1. ************************************************** *******************
قال وحد العجوز في فراش الموت عيط لولاده بغا ينصحهم و قالهم جيبوا معاكم عيدان داروا عليه وجابوا واش قالهم اهادا مد الوالد لوحد الولد عود و قالوا كسروا فكسروا زادلوا واحد فكسروا بدا يزيدلوا حتى وصل 25 عود قالوا يا ولدي كسرهم فكسرهم اهادا الوالد قال لولاده روحوا يا ولادي مدام معاكم هاد الجحش منخافش عليكم
************************************************** *******************
قالك وحد السيد عندوا بزاف نتاع لغنم بصح ميصليش
راح عندوا الفقيه و قالوا نت لوكان تصلي غادي يصبح عندك ضعف هاد الاغنام داك السيد داه الطمع و بدا يصلي وديما كي يصلي يموتولوا 4 ولا 5 نتاع لغنم مسكين قعد صابر و يسنا فوخ يزيدوا حتى ماتولوا كل الاغنام الا واحد مرة فات عليه و بدا هاد الكبش يبعبع بع بع بع بع
قالوا بلع فمك علي راني نصلي عليك زوج ركعات نصبحك ميت
************************************************** ********************
قالك وحد السيد شرا وحد الكبش قبل العيد بوحد 3 اشهر بدات العائلة تلعب مع داك الكبش و لا يكل معاهم و يرقد معاهم حتى جا ت ليلة العيد الكبش مشى لوحدوا و بدا يبكي مشات العائلة تسقسيه علاش راك تبكي قالهم شوفوا كل الجيران شراو كبش العيد غير حنا لي غادي منعيدوش
************************************************** *******************
قالك كين تلاتة و حد من فرانسا و واحد من الصين وواحد من الجزائر
يتمشاو في الصحراء حتى بان لهوم وحد العفريت وقالهم نتوما غادي تموتوا بعد 10 اعوام و قالهم قولولوا نوريللكم وحد الحاجة غادي تسرا
الفرنسي قال باغي نشوف فرنسا كيفاش تولي بعد10 سنوات العفريت قال غادي البناءات تكون كلها زجاج و تطلعوا للمريخ نتوما الاوائل الفرنسي بدا يبكي خطرش ميشوفش الحالة

الصيني قال باغي نعرف الصين كيفاش تصبح بعد 10 سنوات قالوا نتوما تاني توليز ساكنين في الزاج الصيني بدا يبكي
الجزائري قالوا باغي نعرف و قتاش الجزائر تصبح مبنية بزجاج العفريت بدا يبكي خطرش يكون ميت
************************************************** ****************
كين تلات رجال فوحد السفين وحد جزائري و حد فرنسي وحد الماني
خرجلهم وحد القرش وقالهم كلكم تقولولي حاجة و لا قدرت نديرها ناكل لي قالهالي
بدا الفرنسي قالوا كولي كل الحوت لي ف البحر داك القرش كلا كل الحوت وزاد ملا الفرنسي
الالماني قالوا شربلي كل الماء لي في البحر القرش شربه وزاد كلا الالماني
جاء دور الجزائري و بدا يحوس واش يدير اهادا دفل *بزق* في يده وقال للقرش عوملي هنا
************************************************** **************
ان شاء الله تعجبكم
لا تنسوا الردود و التقيم