|
المجالس المنتخبة في قصيدة شعرية شعبية
في هذه القصيدة يصف الشاعر المجالس المنتخبة ويكشف عورات الكثير الكثير من المنتسبين إليها ،ويفضح دسائسهم وتلبسهم لباس التقوى والزهد والشجاعة التي لاتمت لهم بصلة .
وإليكموها فتمعنوا الدشــــــــــــــــــــــــــــــــــــــــــرة أبقاي على خير يا هذا الدشرة***يالي غاشيها غير فــــــلان وفلان راني حالف ما نولي ذالمرة***يالوكان أموت في الصحراء عطشان* نعشربرالروم وبلادالــــــكفرة***وما نعشرش برالشمايت والرعـــــيان لحديث التنوفيق والضحكة الصفرة***والصحبة تحيا وتفنى بالقضيان بلســـــــــــــانويعطيك قنطارامسرة***والحيلة متلمدة بين البــــــيطان بالرشوة تلقاه ماشي للعمرة***ويصلي فالبيت في لآخر رمـــــــضان ويولي بكلاح وعباية صفراء***ويعطيها للزور وكلام البــــــــــــهتان يحلف لك ليمين قداه من مرة*** ويحلف بلكعبة ويحلف بالــــــقرآن ويحرم لبزوز(1)ويحرم لمرة*** وغيريصد عليك تلقى كذبـــــــــــــو بان ابقاي على خير ياهذا الدشرة*** يلي يحكمها غير لفلان وفــــــلان ماتفرز أمي على واحد يقرى***ولااتفرزصاحي على واحد سكران كي تسمع لحديثهم عند الهدرة***تقول:انت لبطال هاذووالشجــــعان لو تعجنهم مايجو في ساق امرأة***ولوتوزنهم مايوفولك مـــــــيزان غي هيدورة لاصقة في هيدورة***وغي خاين مدسوس في وسط الخيان للشاعر جلول جلجلي من ولاية البيض حائز على شهادات عليا وباحث . للأمانة القصيدة مبتورة من بعض الأبيات (1)-البزوز:الأطفال الصغار * |
رد: المجالس المنتخبة في قصيدة شعرية شعبية
كلام كللو بيان
شكرا لك |
رد: المجالس المنتخبة في قصيدة شعرية شعبية
.. لا يشفي غليلنا .. الا ان تكون رقابهم تحت احذيتنا
|
رد: المجالس المنتخبة في قصيدة شعرية شعبية
شكرا لمروركما الكريم.
مع العلم القصيدة صارت محل رداسات أدبية ونقدية في جميع أنحاء العالم العربي |
رد: المجالس المنتخبة في قصيدة شعرية شعبية
هذه القصيدة لي معها ذكريات جميلة ، في زمن الحلو
و المر ، هي صدرت في الثمانينات للشاعر العملاق جلجلي جلول و قيل ان شاعر أخر نسج على منوالها و للشاعر المذكور قصائد حلوة رائعة لكن لي طلب أخي الكريم اطلب منك ان كنت تمتلك تكملة القصيدة أبقاي على خير يرجى ان تفدنا بها و شكر |
رد: المجالس المنتخبة في قصيدة شعرية شعبية
اقتباس:
أخي بلقاسم أملك القصيدة كاملة وسامنحك إياها على الخاص ولكن أعطني وقتا حتى يتسنى لي كتابتها تحياتي للجميع ولصاحب الموضوع سلامي |
رد: المجالس المنتخبة في قصيدة شعرية شعبية
اقتباس:
هي كاملة سأنشرها هنا شكر اخي الكريم هذه بعض مقاطعها شاب الراس وذرك تبياض اللحيـة وياقلبي ماتلانا فى الصغر مقــــام صغري كله ضاع من بيـن أيديـا وحتى كبـري ذرك يمشي كالمنـام ماوجدت أعــوين نديه معــايا ولاسبقت عـوين نلقـاه القــــدام سامح فــي فرضي المكتوب عليا وأنزعك فـي الضامنة لي بالتقســام كل أنهار يفــوت محسـوب عليا وانيا زاهي مــاحسبت أحسـاب أيام مـاشي واعد الآخرة غي بيديـا كي نوصل نلقى ذنوبي بالعــــرام *************** شكر |
رد: المجالس المنتخبة في قصيدة شعرية شعبية
شكرا اخي الكريم سليم يلل ، انا بحثت عنها عندي واضنها هذه
