|
قصيدة الوطنيه مع الاحترام التام لكل رموز الوطن من شهداء ومجاهدين ووطنيين مخلصين
يــا سامـــع شعري اعللوطـنيا* و اسـرشلي زيـن شعري خمم فيه و ما تحكمــش احكام عني سطحيا* انتفهم قولي فـي احكامك كون انزيه كون اثقيل ارزيـــن ديـر العقليا* و ادرس قولي حــللو و اتعمق ليه حــاشاه النشيد و امعاه الـــرايا* و الشهيــد امكــانتو رب امعليه امــع لنبيا و الصـــحابه عاليا* درجـاتو فـي جنتـو معـروفه بيه ذوك ارمــوز ابــلادنا حق اعليا* انقدسهـم و اولادتـي عنهم نوصيه فرض اعليه واجبــي موش امزيا* و اللي صاير للوطن مـاني راضيه اندد بللّــــي زيـــف الوطنيا* و عــاد ايتـاجر بلوطن و انبه ليه اويشـــدق يحـــكي اعللوطنيا* يظـاهر بيـها القول اموجــه ليه ما هيــش التصـفاق وسط الجمعيا* و ماهيش النشيد و الشعــر انقنـيه و ماهيش الـــوقوف وقفه رسميا* أعلى قبر الشهيـد بقــوال انحييـه و ما هيش التكلام بأصــوات اقويا* ول اكلام امن لخطب والفنــه بيـه و ميـش البـكي اعلى اطلالا ماضيا* بكري كــنا هكـــذا ليـنا تحكيه ماهــو قصـدي نتــركوها هاذيا* لكنهــي مهيــش للـوطن اتنميه هي صحيــح امظــاهر الوطنـيا* من يثبت بللي اصحيحه لا تمـويه؟ ! و مــــا هيش التملاق فلمسؤوليا* و ماهي حب افلان مسـؤول اتزكيه و ما هي حـب احزاب ولى جمـعيا* و ما هي سب اللي انت ماكش شاتيه وماهي قـول اشعــار ولـى أغنيا* وفيها مس اللي انتا ماكـــش بقيه و ما هي مدح احـزاب ولى شخصيا* ولى فوضى كــسرت وطنك تخليه و ما هيش اعتصـــام ولى حاميا* ذا تهــور هــدم الـوطن اوياذيه و ما هـي كلمه فصحــف واذاعيا* ولى فتلــفاز مــولاه اتــوريه و ما هيــش التصــريح للأجنبيا* عيب ابلادك تــذكرو تتــلذذ بيه و ما هي سب اللي أخـطا المسؤوليا* بعد ان فــارقها اتــولي تقدح فيه و ماهي سب اللي ارحل من ذا الدنيا* خلي بينــو بين مــولاه ايكـفيه ياســـر من نهبوا اموال اعموميا* وايقلك وطنــي انحبــو نا نشتيه اللي يشتي وطنـــو ايدير الرجليا* ومــا ينهبش اموال لمه ما هي ليه الوطني: من حــــب وطنو بالنيا* أبــدا مـن حـب وطنـو ما ياذيه حـب الـوطن ايمـان حاجه مخفيا* في قلب اللي حب وطنــو كامن فيه يظهر فـــي وقـت الشدايد و ابليا* وقت المحنه من اشتــا وطنو يحميه الرجـال اتبــان وقـت اللــزميا* اللي ماهانوا ذا الوطـــن هم اماليه الوطني : من لـــم شمـل ابتسويا* و ما ينويش الشر لبـــلادو يشتيه و كلا مو بلـخير فـــي كل اثنيا* اعلى وطنو يسعى الخيـرو وايسديه و اللي قـــالط ينصحــو بلعقليا* لطريق الصواب يــرجع و ايرضيه لا يهداهـش يتـــركو للــهاويا* ول ايــزيد ايتلعــو وايدير الهيه ايخـمم عـن وطنو اصباحو و عشيا* و ما يـرضاش اهانتو و يموت اعليه لو جــا منــا كــل واحد داعيا* للجمله و الخيــر