|
العارم جرح كبادي
العارم جرح كبادي*غرامها في قلبي قادي عليهاجاي وغادي*والخواطر تعشق فيها كرهوها حسادي*منين عرفوني نبغيها ********************** عليها هان شبابي*وضايع عقلي وصوابي عليها جفيت حبابي*وعاديت لي امعاديها ماينساها قلبي*وخاطري متولع بيها ********************* راني عليهانواح*ولفي مسبوغة لالماح سعدي معاها جاح*ماعندي طاقة ليها ضايع ماقضيت صلاح*ولاعرفت لقصدي جيهة ********************* جار عليا جار*هواها شربني لمرار لاطالب لاعقار*سلكني من عينيها نرجى حكايم لقدار *ونطلب ربي يهديها ********************* راني يا اهل الميعاد*مثل غريب خارج بلاد من مسبوغة لثماد*أرضي راني خاليها مادرت لعقابي زاد*وعلى ربي مخليها ********************* قلبي هايم مجروح*والروح تنابي فالروح طول ايامي مقروح*همومي لمن نحكيها ولي نكتبت فاللوح*لازم للعبد يعديها ********************* سكنت في أرض حقود*مالي ليها رجال اوكود بيهم نخصل ونجود*ويخضع من هو حاضيها نسعى الزين المقدود*تزهى يامي بلياليها ********************** حزني على بطال فنات*عقبت في ذالدهر امضات كانو قبيل السادات*أهل الخصلة مواليها ولد مجاهد هيهات*جراحك تلقى باريها ********************** راح زمان الفرسان*أهل الخصلة أهل الشان نعروا العاشق غنان*خصلة يامن تحصيها جينا على عقب زمان*مالقينا بنة فيها ********************** اليوم تبدل الحال*والرجلة رجعت بالمال المراة لبست سروال*والراجل خاتم في ايديها المعزة رجعت غزال*والنعجة لمن يشريها *********************** ياقلبي عارك توب*زمانك موسخ معيوب الدنيا راها مقلوب*ظني هذا تاليها ياغافر الذنوب*أغفر ذنوبي وامحيها ................................. هذا النوع يسمى الرديف |
رد: العارم جرح كبادي
السلام عليكم يبدو لي أن الرديف هذا غنائي أكثر منه إلقائي( أليس كذلك) وبالمناسبة كلمة العارم تعني عندنا ' أنثى الطير' فهل هي كذلك عندكم |
رد: العارم جرح كبادي
تذكرنا بالوشحات الاندلسية.
جميلة ورائعة .. تقديري اخي بلمجاهد. |
رد: العارم جرح كبادي
اقتباس:
أمابخصوص رأيك فهو صواب هذا النوع غنائي إلا أن ميزته أنه يعطيك مجال أوسع للتعبير كمأ أريد العفو منكم لانني أخطئت في إسم الرديف بل هو المردوف |
رد: العارم جرح كبادي
اقتباس:
|
| الساعة الآن 02:38 PM. |
Powered by vBulletin
قوانين المنتدى