القصيدة الشبه كاملة ، وانا اتذكرها جيدا ، وشكر مرة اخر ابقاي على خير يا هذا الدشرة**لي غاشيها غير فلان و فلان راني حالف مانولي ذا المرة**و لو نموت في صحرا عطشان نعشر بر الروم و بلاد الكفرة**و لا نعيشر بر ش....و الرعيان لحديث تنوفيق و الضحكة صفرة **و الصحبة تحيا و تفنى بالقضيان بلسانو يعطيك قنطار مصرة**و الحيلة متلبدة تحت البيطان بالرشوة تلقاه ماشي للعمرة**و يصلي في البيت في آخر رمضان و يولي بكلاح و عباية صفرة**و يعطيها للزور و كلام البهتان يحلفلك ليمين قداه مرة **و يحلف بالكعبة و يحلف بالقرآن و يحرم البزوز و يحرم لمرا**و غير يصد عليك تلقى كذبو بان أخزيهم يا خالقي في ذا الدشرة**ذا القوم للي حلفها ما فيه امان أبقاي على خير ياهذا الدشرة **للي يحكمها غير الجاهل و الخوان تلقى لي ملو غبار السبورة **للسياسة داخلين بلا سلطان المرفوعة تاليتــها مجرورة**و العطف يوروه غير لفلان و فلان و الفعل المجهول مبني للكسرة**و اسماء الخمسة يديرو ليهم شان تلقى المير الحمار و النايب بقرة**و المجلس تعبان يختل في تعبان ما تفرز أمي على واحد يقرا**و لا تفرز صاحي على واحد سكران غير هيدورة لاصقة في هيدورة**و غيرخاين مدسوس بين الخيان كالكلاب مدربين على الحقرة** و يا ويح الي جالهم بين النيبان كي تسمع لحديثهم عند الهدرة**تقول أنت لبطال هاذو و الشجعان لو تعجنهم ما يجو في صاق مرا**و لو توزنهم ما يوفولك ميزان كي الغراب منين يعلا فالشجرة**يحسب كل الخلق تحتو ذبان أبقاي على خير يا هذا الدشرة **للي لاحت تاريخها في عقب زمان يا سعد الي جا موظف من برا**بلوصلة يضحا عزيز و مولا شان يدولو لفراش و يزيدوه مرا**و كل خميس عشاة مشوي عند فلان ما يحتاجش لا حليب و لا خضرة**كلش خالص جاي من عند الرعيان هذا باهز جايب مخدة حمرا**و هاذا يجري جايب قريعات دهان تلقى المشمت غير توصل فالهدرة **و تلقى المرعن غيرتجرجر فالخرفان أخزيهم يا خالق يفي ذالدشرة**ذا القوم لي شانها ما جا كشان و ارزقهم لعجاج و معاه الغبرة**وزلط الي بدراهمو يولي جيعان إذا راد الله من هذا المرة**ما نرجعش خلاص لبلاد الرعيان أبقاي على خير يا هذا الحفرة **راها ليكم يا شمايت و العديان ما رنيش على الرجال أهل النعرة**لي كلمتهم ما لقلت منين تبان ما رنيش على البزوز الى تقرا **و مارانيش على الي سكنو لكفان مارانيش على الشجرة و الحجرة **وما رانيش على الولية و الحيوان مقصودي رعيان ما ليهم جرة **و كي عكست ليام و لا ليهم شان كانو مدسوسين في وقت الكفرة**و ياسر منهم كان في صف العديان ضروك جاب شهود و ادخل الثورة **و اخرج عندو كاميو قهوة وبلان لحقولو رابيل حج وزاد امرة**و اصبح في التاريخ يفتي بالبرهان و يعود يقول بيا واش صرا**كي كنا في الجيش أنا و حياة فلان فوق احمار و لاحقتني طيارة **ذاك الشي و ضربتها بين الجنحان و اهجمت على شار بعمود و حجرة **دقدقتو و قديت في جدو نيران أخزيهم يا خالقي في الدشرة**ذا الحركة لي عايشين بالبهتان و أرحم من شافو الكحلة و المرة **و ماتو شهداء على الصدق و الايمان متعهم بالحور في الجنة الخضرة**و اسكنهم يا خالقي خير الجنان.. |
رد: المجالس المنتخبة في قصيدة شعرية شعبية
اقتباس:
نعم هي بالذات أخي الكريم وكفيتني عقوبة الكتابة والتي كانت ستهون لأجلك تحياتي |
رد: المجالس المنتخبة في قصيدة شعرية شعبية
سلامي وتحيتي للأخوين الكريمين ؛بلقاسم24و سليم يلل على مجهوداتهما ونشر القصيدة كاملة أو شبه كاملة ،وفي الواقع إخواني استحييت أن أنشر بعض الأبيات خاصة البيتان 15و 18من القصيد الكاملة التي كتبها الأخ بلقاسم بالرغم من ملامستها للواقع .
جزاكم الله خير إخواني خاصة وأنني وجدت قصائد شاعر شعبي جزائري محل دراسة ونقد وتحليل في بلدان عربية عديدة من طرف كتاب وأدباء ،في حين نجهلها نحن في الجزائر. ولللإشارة للشاعر قصائد عديدة أحسنهافي رأيي قصيدة شاب الراس التي غناها الشيخ عطاللة. ومرة أخرى أشكر كل من ساهم معنا في التعريف بالشاعر والشعر الشعبي الجزائري،وأجه ندائي للأعضاء الكرام أن ينشروا كل قصائد جلول جلجلي لأنه شاعر مثقف ثقافة عالية شعره تجربة وتأريخا وحالة أدبية تعالج جوانب عدة في حياة المجتمع الجزائري والعربي. |
| الساعة الآن 11:13 PM. |
Powered by vBulletin
قوانين المنتدى