|
رثاء المرحوم توماتية الطاهر
الحاج جعيفر يابي دونك ليا لوح جناحك يابي غطيـــــني بيه عكازة جنبي اتكسرت بيـــــــا و تـكسر فمي ماعدت نداويه ياك الطاهر كان هو عينيا و المصباح لي كنت نضوي بيه الحاج جعيفر يا بي رد عليا جاوبني قلي الطاهر ناو شبيه أنا نلقى فيه أو يخزر فيا ياك الطاهر عين راها شهقت فيه عبد الله وعلاه تظلام عليا والضوء اللي كان الموت يطفيه الجاهل من يامنك يا ذا الدنيا ومن يامنها قاع راها لعبت بيه راه الطاهر دار ذا الخية بيا خلاني وحدي وسافر صد لهيه ياك الطاهر تعرفو كيما خويا والكثرة من خاوتي هو نشتيه يخلي قاع جماعتو ويجي ليا ويحكي ليا سر قلبو ضايق بيه يشاورني ياك ومكبر بيا ياخض رايي كي رايي نا نعطيه فاتح دارو قا قبة مبنيا يضحك من قلبو ولكذب خاطيه صاحب قع الناس ارجال وذريا الضيف يلا جاه يضحك من عينيه وشهودو في لاخرة هم في الدنيا شهدلو بالخير أهلوا ومواليه صورو مانع كان امحوّط بيا خلالي ذا الفج نا ما طقت عليه قلبو طيب طابعو صفو النيا ولي قصدوا راه في القصد يهنيه حيطي نايا راب أو طاح عليا ومكانش محال من غيرك يبنيه هو فرحي كي تضياق عليا نرفد همي نجملو ندهكل ليه من بعدك ويناه ايحن عليا ونحكيلو سر , قلبي ضايق بيه جاني خبرك في صبحة شتويا ديسمبر بالذات خمس ليالي فيه احداعش والفين في الميلاديا ذا تاريخ خلاص ما عدتش نمحيه الطاهر وعلاه صديت عليا وياك تواعدنا العام نحجو فيه عندو قاع الناس قيمة مسويا ولي قصدو قاع محال ينويه الطاهر معروف في الإدريسيا وياك الجلفة كاملة تتحدث بيه مكانش كيما الطاهر في النية لي عرفو قاع من قلبو يشتيه من حرقة لفراق عيني بكايا ويا سادة وعلاه نا نزاهد فيه ادموعي عالخد سالت جرايا وياك الطاهر بالغالي نا نفديه القلب تمحمح والكبدة مشويا ما عدتش ناكل والنوم نجافيه او خيالك ما يفارق عينيا ويبعدني كي نقرب نايا ليه يا قلبي في صاحبي دير مزيا وادعيلو بالخير ربي يلطف بيه يا قلبي وعلاه اتعذب فيا هذا حكم الله نرضى ونرضيه ياك الطاهر راح من دار الدنيا فعلو للخيرات ضرك يفرح بيه يلقى دارو في الجنة مبنية وذوك الحوريات راهم فرحو بيه جاور في قلبو الزوجة المحضيا ناداتو ليها وما صبرتش عليه يحملهم ربي هو او هيا في الدنيا زوجة وفي القبر مساميه يا سادة نا خاطري ضايق بيا نكتب ذا الكلمات للطاهر نرثيه ونبعث لعمران ذا خط بريا يصبرني ونصبرو الجرح نداويه وكلامي معروف يفهم معنايا حكم الله بالكاينة لازم نقضيه الطاهر خلا دارو مبنيـــــــــــا رجالة وبنات الاسمو تحضيه سلملي على الحاجة دير امزيا خاوة واخوتات الكل نعزيه بن سالم دحمان كتب القصيا على الطاهر صاحبو يتباها بيه يا ربي يا خالقي حن عليا أنت عالم بالقلب وما يخفيه يا ربي يا خالقي عال العليا يا ستار استر قلبي من جهليه صلي يا ربي على جد رقيا والعشرة لصحاب اهلو وأهليه صديق المرحوم الشاعر : بن سالم دحمان الزعفران في 05 / 12 / 2011 الموافق ل : 10 محرم 1433 |
رد: رثاء المرحوم توماتية الطاهر
يا عليلو .. لم اقدر على تنظيمها جهلا .. فهلا فعلت وأنت القدير في هكذا أمور ؟ شكرا لك |
رد: رثاء المرحوم توماتية الطاهر
رائعة جدا وساعود إليها عندي مشكل في النت.
|
رد: رثاء المرحوم توماتية الطاهر
رحم الله المتوفي... ورحم الشاعر الذي يرثيه... ورحم الذي نقل لنا هذه التحفة... بارك الله فيك... |
رد: رثاء المرحوم توماتية الطاهر
اقتباس:
انتظر عودتك يا عليلو ..... واشكر لك رفعها ...... بالمناسبة : هل تعرف المرثي ؟ أما الراثي فهم ابن عم بن داود بن سالم لا غير ههههه ربي يخليك على هذ القصية=راني قريتها وتمعنت زين في حرفيه شاعر اكبير جبلنا ذي المرثية=يوصف في صاحبو وحزنو اعليه حصراة على ذيك الصحبة الربانية=حزن الراحل يامجزون وش يطفيه نار افراقك في القلب مقدية=قالولي صحيبك جا نعيو منهيه واللي كان يراسلني بالبرية=جاه امر المولى يتفقد فيه خلاني ورقد الرقدة الابدية=من بعد ما كان صاحب نتونس بيه نطلبوا الرحمة باسم الانبيا=والصلاه عليك يالمصطفى نبيه |
رد: رثاء المرحوم توماتية الطاهر
تغمده الله بواسع رحمته و أسكنه فسيح جناته غن لله و إن إليه راجعون |
رد: رثاء المرحوم توماتية الطاهر
رثائية رائعة رحم الله المرثي وأسكنه فسيح جناته ....آمين |
رد: رثاء المرحوم توماتية الطاهر
سيولة الكلام وفياضه كالواد الشرشار الذي طم الحناي و الكفان و لم يترك مكان إلا و غمره
جمال الاسلوب المخير.. نعم الغناء ونعم الرثاء وبارك الله الراثي ورحم المرحوم و سلامة الناقل إن شاء الله |
رد: رثاء المرحوم توماتية الطاهر
اقتباس:
رحمه الله وأدخله فسيح جنانه ... وغفر الله لقائلها .. |
رد: رثاء المرحوم توماتية الطاهر
اقتباس:
هو قريبي الذي لم اتعرف عليه إلا في الثانوية .. كان طيبا جدا ومسالما وهادئا .. الله يرحمو ويصبر والده الذي ما زال يبكيه |
| الساعة الآن 05:12 PM. |
Powered by vBulletin
قوانين المنتدى