|
راسلتُ سليم يلل برسالة خاصة .. شوفو واش رد عليَ.....
وعليكم السلام كيراك خويا حكيم وكيراها جداتك وجدك وخالاتك وخوالك وعماتك وعمومك وخاوتك ونسا خاوتك وكناينك وجوارينكم وجوارين جوارينكم والروسوفور تاع لابوست تاعكم والروسوفور تاع الكار اللي يديكم للخدمة ولا للجامعة ورشيد اللي يبيع الكارنتيكة والناصر مول البيتزيريا وموح القهواجي راك تسقسي علاش طولت عليك بالرد شوف آسيدي صبت النو عندنا بزاف وطاحت الشتا وضربت الرياح وانقطعت التريسيتي يتسمى حبست لانترنات يعني ما طقتش نرسللك النهار الزاوج ثاني طفا الضو ومن بعد راح وجا وزاد راح وجا وقعدت أنا بلا لانترنات يادرى فهمتني ولاَّ ما فهمتنيش وإذا ما فهمتنيش ساهلة غير قول لي ما فهمتش وأنا نعاود نفهمك بالسياسة وإذا فهَّمتك بالسياسة وما فهمتش ثاني ساهلة قول لي ما فهمتش بالسياسة وأنا نزيد نفهمك بالقباحة وإذا فهَّمتك بالقباحة وما فهمتش ثاني ساهلة قول لي ما فهمتش بالقباحة وأنا نزيد نفهمك بالهراوة وإذا هاكا ما فهمتش قول لي ثاني كاين حل يادرى فهمت ولاَّ ما فهمتش نرجعوا ..... ... nosweat تحياتي يا الزين ملاحظة لو كان تجاوبني برسالة طويلة عريضة غادي الميكرو تاعك يطرطق بالرسالة تاعي nosweat ********* تحياتي العطرة |
رد: راسلتُ سليم يلل برسالة خاصة .. شوفو واش رد عليَ.....
في الحقيقة لو لم يكن مشرفsly لقمنا بحظره نهائيا nosweat وذلك لشبهة تعاطيه المحظورات داخل المنتدى والتصريف على الأعضاء surrender يعني سطل وصرف عليك نوري هههه سليمbleh لكن سؤال اللي محيرني بعد كل هذا الكم من الدورات الدودانات تاع الكلام ،هل مزلت في عقلك نوري؟tears يعني ياك سلامات ماهبلكش؟ |
رد: راسلتُ سليم يلل برسالة خاصة .. شوفو واش رد عليَ.....
البادئ اظلم شوفوا واش كتبلي فالضربة اللولة السلام عليكم كيف حالك اخي سليم و انا في صفحة الفايس بوك كلمني الاخ ملولي و كلمتو و بعدما كلمني كلمتو و بعدما فهم ما قلت له فهمتُ ما قاله لي و بعدها كلمني و كلمتو وو صلنا بالحديث الى الاخ مرواااان و لما سالتو عنه قالي هو بخير و رايح يضرب طلة على المنتدى و بعدها قالي راه يسلم على سليم بلغلو انت السلام قلتلو انت علاه ما تقولش لسليم قالي الناس كامل راهي غالقة البيبان ما قدرتش نرسلو .. قلتلو خاطيك راني هنا ضرك نبعثلو السوال يا خويا سليم الاخ مرواااان راه يسلم عليك .. http://www.echoroukonline.com/montad..._50%5B1%5D.gif تحياتي الفواحة بريح العطر الفواح |
رد: راسلتُ سليم يلل برسالة خاصة .. شوفو واش رد عليَ.....
و الله ما فهمت والو يا إخوتي ...ممكن تفهموني واش راه يصرى؟؟؟
|
رد: راسلتُ سليم يلل برسالة خاصة .. شوفو واش رد عليَ.....
اقتباس:
واقيلا تستحق التثبيت هههههههههههه هبلني هذا حكيم , فكرني بقصة الثرثار ومحب الإختصار الزطلة مرات كي تكون الذبانة طالعة ههههههههههه ربي يعافينا ويعافيكم |
رد: راسلتُ سليم يلل برسالة خاصة .. شوفو واش رد عليَ.....
اقتباس:
مي قبيلة صدقني جاتني صحيحة .. nosweat ///// دعنا نغير شيءا من الروتين هنا |
رد: راسلتُ سليم يلل برسالة خاصة .. شوفو واش رد عليَ.....
هههههههه شكيت بدات هك و تتلخر . . .. . .. . . . .. .. . . . . هك . . . . . . . http://i1.makcdn.com/m002/alfrasha/i...milies/058.gif . . . امزح طبعااااا bleh يسعدني ان ارى الحب و الاحترام يغذي قلوب الاعضاء جعله الله حبا اخويا صادقا ...نقي من كل الشوائب فالحب الاخوي ليس ثوابه الا الجنة ربي يديمها نعمة و العاقبة لرؤية المصالحة الشروقية الكبرى تمس كامل الاعضاء سورتو مع العيد لكبير ان شاء الله icon31 |
رد: راسلتُ سليم يلل برسالة خاصة .. شوفو واش رد عليَ.....
