|
أكتشفت اخير أن الانسان يحب نفسه
طلعت و حبطت قاكتشفت ان الانسان يحب نفسه
و خاصة بتصفحي للمنتدى و بضبط منتدى النقاش الحر فوجدت كل واحد منا متشبث بشخصيته و ماسك بهندامه لا غرابة على وجهه و الغبارسابغه مشعث الشعر و موسخ الهدوم أراه خلف شاشتي الصغيرة .. خارج من صحرة خالية الاطراف ، عمقها الارض و السماء ،شاحب الوجه لا لأنه جائع فهو عنده ما يكفيه لألاف السنين. ما شد إنتباهي إليه خنجره المكنوف اليمني في الحزام ظابط به بطنه المنتفخ و هي ليست من طبيعة أهل الصحرة .. أقصد نفخ الكروش .. من طبع رجال الرمال شحب البطون و طول القامة و خاصة حين تلمحه من بعيد فهو يظهرلك مثل النخلة الخاوية المنخرة على تلها. يقول فقيه دشرتنا : النفخ علة في صدر المسلم .. كما صيفة الموس البوسعادي هو ثلاثة اضعاف السيف المتوسط .. رأسه شقيق الابرة .. حاد من جيهة .. و هو غني عن التعريف .. و بناءه الفلسفي من طبعه يخطي مرة.. يحمل بدغم و خيط ملون .. مداده أكثره أحمر و أخظر وابيض ، أبدا تجده ذهبي فهو لا يعطي الحياة الا مرة في السنة او السنتين و أكثر ما نسله بالتكبير.. ...................... إلى أين ياقوم..؟؟؟؟؟؟؟؟؟؟؟؟؟؟ طبعا أظن هو يراني كذالك |
رد: أكتشفت اخير أن الانسان يحب نفسه
قلبي يهديك واعلاه اتخمـــــــم....عارف قاع الكاتبه من مـــــــــولاها
السابق لاحق بك مسطور مزمم.....ومكتوبة في زيد اجبينك تقراهـــــــا مذكورة قرآن منزول منظــــــم.....بعد العسر اليس آية تقراهــــــــــــــا انا ننهي فيك وانت تظلـــــــــــم.....مخالف عن قول مولاك وطــــــــــه راني ننصح فيك بالاك اتنــــدم.....والنصيحة ماكش انت مـــــــــــولاها خذ الراي او توب واتماهل واسلم...وامتثل لاحكام ربي وارضا هـــــــا لعله يرحمك حاكم يحكـــــــــم......واسع الرحمة اذا تتمناهـــــــــــــــــا ربنا يهديك صراط امستقيـــــم......اذا تندم طلبتك نتولا هــــــــــــــــــا ظني وافي فيك عنا يتكـــــــرم.....ياك الظنة الوافية هو مولاهـــــــــــا واذا تسمع لي وتهدو واتنجـــم......انوريك ضرورتك واش ادواهــــــا اجتنب طريق شيطان يهــــدّم......بلسانه يسقيك نسمة محلاهــــــــــــا وبالفعل اتذوق مرارات السم.......واتولي محبته بالكراهـــــــــــــــــــا خداع او صداع واصناع اتخدم....سوء الظنة ناقصة واش اوراهــــــا نفاق وتملاق واهراق منــدم.......ونظر واش ليسلك اخبال اسداهـــــا بوليتيك ايجيك مولاه ايفهـــم......لا فطانة لا عقل لا نباهـــــــــــــــــا تنظر ليه اتشوف كيفاه اتمم.......طاسه يشربه وطاسة يملاهـــــــــــا ماذبيه ايقولك كانش ما ثـــم......انزيدو وحدة انشوفو بعداهــــــــــــــا كي تطلع له قالك راه ايخمم.....ياتيك بحكمة اذا تستناهــــــــــــــــــــا قرب الليل او طاح باسحاب امظلم..ضاع الفكر وضاعت الروح امعاها والراي اللي كان في نفسه يخدم....هدم له قاع الفنارات اطفاهــــــــا ضيع دينه صار في حالة معدم....ضيع ثاني دنيته ما سجاهــــــــــــا يهدينا ربي ويهديه المسلم......والهداي تتطلب من مولاهــــــــــــــــا وذا فالخلطة اتخالط من يفهم...القراءة الساجيين الفقاهـــــــــــــــــــــا يغنوك بحديث به تتنعــــــم....وبشريف الآية ماحلاهــــــــــــــــــــــا كمثل النجار في الزان ايسقم....يسبك فيه اسمو بالنباهـــــــــــــــــــــا من بعد ان كان اعوج امزتم....اتهذب ولى خيزرانة مبهاهـــــــــــــــا زين الفعل من البلى دايم يسلم...يفوت وقته في الهنا والرفاهـــــــــــــا عرضه زين مع العقل عنو يخدم..ليه الدنيا مايلة جر بناهـــــــــــــــــا نور الدين يهب عنو يتنسم.....