منتديات الشروق أونلاين - بيان من السيد الرئيس؟؟

منتديات الشروق أونلاين (http://montada.echoroukonline.com/index.php)

- نقاش حر (http://montada.echoroukonline.com/forumdisplay.php?f=20)

- - بيان من السيد الرئيس؟؟ (http://montada.echoroukonline.com/showthread.php?t=15997)

بيان من السيد الرئيس؟؟

شعبي العزيز

يا شعبي حبيبي يا روحي يا بيبي يا حاطك في جيبي يا ابن الحلال

يا شعبي يا شاطر يا جابر خواطر يا ساكن مقابـر وصابر وعال

يا واكل سمومك يا بايع هدومك يا حامل همومك وشـــــــايل جبال

يا شعبي اللي نايم وسارح وهايم وفي الفقر عايم وحاله دا حــــال

أحبك محشش مفرفش مطـــــــــــنش ودايخ مدروخ وآخر انسطال

أحبـك مكبـر دمـــــــــــــاغـك مخــدر ممشـّي أمورك كـده باتكال

واحب اللي ينصب واحب اللي يكدب واحب اللي ينهب ويسرق تلال

واحب اللي شايف وعارف وخايف وبــالع لســانه وكاتم ما قال

واحب اللي قافل عـــيونه المغفل واحب البهــــــــــــايم واحب البغال

واحب اللي راضي واحب اللي فاضي واحب اللي عايز يربي العيال

واحب اللي يائس واحب اللي بائس واحب اللي محبط وشايف محال

واحــــبك تســـافر وتبعد تهاجــر وتبعت فلوسك دولار أو ريال

واحبك تطبـّل تهـلل تهبـّـل عشان ماتــــــــــــــش كورة وفيلم ومقال

واحبـك تأيــّد تعضــــّـد تمجّــد توافق تنافق وتلـــــــــحس نعال

تحضّر نشـادر تجـمّع كوادر تلمـّع تقمـــــــــــــــــــــّع تظبـّط مجال

لكن لـو تفكـّر تخـطـــط تقـرر تشغـــــللـّي مخك وتفتح جدال

وتبدأ تشاكل وتعمل مشــــــــــــــــــاكل وتنكش مسائل وتسأل سؤال

وعايز تنور وعــــــايز تطور وتعملـــلي روحك مفرد رجال

ساعتها هاجيبك .. لايمكن أسيبك وراح تبقــــــى عبرة وتصبح مثال

هابهدل جنابك واذل اللي جابك وهيكون عذابك دا فوق الاحتمال

وامرمط سعادتك واهزأ سيادتك واخللي كرامتك في حالة هزال

هتلبس قضــــــــــية وتصبح رزية وباقي حياتك تعيش في انعزال

.. هترفض هلبـّك هتقبل هاحبك هتطلع هتنزل هاجيبلك جمااااال

القصيدة اهداهالي صديق بارك الله فيه