الفريق القوي هو اللدي يقهر الخصم والحكم
 

ولا الفريق الي يربح ماتش ويخسر ماتش ونيل في ماتش .ويقلق ويخسر ويتعاقب في ماتش ويخرج باثقل نتيجة . اريد رايكم بكل موضو عية . ولا تقلي الحكم

لان الحكم تحت اعين الملايين من الحكام والمراقبين الرياضيين .
حتى ولو كان ضالما موجود من يراقبه ..

اريد راي بكل موضوعية في اداء الفريق ..

رد: الفريق القوي هو اللدي يقهر الخصم والحكم
 

يعطيك الصحة بصح لازم باش تقهر الحكم تكون موجد روحك من قبل يعني تحضير نفسي.و على خاطر حنا ماتربيناش على الخبث و عمرنا ماشفنا حكم كيما هدا واحد ما حضر نفسو لموقف كيما هداك كل واحد داخل و في بالو مباراة جديدة لا تحمل حتى خلفية و اللاعبين تدربو باش يحترمو قرار حكم و لو كان مخطئ بصح ماشي و لو كان متعمد ادلالنا و ليس خسارتنا فقط و راك عارف علاش ماتدربوش عليه كي كون متعمد على خاطر اللي علموهم اروبيين جامي و لا شافو عبد كيما هداك. لو كان جات عندنا اكيب تاع البرازيل و تخسر على خاطر الحكم جا محرش و الدليل كي ماحبش يصافح غزال و المراقبين اللي راك تحكي عليهم تاع الكاف و الكاف و الاتحاد المصري واحد و 50 مصري يخدم في الكاف و جاو باش يشجعوا مصر في طائرة الكاف. اما الخسارة الاولى فاسبابها بدنية بالدرجة الاولى يعني نهار اللي تكون الرطوبة 90 بالمئة يسبب انخفاض شديد في الاكسجين يعني المناصرين و مايقدروش يقعدو على خاطر ينخنقو و المنافس ربي خالقو باش يتعود على هداك الجو رطوبة+حرارة. هادو ماشي مبررات للخسارة و انما هي اسباب حقيقية اللي تخليك مستحيل تربح و التعادل كي تكون طالع تروح تريسكي في الهجوم و قادر يدخلك هدف تبخر بيه الطلعة؟ لو كان داروها قاع تقولو عليهم اغبياء. ارجوا اني نكون شرحت وجهة النظر ادا غلطت سمحلي و تقبل فائق الاحترام و التقديرمني على خاطر لو كان ماجيتش تحب البلاد ما تكتبش هكدا برك نصيحة لوجه الله ما ديروش على التقنيين و المدربين تاوعنا على خاطر لو كان جاو يحبو البلاد لو كان هوما حكمو ليكيب و بناوها و طلعوها ماشي حتى كي تتسقم قاع يجو يفهمو الشيخ بداها من الصفر و كاين اللي يحب يستثمر فالنجاح تاعو كيما حنا ما نحبوش اللي يديرنا هكدا ما نحبوش واحداخر يندارلو هكدا خاصة ادا كان في الطريق الصحيح و بما انو حقق التاهل للمونديال بعد 24 سنة و التاهل لنصف النهائي بعد 20 سنة و بفريق عندو عامين و مازال يتكون و الناس عندهم شحال من عام و هوما مع بعض و ما حققوش واش حققو ا الشيخ امالا لازم نوقفوا بجنبو و نشجعوه و ما نديروش عل مستثمري النجاح اللي حب فكرة يروح يكم ليكيب ناسيونال تاع الصغار و يطلعها ماشي يجي يتفلسف علينا.

رد: الفريق القوي هو اللدي يقهر الخصم والحكم
 

كلامك معقول ولكن منقوص شويا منطق ولكن فيه حب الوطن وهدا الي يهمني .

اما الفريق فلازمنا فريق قوي منضبط يمثل الجزائر في المونديال ..