منتديات الشروق أونلاين - سمعت الشوماج و الحيطست يهدرو هههههههه

أخوتي الاعزاء في الشوارع بلدنا الحبيبة هناك انواع و انواع من الناس هناك عمال و هناك البطال و هناك الطلاب و هناك التجار و هناك الشوماج و هناك الحيطست .................. مع كل هذا هناك راديو طرطوار يسمعوا كل شيء و يعرفوا بكل شيء

تحيا راديو طرطوار -- أي خير جديد و أي طريق جديد و أي قصة جدجدة تجدها عند راديوا طرطوار

يقول راديو طرطوار

أخوتي الأعزاء هذا الموضوع للجمع أكبر عدد من أخبار راديو طرطوار

قال واحد من الشوماج
** كنت جيعان و هامل , لقيت الناس يبكوا , عرفتها جنازة , بكيت معاهم و ضربت فيها فطور صحيح . و الله ما علا بالي لحد الآن إذا كان الميت امرأة و إلا راجلا

قال واحد زعفان
** تضاربت مع كلب لقيتو في الطريق , من بعد جاء مولاه و قال لي أنت اللي ظالم , الكلب أنتاعي ما يظلمش , ضرك تخلصها غالية من العدالة

قال واحد من الحيطست
**كنت ماشي كيما الناس , دراقاتني واحدة , ما فهمت فيها والوا , بلاك كانت غالطه في لادريسة و هذا ماكان

قال واحد من يحب بالون بزاف
شريت تلفزيون قديم , زعمة نشوف فيه كأس العالم , كي سمعت بلى ما كانش الماتشات , ندمت على رأي ورحت اللي باعولي , و قلت لو نرجعولك بالخسارة , المهم هنيني منو .

قال واحد من بلا سكنى
** سمعت بلى صاحبي أنتاع الطفولة اللي رحل مع العائلة ديالو . رجع مير , قلت نروح ليه كاش ما يعطيني سكنة , كي شفتوا قالي جامي نعرفك و جامي شفتك , و أمشي عليا ما عنديش الوقت .

قال واحد من الحيطست
شفت بنت جارنا يدراقي فيها واحد , رحت نتقابض معاه , جابتني الرجلة و النيف , قالتي هي : و أنت واش دخلك ؟

قال واحد يشتكي بزاف
قال لي واحد : واش هي فصيلة الدم ديالك , قلت لو : الشيء الي أنا متأكد منو أنو دمي بارد , لو كان جا دمي سخون راني أنتحرت هذاك العام

قال أحد مسكين
وجعتني كرشي رحت للطبيب نتاع الأستعجالات ,قال لي راك شربت حاجة على لفراغ , قلتلوا لا لا كليت الكسرة على الفراغ

قال واحد الشوماج
قال لي طلاب , أعطيني عشرة آلاف فرنك , ندعيلك تدخل الجنة , قلت لو اعطيني خمسة ألاف برك نضمن لك الجنة

قال واحد واحد متكتك
كنت جايز على حانوت , سمعت في الإذاعة أغنية بالقصبية أنتاع خليفة أحمد , أرجعتني ثلاثين سنة للوراء و بكيت على عمري للي راح خسارة

قال واحد بطال
النهار كامل و راسي يوجع فيا , ما نفع لا خل و لا باريستامول , من بعد تفكرت إني نسيت ما شميتش , ياو الشمة هي اللي تقلع الغمة .

قال واحد مسكين
ما جايش النعاس خلاص رحت رفدت كتاب قريت زوج سطور تقولني زطلت . عشرون ساعة باش فطنت

قال واحد بلا سكنى
زعمة رحت نعمل دوسي أنتاع سكنه , طلبوا مني شهادة السكن , طحت في الأرض بالضحك ,قلت لهم لو كان جايت عندي السكن , راها عندي سكنى , و ما جيش ليكم خلاص

قال واحد مطقطق
شفت في الشاعر واحد يشبهلي , أحسبتوا أنا , رحت ليه و قلت لو : أنت هو أنا ؟ قال لي تتصحك يا خويا شوف أقرب طبيب أمراض العقلية