منتديات الشروق أونلاين - الالغاز الشعبية .................من منكم يعطيني الحل

منتديات الشروق أونلاين (http://montada.echoroukonline.com/index.php)

- منتدى الألغاز والأحاجي (http://montada.echoroukonline.com/forumdisplay.php?f=28)

- - الالغاز الشعبية .................من منكم يعطيني الحل (http://montada.echoroukonline.com/showthread.php?t=149581)

الالغاز الشعبية .................من منكم يعطيني الحل

السلام عليكم كيف حال اخواني اقدم لكم بعض من الالغاز الشعبية قديمة كانت يترفه بها ال الاجداد و الاباء و لا زالت لحد الان ... ف تفضلوا بالالغاز و من لم يفهمها و لم يعرف الاجابة يحددلي السؤال و انا اعطيع الاجابة و انتم مشكورين على الرد مسبقا:
-بابا بنا دار وماحضرش في بنيانها .و نعد النجوم و مانعدش بيبانها....؟؟؟؟؟؟؟؟؟؟؟؟؟
-كبشي بحباح ذبحتو و ما سال دمو حتى لصباح؟؟؟؟؟؟؟؟؟؟؟؟؟؟
-بيض رفروف يشرف الما كي الخروف...؟؟؟؟؟؟؟؟؟؟؟؟؟
-تتسمى بالسين والسين سنعوه الفهامة و تفهم خير من العلامة...؟؟؟؟؟؟؟؟؟
-عميه و تخيط الكتان و طرشة و تجيب الخبر مين كان و زحافة و تنقز الكيفان....؟؟؟؟؟؟؟؟؟؟؟؟
-باللحمر يلايم و باللبيض يدرس و الساقية تدي و البحر حابس؟؟؟؟؟؟
-يمشي بلا راس و ياكل بلا ضراس...؟؟؟؟؟؟؟؟؟
-اشتركت انا و غراب .في ارض بلا تراب..؟؟؟؟؟؟؟؟؟
-الغراب طار و الرخمة حطت و الحبل قصار و الجماعة تفركتت...؟؟؟؟؟؟؟
-حمر حماير في سما يطاير جيت ننقبو نقبتني امو...؟؟؟؟؟
-تمشي على راسها وتوقف على كرعيها..؟؟؟؟؟؟؟؟؟
-قدو قد الفار مالي قاع الدار...؟؟؟؟؟؟؟؟؟؟
-صباح زاد و سميناه و عشية بدلنا اسمو.و غدوا سميناه و نسمو ابنو...؟؟؟؟؟؟؟؟؟؟؟
-دخلت يدي في الصف..اح جبت الما و تفاح.. ؟؟؟؟؟؟؟؟؟
-مزود صوف و يبات يشوف...؟؟؟؟؟؟؟؟
-اكحل قرقيش مافيه لاعظم و لا ريش...؟؟؟؟؟؟؟؟
-لابس ميات عبايا و كرعيه عرايا...؟؟؟؟؟؟؟؟؟
-قدها قد الدبزة و فايت القايد باللبسة ..؟؟؟؟؟؟؟؟؟
-قطعوني على الواد و الحيط نطلعو لروحي و فوتوني على الدجاج و الكلاب ما يكلونيش...؟؟؟؟
-مدورة بنت مدور و مقسمة على ثلثة ارباع باليد تنهش و بالفم تمضغ... ؟؟؟؟؟؟؟؟؟؟؟؟؟
*-زينت و جات صابت العرس فات... ؟؟؟؟؟؟؟؟