الواد علاء و مش مبارك ...
.....الله لا يعفيه و يبارك
عاوز الكورة تبقى معارك....
و ناسي شعبه عاوز ايه
الشعب يا بابا عاوز رغيف .
و يا ريت أودة في مكان نظيف
بس الظاهر إنك سخيف
و كل اهتمامك تبقى البيه
الجماعه رشحوك
لمعوك و وظبوك
و فوق الرؤوس بردو شلوك
و غطوا صوت الملايين
و تكتيكك تشيل زاهر
و تبقى إنت الناهي الآمر
ما هو إنت الغايب الحاضر
في شؤون الرياضيين
و زي الماما إيدلعوك
و ينغنغوك و فرفشوك
بس إتأكد حيبيعوك
أصل الجماعة بياعين
باعوا قبلك كم كبير
و أنت يا عيني لسه صغير
و العتب مش في الشخير
في الوسادة يا تعبانين