اقتباس:
شوفي ضرك انفهمك .. و احد النهار قدام الميكرو كنت قاعد .. وانا قاعد نخدم في واحد الصوالح طل عليا خونا ملولي بميساج في الفايس بوك اللي كنت مخليه مفتوح شوفي تعرفي واشنو هو الفايس بوك ضرك انفهمك فيه هذا الموصيبة الفايس بوك عبارة عن موقع التواصل اللي يقولولو الاجتماعي ولحد الان راني عرفت منو حاجة اسمها التواصل بصح ما زال ما لقيتش الاجتماعي ما عرفتوش كيفاش عامل ايا قلنا كنا نلعبو في البالون مع لصحاب ومن باعد .. آه نسيت قلتلك كنت قاعد قدام الميكرو surrender كي دخلني المساج قالي السي ملولي واحد الكلام . ماعليناش ما نطولوش الحديث راه السي سليم حط واشمن كلام كان بيناتنا مع ملولي ايا انا قلت لسي ملولي خاطبك ضرك نراسل السي سليم .. من باعد الو الو سليم الخط كان عندو مغلق على خاطر اللمبة الخضرا كانت طافية . .ما عليناش خليتلو ميساج من باعد عام اقصد واحد 3 ايام .. لقيت مساج تاع سليم دخل عندي كي قريتو حسيت روحي مصروع .. ريحت شوية وما زالني مصروع شوية tears خممت مليح وقلت لازم انحط هذات الميساج هنا . اسمحيلي راني كتبت شوية بزاف بصح معليهش هذي النهارات راهي يدي تاكل فيا على الكلافي ايا نقطة فاصلة عفوا لازم الفاصلة ومن باعد النقطة ... شكرا على المرور الجميل قالك نور كيم ****************nosweat .. |
رد: راسلتُ سليم يلل برسالة خاصة .. شوفو واش رد عليَ.....
اقتباس:
هههههههههههههههههه لا لا انا ماشي ثرثار busted_red انا انحب بزاف الاختصارcupidarrow على خاطر الاختصار مليح ومن باعد هذيك القصة تاع الثرثار ومحب الاختصار ياك خلاصت بمات والسلام تشفى عليها و شحال شابة و الله فكرتني في نهارات زمان يا حصراة كيما كنا صغار و نقراو تعرف لحد الان القصيدة اللي مازالني نشفى عليها هي نثر الربيع اقصد الخريف على الثرى اوراقه فتناثرت كتناثر العطرات .. وقيلة العبرات ايا غدوة ان شاء الله انكملهالك .. بصح لازم اتكون هنا ******** |
رد: راسلتُ سليم يلل برسالة خاصة .. شوفو واش رد عليَ.....
اقتباس:
و اش يدير يفكر ومن باعد يزيد يفكر و من باعد يزيد يفكر شوية فوق الي فاتت ومن باعد يتنفس ويستغفر ربي و من باعد ياخذ نفس طويل ... و يستغفر و يقول استغفر الله العظيم ومن باعد غدوة ان شاء الله انكملك الحكاية nosweat على خاطر لازم انقدم مقدمات كبيرة باش اتكون كالسلاطة في الاول بصح احنا ناكلو السلاطة في الاخر على خاطر مانعرفوش الفوائد الموجودة فيها .. لوكان نعرفو قيمة الالياف الموجودة في السلاطة نعودو ديما ناكلها في اول الاكل و الاكل اللي رانا ناكلوه انا نقولك عيان .. ايه عيان .. ما فيه والو من الفوائد . علاه ... على خاط نطبخوه بزاف وينقصو منو الفوائد بزاف .. حتى المشروبات .. . كيما الشاي .. الشاي لازم ما نطبخوهش ..على خاطر الفائدة الي فيه كامل تتطاير في الهوا .. و زيد وزيد المهم غدوة نعمللكم محاضرة في كيفية طبخ السلاطة اسمحيلي ما نطولش بزاف في الكتبة عليك .. غدوة ونكمل الموضوع على خاطر راسي راه يدور من الهدرة .. كـمـبـيـوتـر هبلني هذا السي سليم ... خرجني من عقلي .. اليوم كنت لاباس عليا ... خلاني نتكلم بزاف . تقول عندي شهور ما تكلمتش .. ما نيش معاك يا اختي سلام راني تكلم مع روحي .. في امان الله .. و الله انست انقولك موضوعك عفوا ردك كان رئع ... على خاطر الردود الشابة تاثر في نكهة الموضوع زيد انا منحبش نكتب بزاف على الرد . ..n_o نحب نستعمل ما قل ودل . راكي شفتتي كيفاش كان ردي هكا قليل . و السلام عليكم .. ************* |
| الساعة الآن 11:04 AM. |
Powered by vBulletin
قوانين المنتدى