وطنو مخلص ليه ما كـانتش ابــلادنا هــاذي هيا* و ما نظتش اولاد وطني تخرب فيه ضحكنا لعــدا اولــد الــروميا* وطن الثوره واجــهاد اعبـثنا بيه المساجد ولات عـــادت حــزبيا* و كل آخر حزبو امقيد طــرح ليه و الخاوه ولاوا نعـت اصحــوبيا* و الوالد لولادتو ما حــظو بيــه او عدنا نمشوا فشـــوارع فتــايا* اللي ولاك امــن القـواشي تستفتيه يفتيــلك و يحــل هــذا القضيا* و احروف اسمو مـا اقراهاما تعنيه و اهل العلــم اتوخــروا ولي تقيا* و اهل الفتنه و اجــهل طلوا منهيه حب الوطــن :اخلاص يا سامع ليا* كل آخر فـي منصبـــو يلتزم بيه حب الوطـــن: انفكـروا فلحريا* اللي جـــابوها للوطن وصاواعليه أمانه خــلاوها نعــت اوصــيا* شهدا ضحــاوا علوطـن او ما فيه بعـض النــاس اجــناو علوطنيا* و خاين بيتولا اديــر العـس اعليه و اللــي شــدوا للرشاوي واهديا* و الهديه بدايت الــرشوه تنــبيه قالــوا عــرسول شــد الهـديا* و ذاك اللي معصـوم واش ادانا ليه ياك العبـــد اذا اقبـــل للهديـا* حتى الـرشوه سـاهله لوكان اتجيه و حب الوطن: اتقول ذا فرض اعليا* بيه اتقوم اتحــس واجبــك اتأديه و ما تطلبش احقوق عنــدك مسميا* أنتأدي ماراه واجــب و تـــوفيه الواجب قبل الحقــوق أول بــديا* عند الناس المخــلصه وأهل التنبيه المخلـص محـــال يشت الآذيـا* لبــلادو وأولاد وطنـو و القشيه ماني فيــلسـوف مــوله نظـريا* و ما الفــت اكتـاب للناس انوريه و ما نيــش اكثــر فتكـم وطنيا* ياسر مثلــي شـافو وطنـو يبكيه أنا قلــت انقــول مـا حق اعليا* لعلى قـولي العــاقل يقنــع بيه و نتهنى من خـاطري ضــايق بيا* و داوسنــي قــداه مره و انسيه أمـــانه بلغتـــها كتــــابيا* ننطقها في كل مجمـع نحضـر ليه لعلــى بيــها أرضــي مولايا* و نخدم وطنـي ما ارضيش امعـديه و انبه لخــــوان فـي ذا القصيا* نتبهو لوا ذا الـــوطن هيـا نبنيه يكفي شعــارات جــــوفا خاليا* ما خدمت هذ الوطن مــا فادت فيه شعر : لمباركي بلحاج مسعد الجلفه |
رد: قصيدة الوطنيه مع الاحترام التام لكل رموز الوطن من شهداء ومجاهدين ووطنيين مخل
هكذا أحسن أيها الشاعر المسعدي الرائع سليل بلخيري محفوظ وطلليته المشهورة..
عجبتني ياشاعرنا هذي القصية=وعجبني شعرك راني نباهي بيه ربي يحفظك بركة قع الاوليا=وتزيدنا من اشعارك ومما تكتب فيه وصلى الله على جميع الانبيا=ومتننساش طه صلى الله عليه محبتي أخي بلحاج نتمنى أن نراك كثيرا. |
رد: قصيدة الوطنيه مع الاحترام التام لكل رموز الوطن من شهداء ومجاهدين ووطنيين مخل
شكري ليك اكثير يامشرفيا0بتوجيهاتك نعملوايااستاذي0عليكم سلام منا تاحيا0نايه والمحفوظ فلخطره هاذي 0نتمنا لقاك صبحه وعشيا0 اتجيني ول انجيك نابيك انهاذي 0
|
| الساعة الآن 10:28 PM. |
Powered by vBulletin
قوانين المنتدى