|
خسرت عليها حمارة.../حكمة مهمة للرجال
في البداية أرجو من الجنس اللطيف أن لا يغضب
هي حكمة وعبرة أكثر منها نكتة وعلى حسب الراوي القصة حقيقية وهي تقول: كان واحد عنده بنت شابة وبلوطة بصح مقلشة ومدلعة بزاف تزوجت شحال من مرة وتطلقت ولهذا الشي باباها ولى يعرف قاع ليكاليتي (les qualités) تاع الرجال , هاذي البنت ولات الراجل اللي تروح عنده يا ربي تضرب عنده شهر ولا شهرين تتقلش عليه وهو يتقلق منها يطلقها ويرجعها لدارها مرة أب هاذي الطفلة جا عنده واحد من الجبل (مغلق ومبلع شوية بصح يفهم) قاصده خاطب لبنته فاللولة تردد وخاف شوية ومن بعد وافق وقال في قلبه نجرب هاذي الكاليتي (qualité) ونشوف بالاك تخرج عليا وفي نفس الوقت نسلك السلعة خير ما تبور في راسي :cool: :cool: الأب صارح الخاطب وخبره على عقلية الطفلة كي دايرة , الخاطب وافق وقال له ما كان حتى مشكل راني قابل بيها كيما راهي . وتفاهموا على الخميس باه يجي يديها والكورتاج طبعا حمارة :D :D :D جا العريس في الموعد بحمارته والمكحلة (البندقية) على كتفه , ركب عروسته على الحمارة وقلع بيها لدارها الجديدة فالجبل :p فالطريق الحمارة تربشت (عطست) العريس خزر للحمارة وخوص فيها مليح وقال لها هاذي اللولة عندك , الفايدة العروسة ما فهمت والو :confused: :confused: وفي نص الطريق الحمارة زادت تربشت , شاف فيها العريس وقال لها هاذي الزاوجة عندك :confused: وكي قربو يوصلوا زادت تربشت , العريس قال للحمارة هاذي الثالثة عندك وهاذي المرة والله ماني مفوتها لك , هز المكحلة وقرص عليها جابها مع عمرها سيس دوز (قتلها) :eek: :eek: :eek: العروسة مسكينة فوادها خرج مالخوف وقالت يا ربي واش جابني لهاذي البقعة :eek: الطفلة ضربت عند راجلها شهر , وقالت له هاي اسمع اسمع انت ما تدينيش لدارنا نشوفهم ولا كيفاه (بالزعاف والتشناف) :mad: :mad: خزر فيها وخوص تخويصة هي وقال لها هاذي اللولة عندك :eek: الطفلة ما زادتش نطقت كلمة واحدة مالرعب دوري يا ليام دوري والطفلة حملت وجابت ولد قمر الله يبارك وكي الولد عاد يحبو قالت لراجلها بالظرافة والحنانة والله لتوحشت دارنا ومواليا نروح نشوفهم ليلتين ونولي , خزر فيها وقال لها الزاوجة عندك :eek: المسكينة بلعت ريقها بالكشايف ورتبت ضربة واحدة. الطفلة طولت الغيبة على دارهم على غير العادة وباباها تقلق عليها وقرر باش يزورها ويطمن على احوالها كي وصل لقاها متهنية وعايشة سعيدة مع راجلها وعندها إيكيب (équipe) ذراري الله يبارك الأب سأل نسيبه وقال له واش درت حتى الطفلة صبرت سنين علينا وعشرت عندك :p :p قال له ما درت والو خسرت عليها حمارة برك :D :D |
رد: خسرت عليها حمارة.../حكمة مهمة للرجال
هههـــــــــــاهههـــــــــــــاهههــــــــــ
رغم إطالتك........... بصح هايلة .... كنت أنتظر عندما حضر أبوها .... قلت ثالثة :.......... نعم إنه أسلوب الترهيب ...و قد نجح في ذلك أيما نجاح... سلمان من عين مليلة . |
رد: خسرت عليها حمارة.../حكمة مهمة للرجال
سياسة صالحة لبث الهدوء
|
رد: خسرت عليها حمارة.../حكمة مهمة للرجال
هههههه والله يا سليم غير حكايتك تقتل بالضحك وفي نفس الوقت راني راح نجربها انا وسلمان مع نساء المستقبل ما تحصيش نطيحوا في خشان كيما هاذو مرة اخرى بارك الله فيك تحياتي |
رد: خسرت عليها حمارة.../حكمة مهمة للرجال
اواه حمزنات و سلمان صعاب بزاف وماشكيتش يصرالهم هذا الشىء
|
رد: خسرت عليها حمارة.../حكمة مهمة للرجال
هههه ، لذيذة الله يعطيك العافية
|
رد: خسرت عليها حمارة.../حكمة مهمة للرجال
اقتباس:
في المستقبل القريب عندما أتزوج .... سأحضر زوجتي هي فوق الفيلة:eek: و أنا فوق الفيل :eek: :eek: ...حاملا معي الصواريخ المضادة للطائرات .... حيى لا تتكلم بتاتا ... وبرب إن شاء الله .. مافيهاش أولى أو ثانية .. و لا في كلام من أصلو ..... تحب خويا لعزيز جيبلك واحد معايا ماكش مشكل ... أنا بروبوزي عليك ...أنت جيبها فوق الدب لأنه يخلع .... وهذه الصورة للفيل .... http://www.eurobaluchi.com/eurobaluc...s/image010.jpg راني Demandit زوز ..تحب Demandilak معايا :D :D سلمان من عين مليلة |
رد: خسرت عليها حمارة.../حكمة مهمة للرجال
اقتباس:
شكون اللي قال انا صعيب انا عاقل بزاف واللي حاب يعرف يجرب زدتي غلطتي فيا هذا المرة |
رد: خسرت عليها حمارة.../حكمة مهمة للرجال
اقتباس:
جيب جيب خويا سلمان علبالك انا كيما قلت نتا لا الاولى لا الثانية نخلوها للثالثة خير |
رد: خسرت عليها حمارة.../حكمة مهمة للرجال
خويا سلمان من الأحسن تدومندي 3 زرافات خير :D :D :D , واحدة ليك وواحدة ليا وواحدة الـ حمزنات
هاذيك هي العروسة غير تتكلم نرموها م الفوق :D :D :D وهكذا ما تكون لا زاوجة ولا ثالثة :D :D http://members.lycos.co.uk/almuhands/1194091839.jpg شوف هاذي يا سلمان الرقبة شحال طويلة :D :D http://members.lycos.co.uk/almuhands/1194091924.jpg |
| الساعة الآن 03:13 AM. |
Powered by vBulletin
قوانين المنتدى