|
نـــاس الــشـــروق
كلمات نابعة من القلب، القلب تكلم واليد كتبت والقلم خط على الورق
أهديها إلى كل أسرة الشروق، المشرف العام وكل الطاقم صغير وكبير، كل المنتمين إلى هذا المنتدى وكل الزوار. نــاس الــشـروق بسم الله نبدى مقدمتي *** هو الموفق وهو المسهل ربي سبحان رفدت قلمي ونكتب تحيتي *** لكل من يستهل شحال من إنسان فالمضرب اللي لقيت فيه راحتي *** واسمي فيه بدى يبان فيه ناس كسبوا محبتي *** وأقدارهم ما يـَـسـْـوَاوْ بأثمان فالأول كانت هي جريدتي *** كل يوم نطالعها بدقة مـَـرَّة و ثان واليوم عرفت و اكتشفت سعادتي *** وأنا نعوم في بحر الأنترنات يا إخوان ما نطولش كثير باش ما نطلقش سماطتي *** وما نكونش ثرثار في نظر العديان هو بالضبط من ملك رغبتي *** فالتصفح والمشاركة في جميع الأحيان منتدى الشروق بيه جات بهجتي *** في طبعتوا وتنظيموا شحال مزيان بالمهنية اللي يملكها زدت حبيت مهنتي *** قضايا وانشغالات من كل الألوان بيه اللي وصلت وسمعت كلمتي *** و عـَـرَّفـْت بيا شحال من إنسان بفضلوا مين راني نـَـنـْـشـُر كـتـيـبـتـي *** أشعاري بالقوافي والميزان فيه مين عرفت قيمتي *** قيمت شعري وتعباري والتوزان بأراء الغير نعرف مين نكمل مسيرتي *** خصوص مين يكونوا ناس الأمان بنصحهم زادت نارت بصيرتي *** هذو هوما ناس الشروق ناس الإحسان نالوا إعجابي و إحتراماتي *** حبهم سكن فالقلب يا إخوان بإذن الخالق نكون عون بقدراتي *** ولو بكلمة حلوة تخرج من اللسان وإذا غلطت وكانت كبوتي *** راجي منكم يالحباب كل النـَصـْـحـَان بإذن خالقي نـْسـَبـَّـق ديمى نـَـيـْـتـي *** الحيلة ما ناش ليها قــْــران كتبت ومزال نزيد ننشر تجريبتي *** في هذ الدنيا شبعت فيها محان بعد سنين الشدَّة جات فرحتي *** وهذ اللغز حاب نوصلوا لشحال من إنسان لغز اكتشفتوا في دنيتي *** وتيقنت بيه مع مرور الزمان لغز لا يشغل حيرتك وحيرتي *** ألاّ وهو الصبر للرب المنان لا نكثر ونـْطـُوَّل في كلمتي *** هذ المشموم رشيت عليه بالمسك والريحان لأن الناس اللي ذكرتهم في قصيدتي *** ونسجت عليهم هذ القافية والميزان يستهلوا نعطيهم كل ثـيـقـتـي *** ونسير في دربهم مغمض لـَعـْـيـان أنا العبد الضعيف هذي هي نيتي *** نكون من ناس الشروق لـَـزْيـَان محمد رضا اسمـي ،علـي هي كـنـيـتـي *** إنشاء الله نكون عند حـُسْن الضـْـنـَان بالصلاة والسلام على قـُـرتــي *** قرة العين نبينا خاتم الأديـان والتكال على من غير ليه سجدتي *** للرب العالي الواحد الأحد الـدَيـَّان من عين طاية هي مدينتي *** نرسل سلامي إلى كل مكان لكل من قرى هذي هي ورقتي *** وكل من زار المنتدى يرجع فرحان ليكم كلكم هذي متواضعة هديتي *** وأدعوا بالرحمة لناظم هذ الميزان 20 فيفري 2012 |
رد: نـــاس الــشـــروق
بورك في قلمك أخي ..شعر ولا أروع |
رد: نـــاس الــشـــروق
يعطيك الصحة خويا محمد رضا..ابدعت..
|
رد: نـــاس الــشـــروق
سلام يا سلام.
شكرا يا محمد رضا... ربي يوفقك في درب الشعر يا شاعر... |
رد: نـــاس الــشـــروق
اقتباس:
منتدى الشروق يقول لك: بأمثالك يا محمد تزيد قيمتي *** وبأشعارك نكبر ونحلى في لعيان يربع ربيعي وتفتح زهرتــــي *** تنشر الروايح الفل والريحـــــــان |
رد: نـــاس الــشـــروق
اقتباس:
ما شاء الله عليك أستاذنا أهديني بيتين أهديهما بدوري لأخينا الشّاعر ردّا على قصيدته الجميلة دمت شروقيّا أيّها الشّروقيّ الأصيل قصيدة رااائعة تحيّة تليق |
رد: نـــاس الــشـــروق
شكرا لكم إخواني على التفاعل وردودكم الطيبة التي أثلجت صدري، وزادت لي عزيمة على إكمال المشوار مع ناس من أمثالكم وكل المنتسبين وكل زوار هذا المنتدى
|
رد: نـــاس الــشـــروق
من عين طاية هي مدينتي *** نرسل سلامي إلى كل مكان
لكل من قرى هذي هي ورقتي *** وكل من زار المنتدى يرجع فرحان ليكم كلكم هذي متواضعة هديتي *** وأدعوا بالرحمة لناظم هذ الميزان ------ صبحان الله الدنيا صغيرة ليام فيها غادية تجري كاينين اللي حاسبينها كبيرة سماها وبحورها و بري منتدى الشروق جلبني مريرة نلقى فيه أولاد وكري نلقى فيه عقول نايرة بصيرة و قلام فوق الحروف تجري اخطيتهم والمسافة قصيرة من عين طاية البرج البحري سلام |
رد: نـــاس الــشـــروق
إلى كل الأعضاء الجدد والمنتمين لهذا المنتدى مؤخرا وكل الزوار الجدد أهدي لكم هذه القصيدة المتواضعة و هذه الأبيات
لكل من قرى هذي هي ورقتي *** وكل من زار المنتدى يرجع فرحان ليكم كلكم هذي متواضعة هديتي *** وأدعوا بالرحمة لناظم هذ الميزان |
رد: نـــاس الــشـــروق
رائعة من روائعك أخي
ننتظر المزيد |
| الساعة الآن 12:42 AM. |
Powered by vBulletin
قوانين المنتدى