|
راني يا صاحب العقل مهيوم
راني ياصاحب العقل مهيوم مثل غريب يهوم بين جناس تايه عقلي خاطري مرشوم ماجبرت لضيقي حتى ونَّاس ناس زماني حلالهم اللوم صابو نشوة في هموم الناس لاسر يبقى عندهم مكتوم ولا تجبر في كثيرهم كيَّاس يبنوسوق الكذب والمزعوم راس المال الشر والتهراس مباسم تضحك والقلوب حموم كي مثل البارود فالقرطاس مافرزو غالي من المذموم مافرقو بين الذهب ونحاس في لثنين صارو سوى فالسوم ولاعاد يفرق بينهم قياس علاه الحق مرار فالحلقوم والباطل مرفوع فوق الراس علاه الحرة فالزنق تهوم علاه الرقبة كي كبر انقاس في ظني هذا زمان الشوم الِّي حكاو عليه أهل قياس ريح الفتنة صاطنا مسموم لا ضمير بقى ولا إحساس غاب المعنى ما بقى مفهوم وتوَّدرفي ذ الظلام وغاص حتى الفسق ضحى من العلوم وعرض الخلقة بالرجل انداس خطفت الدنيا عقول القوم وتبدَّل في كل يوم لباس فيها ياقلبي علاه تروم وكي ترضاها تجَّرحك بمواس بركاك مافي ذالغرور تعوم العود الراشي مايجي قنطاس عْييت نقري فيك يا مغشوم وغير شقيت ومابنيت الساس شربت معاك محاين المتهوم وعشت معاك معيشة التحساس ويحك قلبي طيع للمقسوم رضى مكتوبك خير ماترخاس الدنيا محال كان تدوم غدارة من شاوها تنكاس ويمضي أمر الله بالمحتوم وليس يفيد مع القضا قنباص وحق الصابر باين ومعلوم يوم الوعد يفوز بالقصاص خريف:2005 |
رد: راني يا صاحب العقل مهيوم
يعطيك الصحة ياذاك التراس=راك جبت القول بالفن المعلوم
توصف في الدنيا واحوال الناس=وش كانت وش صارت اليوم الدنيا حب ودموع واحساس=نوصيك عزها عمرو ما يدوم واحد عايش العز بلاوسواس=ولاخر هايم في كل ثنية مظلوم واحد سكنو ابيس الخناس=ولاخر بحبو الكبير ضايه مغورم ولاخر عالسكنة ماهوشي لاباس=ولاخر في الرشوة والنفاق يعوم ربي يعطينا العقل في ذي الراس=تعم البراكة ويتهنى كل مهموم شكرا جزيلا شاعرنا الرائع ولد بلمجاهد امتعتنا حقا. |
رد: راني يا صاحب العقل مهيوم
قصيدة تسيل حكمة ... فيها وصف دقيق لخلال البشر من أحسن ما قرأت .. بوركت أخي |
رد: راني يا صاحب العقل مهيوم
اقتباس:
اسعدتني بردودك الراقية شكرا لك |
رد: راني يا صاحب العقل مهيوم
اقتباس:
فتقبل مودتي واحترامي |
رد: راني يا صاحب العقل مهيوم
من أجمل ماقرأت في الشعر الشعبي هذا الوصف الصادق لزمن اليوم
قصيدة رائعة حقا حتى المجاراة من شاعرنا علي قودري جاءت رائعة فبوركتما وجزاكما الله كل خير |
رد: راني يا صاحب العقل مهيوم
وأدامك الله مبدعا وذواقا
في صفحات الشروق يا يوسف |
رد: راني يا صاحب العقل مهيوم
بركت يا بلمجاهد...
من أروع ما قرأت كلامك كي العسل فالقرجوم |
رد: راني يا صاحب العقل مهيوم
اقتباس:
|
| الساعة الآن 07:15 PM. |
Powered by vBulletin
قوانين المنتدى