منتديات الشروق أونلاين - بريوش 'خفيف' بالكريم باتيسيار وقطع شكولاطة

اعجبني الموضوعــ و الوصفة و يبان ساهل و بنين

السلام عليكم
حبييت نشارككم طريقة الي عملتها للبريوش
بصراحة جا هايل خفيف وبنين

مقادير العجينة

260غ فرينة
25غ سكر
100مل حليب دافي
مغرفة ك خميرة
55غ زبدة طرية
بيضة مضروبة
رشة ملح
الطريقة
اولا نخلط الفرينة +سكر+ملح+حليب دافي مع خميرة+البيضة
بعد مانحلطو مليح نبداو ندخلو الزبدة بشوية
حتى نتحصلو على عجينة طرية و نخلوها تخمر لمدة ساعتين
مقادير الكرييم باتيسيار
250ملل حليب
صفار بيضتين
50غ سكر
30غ نشا او مايزينة
ملعقة فاني
الطريقة
نضربو بالخلاط البيض+سكر+فاني+مايزينة ملييح حتى يذوب كلشي
ممبعد نكونو حطينا الحليب يغلي ونصبو قليل من الحليب على الخليط ونزيدو نضربوه مليح ممبعد نفرغوه على الحليب المتبقي ونحطوه على النار مع التقليب المستمر حتى يتقال

بعد ما تخمر لعجينة نحلوها على شكل مستطيل كبيرلكن مانرققوهاش بزاف ونضيفو الكريم قد ما تقدري لانو رايحة بعد ماتطيب تشربها لعجينة
مع قطع الشكلاطة
ونلفوها ونقطعوها ممبعد نحطوها فالصينية ونبعدوكل قطعة على الاخرى لانو رايحة تزيد تخمر وندهنوها بالصفار البيضة +حليب

http://up11.up-images.com/up/viewimages/843f37223e.jpg

http://up11.up-images.com/up/viewimages/ebbc5f88f2.jpg

http://up11.up-images.com/up/viewimages/878dc70bbe.jpg

http://up11.up-images.com/up/viewimages/4b8ef77400.jpg
تخليها تخمر مرة ثانية

http://up11.up-images.com/up/viewimages/9cf5b59fe2.jpg

وهدا هو شكلو بعد ماطاب
لكن انا زد خليتو يحمار اكتر بعد ماصورت
وخرج احسن

http://up11.up-images.com/up/viewimages/d7fa410050.jpg

ان شاء الله يكون عجبكم وننصحكم تجربوه لانو خفيف بلبزاف