده و ماسك الدخان في فمه عيونه جاحظة و متحيرة على احواله المتغيرة اداني لساني و عماني و في دار الهلاك خلاني قال يا حسرى على الدنيا لما كان المال ما بين يديا كانت الناس من حولي كالمطر و اليوم نشفت و بقات غير الحجر زمان كنت نلبس غير لاكلاص و ظرك ما بقات لابسه خلاص كسبت المرسيدس و الهوندا و الكاتكاط و اليوم ما نكسب والو حتى فردة سباط كنت نهدر غير المليار و المليون و ظرك حتى الدورو صار عليا كثروا الاحباب عليا و الصحاب و اليوم كي طاحت بيا غلقوا في وجهي الباب داروا بيا بعض الناس الي كان ما عندهم حتى احساس و مصوا دمي كالقراده و كي فرغت قالوا هذي ما بقات فيها حتى قعده نسيت اولادي و نساوني والديا و ما بقى عندي غير اللبس الي عليا ************************* بكى و بكيت معاه و تذكرت بحبيبي الى ما قدرت ننساه حاله مثل حالي الدنيا اخذت منه و مني الغالي قلت ليه يا خويا وكل ربي و ادعي ليك و ليا انه ياخذ بيدي و يديك و من نار جنهم يحميك اليوم جمعنا القدر حتى يحمينا ربي و يلهمنا الصبر الدنيا هذي ما فيها امان و الصحيح فيها يولي جبان حبيبي مات و خلاني و في موتته كل الاحباب عزوني رحلوا عليا الاصحاب و الاحباب و انا بقيت لابسة الحزن و مغطية بيه كالجلباب خذ من واحد مجرب و لاتاخذ من عندي طبيب الدواء من عندك و من عند ناسك ارجع لوالديك حتى يرضاو عليك هذي نصيحة مني و انا درت الي لعليا و كونك متهني مصيبتك هونت عليا كثير و بان الصبر ليا خير و الله ما نحيد عليه مهما يصير الدنيا هذي يوم ليك و يوم عليك ساعة فرحان ساعة حزنان لكن تذكر انه ربي كريم و حنين الحزن ما يرجع ليك مالك و لا يرجع ليا حلالي *****هي مجرد محاولة ابيت ان اشارككم بها حتى لا تبقى حبيسة في درج مكتبتي ** |
رد: خذها نصيحة مني
الأخ أو الأخت سوالف
لو بحثنا في سماء الأسماء سوف نجد سوالف يركب على انثى و ذكر اشكرك على المحاولة التي تندرج في ركن القوالين و ليس الشعر الشعبي خذها نصيحة مني حاول أن تعيد تركيبها أبيات و بإذن الله تنجح حوال أن تركبها على ريتم موسيقي أي الهوى مثل ما يقولوا أهل الفن و كتاب كلمات الأغاني تقبل نقدي و اعلم أن محاولتك هذه سوف تصل بها إلى الشعر الشعبي دمت بكل ود |
رد: خذها نصيحة مني
قعد جنبي مهموم
في نهار اليوم حط يده على خده و ماسك الدخان في فمه عيونه جاحظة و متحيرة لو كان يزيد اكثر غادي ينتحر شكرا |
رد: خذها نصيحة مني
اخي مشكور على النصيحة. انا فتاة اولا ثاني شئ سوالف تطلق على الفتاة اكثر منها للولد و هي شائعة في الدول الخليجية. سوالف ممكن تقول انها حكايات شيقة او مشوقة و دمتم بود. سلام على كل تلك القلوب الحائرة سلام على كل تلك الاحلام الزائفة, سلام على قلب اخذته الاماني و بات ينتظر التهاني
|
| الساعة الآن 07:01 AM. |
Powered by vBulletin
قوانين المنتدى