تركب عنو كل حكمة يسواهـــــــــــــــا بيه ان شا الله مولانا يختم.....لنا وللمومين النباهــــــــــــــــــــــــــــــا والصلاة على الرسول المعظم..حبيبي شفاعتو نترجاهـــــــــــــــــــــا قولي للجميع والفاهم يفهم.....طالب للامة مسالة نرضاهــــــــــــــــــا ربي عالم واش في عقلي يخدم..باغي للاخوان درجة معلاهــــــــــــا عيسى عالدوام حيران ايخمم....والحقيقة عند ربي مولاهــــــــــــــــا بن علال الليل ونهار ازمم....طالب من سيدو اللي يتمناهــــــــــــــــا والصلاة على الرسول المعظم..حبيبي شفاعتو نترجاهـــــــــــــــــــــا ا لشاعر ، عيسى بن علال |
رد: أكتشفت اخير أن الانسان يحب نفسه
اقتباس:
أخي بالقاسم هذ القلب العربيد المجنون.. هذ المذغة التي تتحكم في الجسم والعقل.. لم تتركنا لحالنا وراحت نفوسنا.. منغرسة كادودة في العقل و تنقش عليه أفكارها للاطاحة به و إهزامه شر الانهزام .. وهو تحت أمرها صاغي لا عمره حس بذنب ولا أتعبته الاوامر الفتاكة .. .. فشكرا لشاعر عيسى بن علال .. وفقته الهداية لطلب المعذرة من خالق لا بعد خالق.. و شكرا لك على تقديمك له لنا.. و أهديكم هذ اتلكلمات.. .. .. يا هذ القلب ماذا بك ...؟ ...تبكي و تشتكي حائر ومحيرني معاك ما هنيتني زدت علي بالهلاك ...و عراكك عراك دخان دارك ...دائر تعرار في السماء ويح لي مساك صوبتك... للخير ...تشري تربح خسرت رأس المال ...جئتني بالهلاك هماس وسواس ... ربي ما هناك غماز تغمز .. ملئ الهوى جفاك الخير يا لفيك ... الخير ... إشهد ما غواك تنسى ليهواك.. مايبدل بالهناء رضاك عـــــــــائش في المرار .. و أنت تضك... لمن ولاك توب ياهذ القلب توب بركاك... ...من الذنوب كمــــــــــــــفاك أنطر بعين الرحمة تشوف حبيبك ...نجاك زرعو في جوفك خبث ..كبر و تعال معاك و ليت لا تعرف الصديق ...الريح لي جاء داك . بنالعياط __________________ |
رد: أكتشفت اخير أن الانسان يحب نفسه
ابق يا وطني على خير انبقيــــــــــــك......اذا دارنا المولى مســـــــــــــــــالك
ولو عندي عز في ناسك وفيـــــــــــك......حبك بدلناه باخبار امثـــــــــــــــالك ما نبطاش ان شاء الله ونولي ليــــــك.......سامحني وارض علي من بـــــــالك سال على عربان اللي خلقت فيـــــك........قاع اعراش الدايرة جملة نــــــــاسك ادزني في الغيب ربنا يحضيــــــــك.........وينجيك من البلا والمهـــــــــــــالك يجعل ثاني قوة البركة فيــــــــــــك..........وناسك ما تحتاج من طول ازمــانك هنيني يعطيك ربي ويمنيـــــــــــك...........ويسقيك بالامطار ويزين حـــــــالك قول للهم سرنا بقدرات الملــــــيك............المصرف في اجميع الــــــــممالك فا(السناية)اسم بابور يزهــــيـــــك...........اتخمل اخلى الامياه اشـــــــــــرايك قبطانه لواب بانجوم التفليــــــــــك..........له في البحور اسنين ايعــــــــــــارك سار خلفناه وادرقنا عليــــــــــــك...........عنابة والقل مرساة افلايـــــــــــــــك |
رد: أكتشفت اخير أن الانسان يحب نفسه
اقتباس:
قل له أنا نحبك .. وزايد هدي فيك. ........ كل ما نتغربت .. ليام تقربني ليك ...... أنا راني نخدم .. و بمال عرقي نفديك ...... عمري لا بيك نحشم ،علمك.. هازو الفوق ملاقيك ....... راك تشوف في بكلامي .. نبرهن،و ذراعي خطيك ....... نمعس من يجي يسحبن.. بكرعي نعفسة و نرجع ليك ....... أنت الغالي العالي.. بل ما نخمم بروحي نفديك ....... يا شاعر دير مزيا.. تلفت و شوف حوليك ...... عيط بنبرة قويا .. و أردم عفريت الدواليك ...... الصح صلح بواريك.. أرحمني الله إنجيك |
| الساعة الآن 11:45 AM. |
Powered by vBulletin
قوانين المنتدى