|
ياريح لِّي بدلو هبِّي
ياريح لِّي بدلو هبي----وخلِّي دمع العاشقين يسيل دمع المحنة جَّرح هْدابي---وتبدل نومي بسهر الليل حبيت وقاسيت في حبي--وهوايا ماشفت ليه مثيل راح الجهد وذاب من عطبي--وبعد العز كيفاه صرت هبيل دار الدنيا فتانها تسبي---نطلب ربي مانكون جهيل هذي شدة وجات في كتبي--ولابد بعد الصاعبة تسهيل سبحان الله عالم الغيبي--وفي أمره شتا بغيت تحيل مالك أمري خالقي حسبي---رب العزة بالعباد كفيل كان حبابي جفاو من قربي---أنا منهم مانريد جميل متجرَّح في ذالهوى حربي---شحال محاين شفتهم اقبيل تترادف لامحان في قلبي---تلقاني صبار صبر جميل أطويت ضلوعي على لهبي--وارميت حمالي على الجليل من الدنيا صفيت مشربي---واش يفيد مع الزمان خليل ماعَّز من المال في كسبي--وماشفناش العز عند بخيل قول المعنى بيه متربي----مانفزع من حديث قال وقيل ولانهيب عدو كان جا صوبي---مانخضع له مانعيش ذليل عدايا غير شقات في طلبي--ماتجري لبغال جري الخيل متربَّص وشربت من أبي----علمني كي نصارع التهويل كذا جياح ساومو وجبي--وشبل الأسد مايكون رذيل وعيطى ذياب غزات مضربي--يحسبو عرض الرجال سهيل حتى ذاقو سموم مخلبي--من بعد تلاحو جرفهم سيل وكذا من لي حاص في لعبي---حين تبعني ضاع فالتخبيل شاف محاين سايرة جنبي---أتسوَّس منها وراح عليل نعدِّيها وكي رادها ربي---من قدَّرها يديرلها تاويل مانسلَّم محال في دربي---ولا تجلبني طبايعه ذالجيل ولا يقلعني ريح من صلبي---وكي يعصف نساعفه ونميل بعد شقيت اجنيت من تعبي---ولِّي مجروح ماقرى تمثيل بستر المولى ينستر عيبي---سالك بيه ومانشوف الويل بعد الضيقة ينفجى كربي----وفضل الله على لعباد جزيل بويا وامَّا درتهم زربي-----وبرضاهم يخفاف كل ثقيل بطول الحال وينجبَّر طبي---بوزبرة وماشاف غير قليل ----في/30-10-2010 |
رد: ياريح لِّي بدلو هبِّي
كلامك بارود ما هو متخبـــــي *** نارو تحرق من كان بليل توقف الميت من تحت التربــي *** وتبري كل من كان عليل بوزبرة يا مفاجي لوعة كربـــي *** قد ما نشكرك نقول قليل |
رد: ياريح لِّي بدلو هبِّي
اقتباس:
ما أنا سوى تلميذ أمام أفكاركم النيرة فأنتم أهل الأدب والشعر غمرتني بكلماتك الطيبة يا طيب الروح شكررررررررررررررا لا تكفيكم حقكم ياكرام النفوس تقبل تقديري أستاذي |
| الساعة الآن 11:10 PM. |
Powered by vBulletin
قوانين المنتدى