منتديات الشروق أونلاين - هذا تسيير و لا تحيير

عندما تقف أمام باب البلدية لنصف ساعة تنتظر فتح الباب ، و يفتح الباب و نتصاكو ( حشاكم) و نعفطوا في بعضنا ، و نتصافوا واحد وراء واحد ، و ننتظر حتى الساعة التاسعة ليدخل أول موظف ، ( ألاه هذا تسيير ) .
كي تروح للبوشطة ، باش أتخرج أدراهمك رزقك الشهرية ، و يوقف القابض بتبجح و يقول ، يا جماعة ماكان لاه تقعدوا دايرين لاشان ، الدراهم راها ماكنش ، ( ألاه هذا تسيير ) .
يرحم والديك كي نعرفوا مساحة بلادنا و نلقاو مشكلة ( البطاطا) ، ( ألاه هذا تسيير ) .
كي تلقى غلطة كبيرة في كتاب ولدك اللي يقرا في السنة الرابعة متوسط ، و غلطات في كتاب السادسة إبتدائي و غلطة في العنوان أنتاع نكوتك و غلطة في أسماك في الحياة أو غلطة في اسم بنتك في الفيش ،
.........ما علينا قي أنوكلوا أمرنا لله و أنقولوا هذا مهوش تسيير ، هذا تحيير