منتديات الشروق أونلاين

وجدتها قلت انشرها لكم لتغيير المزاج ، و منها نقول فتناكم و خليناكم
تقروا إخبارنا و تتبعوا أفكارنا ، و تشوفوا القائمة هل جيدة ام لا و تشوفوا هل
الصحافة الجزائرية تكتب ام لا و بعدها تدخلي لمنتديات الجزائرية
و منها منتدانا هذا و تشوفوا كاش حاجة و كاش خصام ، و بعدها تبحثوا
عن صور عادية جدا مثل صورة شاوشي وتقولوا فضيحة و لا ادري
من الفاضح و من المفضوح ، و هذه قصيدة كوفي كوجيا
و انا شعرت بانتصار على من سب الشهداء ، و يمكن لا نعادي
الشعب المصري الفقير المقهور و لا علاقة لنا به لكن معركتنا هي
مع من تعد كل الحدود حدود هي محرمة شرعا و خاصة سب
من لم يمت بل هم احياء ، لا ننسى و لا يمكن ان ننسى و بصراحة
من ينسى هو خائن ، اما الشعب المصري هو في حالوا و في امالوا و في
البحث عن لقمة العيش ان كان العيش و شكر
ملاحظة : ان صعبت عليكم كلمة في الشرح اشرحها لكم و االسلام

فَبْرَكْتُوهَا يَا اصْغَارْ الْمَعْمُـورَة ــ وْحَبَّكْتُوهَابَايْنَة خُطَّة لَنْـذَالْ

شَوَّهْتُوا تَحْكِيمْ وَ امْعَاهْ الـدَّورَة ــ انْغُولاَ تَبْقَى الذِكْرَى لَلْأَجْـيَالْ

وَرَّيْتُونَا الضَاهْرَة وَ الْمَسْتُـورَة ــ خَبَايَاكُمْ بَايْنَة وَاللَعبْ اعْيَالْ

مَسْرَحِيَة خَايْبَة مَاهِي كُـورَة ــ وْ يَاكْ الْبَغْلَة مَاتْشَبّهْ لَلْغَـزَالْ

مَنْ مَزْبَلتْ افْرِيقْيَا جَبْتُو عُـرَّة ــ بَجْنَيهَاتْ ارْخَاسْ مَشَّيتُولَحْـوَالْ
ذَا تَحْكِيمْ افْرِيقْيَا زَادْ اللَّــورَة ــ يَتْسَاوَمْ فِي السُوقْ مَنْ عَندْ الْبَقّــَالْ
هَذَا سُوقْ الْكَافْ يَبْقَى مَعْيـُـورَة ــ وَ اللِّي قَصْدُواطَاحْ مَنْ عَقْلِي وَالْبَـالْ
كُوفِي كُوجَا كَانْ سَلْعَة مَحْضُـورَة ــ حَبْ امْهَلْوَسْ كَانْتَشْرِيجِي بْالْمَـالْ
امْرَيقَلْ مَحْطُوطْ مَنْ وَذْنُو يَقْـرَة ــ وَالرُوبُومَعْرُوفْ مَا لَيهْ التَحْـلاَلْ
عَى الْخَصْم يْكُونْ نَاضَرْ في الشُـورَة ــ وِيطَبَّقْ اكْلاَمْهُمْ فَعلْ وْافْعَـالْ
مُومِيَة وَ امْحَنْطَة لَبْسَتْ سُتْـرَة ــ وْ سَحرْ الْخُفُويَاكْ مَنْ بَكْري فَعَّـالْ
الْعَينِينْ اثْنَينْ وَحْدَة قَي عَـورَة ــ مَاتُنْظُر في جِيهتْ الْخَضْرَامُحَـالْ
وِيذَا نَظْرَتْ مَا اتْسُرْ الْمَنْظُـورَة ــ جَيبْ الحَاكَمْ فِيهْ مَرضْ اللي عُضَـالْ
بِطَاقَاتْ امْلَونَة تَلْمَعْ صَــفْرَا ــ بَعدْ الْحَمْرَامَابْقَى غَيرْالتَرْحَــالْ
ثلاَثَة مَطْرُودِينْ طَيَبْهَا صُفـْـرَة ــ وَاعْطَاهَ الَخْصُومْنَا زَادَتْ تَهْـلاَلْ
مَا نْقُولَشْ مَبْرُوكْ وَ اتْجِينِي عُبْــرَة ــ وْ مَا نْقُولَشْ مَبْرُوكْ لَيكُمْ يَالَطْفَـالْ
شُفْتْ الْغِيرة كَايْنة عَندْ الضَـرَّة ــ وْ مَانَحْسَبْشْ اتْكُونْ صِيفَة للرِجَـالْ
بَعْتُونَا بَرْخِيسْ مَا نْقُولَشْ حُقْـرَة ــ وَ احْنَامَعْرُوفِينْ مَنْ نَسلْ الابْطَـالْ
جَبلْ اوْرَاسْ وْ جَرْجْرَة لَيْنَا فُخْـرَة ــمَا خُنَا تَارِيخْنَا مَن ْعَهدْ انْطَـالْ
هَيُو يَا لَبْطَالْ نُتْرُكْ ذَا الـزَّورَة ــ وَ نْمَتَّعْ عُرْبانَا في الْمُونْدِيَـالْ
الْكِبِيرْ اكْبِيرْ مَانَا بَالْهَـدْرَة ــ وْ مُدَرَبْنَا شِيخْبَ الْحِنْكَة مَــازَالْ
كَانُو ذَا لْكَلْمَاتْ فِي قَلْبِي دَحْـرَة ــ بَعدْ انْخَرْجُويَاالْخَاوَة دَمْعِي سَـالْ
تَبْقَاو عْلى خَيرْ وَصَلتْ الْفَكْـرَة ــ عَبدَ الوَحدْ هوالكَاتَبْ ذَ الْمَقَـالْ

الشاعر :عليعبد الواحد حرزالله