منتديات الشروق أونلاين

سمعت أنك تزوجتي،بكيت عليك كثير.

أنت في عرسك فرحتي وأنا كنت حزين طاحت عليك دموع عيوني .

انت في عرسك تصورتي درتي الخاتم و تصدرتي و أنا طحت مريض تكواو في جالك أكبادي.
أنت قريتك بيدي سهرت عليك الليالي هديتلك عطفي و غرامي و اليوم ديتي غيري.
أنت نويتك مرتي و أحلامي تمنيتك في داري و تكوني يماة أولادي.
أنت إسمي خلاص بدلتيه بغيري و وجهي خلاص نسيتيه وحبي ليك كفنتيه و دفنتيه نسيتي ما جوزناه في إثنين و أنسيتي ما عشناه للثنين و نسيتي عشرة لعوام و سنين.

ليام تجري و تفوت علابالي تلاقينا بعد ما كنا في الماضي تناسينا .

ليام تجري و تفوت علابالي تجمعنا بعد ما كنا في الماضي تخاصمنا .

قلبي يهاجر ليك و نسى أنك خنتي و مشيتي ،كذبتي و نكرتي.

قابي يحن عليك في تانية و يذكرك انك في الماضي عشقي و غرامي.
الوقت معاك فات و الهدايا تكسرت و تلاشات و تبقى ليام تشهد علينا و الذكرايات عمرك ما تقدري تقتليها........
النجوم تشهد علينا و قصايدي عليك عمرك ماتقدري تمحيها........
راني فكرتك بليام يادرى و لا نسيتيها........

بقلمي : بورقى بشير