|
إلى ثورة 25 يناير في مصر بعنوان :يا مصر هانت وبانت/تميم البرغوثي شاعر فلسطيني
قصيدة إلى ثورة 25 يناير في مصر بعنوان : ((يا مصر هانت وبانت)) (باللهجة المصرية) للشاعر الفلسطيني : تميم البرغوثي: تقول القصيدة: يا مصر هانت و بانت كلها كام يوم نهارنا نادى و نهار الندل مش باين الدولة مفضلش منها إلا حبة شوم لو مش مصدّق تعالَ ع الميدان عاين يا ناس مفيش حاكم إلا من خيال محكوم و اللى حيقعد فـ بيته بعدها خاين اللى حيقعد كأنه سلم التانيين للأمن بايديه و قالـّه همَ ساكنين فين وصلت لضرب الرصاص ع الخلق فى الميادين حتى الجثث حجزوها اكمنهم خايفين يا مصر أصبحنا أحيا و ميتين مساجين فاللى حيقعد فـ بيته يبقى مش مفهوم و اللى حينزل إلهى حارسِه و صاين يا مصر هانت وبانت كلها كام يوم نهارنا نادى ونهار الندل مش باين نهارنا نادى وبايدينا على فكرة والصبح كله فضول راح نعمل ايه بكرة إيده على الباب وخايف يلمس الأكرة ادخل يا أستاذ براحتك و البلد حرة إحنا زهقنا نشوف الصبح من برة ادخل و خرّج بقايا العتمة بالمرة الناس دى حرة و جنود الأمن مضطرة يا صُبح طلعّت روحنا لاجل تيجى ياخىّطالعين نجيبها اهه فى كل حارة و حىّحتى و لو ضربونا بالرصاص الحىّ شوف المداين كدا مفروشة خلق و ضىّ دايما مفجأة و دايما وقتها معلوم الحكم لينا و ليكى الحق يا مداينيا مصر هانت و بانت كلها كام يوم يا صف عسكر بدال الدرع شيلو اتنين 25يناير يا شباب فاكرين ؟ كان فى انجليز و وزير الداخلية تخين كان عنده برضو عساكر زيكم جامدين سابهم يموتو علاوله لمْ سأل فيهمكانو شبهكم أساميكم أساميهم يا عسكرى البهوات اللى بتحميهم ممكن يردو عليك لما تناديهم ؟! يا عسكرى أنا أصلى بس باستغرب لو لاقى تاكل و تشرب .. قوم يا عم اضرب إضرب عشان الوزير من ضربتك يطرب لكن حتشتغل ايه لما الوزير يهرب ؟! أمّا الشديد القوى القادر أبو القادر برميل تلامة نشع على مصر م الآخر لو شافته مِعَدِدَة تكتب أدب ساخر ثابت يقول للهرم يا كابتن اتاخر و لم يزل معتقد إن الهرم حيقوم آدى الحجر و البشر قايلين يا سيد القوم و الدين حيترد ياللى عشت مِدّاين يا مصر هانت و بانت كلها كام يوم نهارنا نادى و نهار الندل مش باين ده حكم أسرة و لا خوفو و لا خفرع و لا وجع بطن يتعالج بزيت خروع عمل مسوجر بعيد عنك و لا يطلع .جربنا فيه كل شىء مَ لقينا شىء ينفع مطلعش بالأدوية جربنا ألف طبيب و لا بعطارة شيوخ ليهم بلح و زبيب و لا بجحفل مغولى و ضرب بالقباقيب عمل مسوجر و سُفلى شغل تل أبيب و شغل أمريكا متغلّف و ختمه عليه ضيف زارنا ياعم من غير دعوة لابس بيه قعد تلاتين سنة مبيقولش قاعد ليه و النية يديها لابنه النابغة بعديه و يقول قضا و قدر بين البشر محتوم قلناله طيب و مين قال القدر معلوم ؟ و ايش عرّفك يا فخامتك بالذى كاين ؟ !يا مصر هانت و بانت كلها كام يوم نهارنا نادى و نهار الندل مش باين الشاعر الفلسطيني : تميم البرغوثي. |
رد: إلى ثورة 25 يناير في مصر بعنوان :يا مصر هانت وبانت/تميم البرغوثي شاعر فلسطين
بوركت يا باش مهندس وتحيه من خلالك لشاعر القدس حفظ الله مصر وكل الأمة العربية |
رد: إلى ثورة 25 يناير في مصر بعنوان :يا مصر هانت وبانت/تميم البرغوثي شاعر فلسطين
الشاعر الفلسطيني تميم البرغوثي أحببناه من خلال البرنامج المميّز أمير الشعراء و تمنيت لو حصل على جائزة البرنامج النهائية، ولكن ليس الفائز بالضرورة هو الأول ..إضمحلّ الأول وبقي تميم في قلوب ملايين المشاهدين الذواقين للشعر العربي الفصيح. لو لم تكن القصيدة لتميم لما قرأتها..لأنني استغرقت وقتا في فهم اللهجة المصرية التي كتبت بها. |
رد: إلى ثورة 25 يناير في مصر بعنوان :يا مصر هانت وبانت/تميم البرغوثي شاعر فلسطين
من روائع البرغوثي وخاصة انها تتغنى بثورة حقيقية من صنع الشعب دون تدخل
طائرات الحلوف الناتو ولا الجامعة العربية الخائنة. شكرا اخي. |
رد: إلى ثورة 25 يناير في مصر بعنوان :يا مصر هانت وبانت/تميم البرغوثي شاعر فلسطين
دي مصر يابا تاريـــخ وحضــــارة *** و اولادها كمل شاطرين و جدعان مصر مش خص قصب وحــــــارة *** ومش علاءوجمال مبارك وسوزان مصر اهرمات و أبو الهول ومنارة *** مصر السد العالي والنيل الفتــــان |
رد: إلى ثورة 25 يناير في مصر بعنوان :يا مصر هانت وبانت/تميم البرغوثي شاعر فلسطين
شكرا للزميلات والزملاء:
أم زيد عبد الوهاب طيباني علي قوادري على مرورهم الطيب وردهم المتميزولكم الشكر والتقدير.. http://alswar.allourlife.com/data/me...3418015cg1.jpg |
رد: إلى ثورة 25 يناير في مصر بعنوان :يا مصر هانت وبانت/تميم البرغوثي شاعر فلسطين
هو الله حلوة اللهجة المصرية ..
و تذكرنا باشياء كثيرة.. شــــــــجميلــــــــــــــــكرا |
رد: إلى ثورة 25 يناير في مصر بعنوان :يا مصر هانت وبانت/تميم البرغوثي شاعر فلسطين
نسأله سبحانه أن يطفئ الجمرة الّتي إشتعلت مجدّدا في مصر و أن يؤمّن الله مصر و أهلها قصيدة جميلة لشاعر له باع في الوسط الأدبي تحيّة تليق |
رد: إلى ثورة 25 يناير في مصر بعنوان :يا مصر هانت وبانت/تميم البرغوثي شاعر فلسطين
اقتباس:
شكرا وبارك الله فيك يا عزيزي (عبد الوهاب) على الرد المعطر بالوطنية..وتسلموووووو |
| الساعة الآن 05:20 PM. |
Powered by vBulletin
قوانين المنتدى