|
تحية بوكحيل (1999)
ياقاصدنا بيك سهله ومرحـــــــــب قرَّب لينا في أبلاد الرجالــــــه كانوا بكري للعدو سهم أمْصــــوَّب حملوه السَّلاح مــــــا هم ذلاَّلــه بيكم نفخر كل مرَّه ما نكــــــــــذب يستبشر من شافكم في ذا الحاله بيكم جبل أكحيل فارح ويرحّـــــَب قال أحبابي جاو عنِّي سوَّالـــــه نعت أسود أفرانسا منهم ترعــــب سكنوا فيَّه فلعدو داروا حالـــــه والشاهد موجود ضركه فلمضرب أحطام الطيرات مزال أقبالـــــه كانوا نعت اسود وطيوره ترهــب اللِّي صبـوا عنها أبصبه قتَّالــــه ذوك أرجال وجودهم لينا مكســب من بكري لليوم عنهم قوَّالـــــــه مَّجدكم تاريخكم عنكــــــم كاتـــب ومدَّون معروف في كل أعماله يقراوه لجيال فجرايـــــد وكتــــب ومسجَّل بحروف تضوي تتلاله جبل أكحيل اليوم فاحر مَطــــرَّب لابسه لبسه نايليـــــه عدَّالـــــــه متحزَّم بعـــلام والنَّجمـــه تلهـــب أخضر وابيض فيه حمره شعاله مشَّوَّق لجيــــوش كانت تـــــدَّرب للتَّحرير أجيوش تمشي قفَّالـــــه للولايه الساتــــه جيش أمـــــدَّرب صنعوه الرَّجــــال باذنو تعالـــه جبل أكحيل اليوم زاهـي متأهـــب وحتى جبل أوراس مثلو فلحاله قال أحبيبي كان مثلــــــي مشَّقَّــب عشت أنا ويــــاه ظلمه قتَّالــــــه كنَّا جمله قاع علحــرَّه نضـــــرب قاسينا لمحان في كـل أمسالــــه كم من واحد مات برصاص أمثَّقَّب شهداء ضحَّاوا نالـــوا جلالـــــه وكم من واحد مات بالنار أمعذَّب حرقوا جسمو ذوبــوه البهدالـــه وكم من واحد سلطوا عنو مكلــب قسموا جسمو سربحـوه العمالــه وكم من واحد مات فسجن أمصلَّب وآخر داروا في أعظامو شعالـه وآخر منفي مات عنها متقــــــرَّبْ أعلى وطنو فطموه غير الرساله وآخر عاش أبنص جسمو متعطَّبْ يمشي علقيلات معطوب أدلالــه وياسر من شفناه مشـــوَّه شاحـــب وجهو راح أشطار محروق انكاله والحيِّين أشهود عن قولــي نكتــب سقسيهم يعطوك عثَّوره دالـــــــه واليوم الحمــــــدو لله نلنا مطلـــب نلنا لستقلال مـــــانا بدَّالـــــــــــه وتلقاوا أحبابنا في ذا المضـــــرب بر أجهاد أصحيح ناسو كمالـــــه بر الثوره والكرم بيكــــــم رحّــَب مافيناش أبخيــــل مانا عمالــــــه والشاهد تاريخنا عنـــــــــــا يكتب ومجيكم دليل للِّـــــي عقالـــــــــه من عهد الأمير جالينــــا قاصـــب عاوناه أبمال عـــــنُّو سَّهالـــــــــه أجملنالوا مال لثَّــــــوره ينصـــب وكاين من دخلوا الجيشو كمَّالــــه وحتى فلمقاومه لينــــــــا مضرب من عبد الرحمـــان جنَّد خيَّالـــــه وبن عياش النَّايلي محـــال أهرب منُّو جيش أفرانسا ذاق أنكالـــــــه حاشي ومثالو اكثيــــره لا تحسب وما تحصيش أعدادهم حتى الآلـه مجاهد وشهيد ومسبــــل عاقــــب هاين عمرو علــوطن ياسوَّالـــــه ذا تاريخ أبــلادنا ما فيهمش ســب من بكــري لليوم ناسو رجَّالــــــه وأقتلناه ونيس ثمّــــَه فلمضــــرب لجميــع الخيَّـــان نحــن قتَّالـــــــه واللِّي حب أبلادنا لينـــــــا قـــرَّب وخاين وطنو عدنا غير أحثالــــه يا وطني يحميك ربـــــي ما تنكب يحميك الرَّحمن من ذا العمالـــــه حب الوطن إيمان ذكرتـــها لكتـب وحديث الرَّسول شاهد بمقالــــــه خاين وطنو واش قولو عند الـرَّب قدوه يوم الهول سهمو شقلالــــه ياسامع حي ادزايـــــر لا تلــــعب وطن الثوره بيه يفخر من والـــه وأقر فتاريخ صفحتنــــــا تعجـــب مرشوشه بالدم حمــــرا توَّالــــه ما تسمعش أكلام خبثـــــا تكـــذب قالــــــوا ذا ديقول مد استقلالـــه قدَّمنا مليــــون شهداء واجــــــــب وزدنا نصُّو بيه عــــدَّه تكمالـــه من أجلك يازايخه شي ما يصعـب نفديك أبلرواح مكَّــــانش لالـــه ونحيي المجاهدين أجميـــع أنحب عشُّهداء نقراو حزب وبسمالــــه ونتلقاوا أن شا الله يوم أمناســــب مثل اليوم يكون عرس وتجوالـه :4: :4: :4: |
رد: تحية بوكحيل (1999)
ونحيي المجاهدين أجميـــع أنحب عشُّهداء نقراو حزب وبسمالــــه
ونتلقاوا أن شا الله يوم أمناســــب مثل اليوم يكون عرس وتجوالـه والله يافارس شعرك يعجب=معدل وأنت فحل شريف السلالة فاجيت عني وعمري مانكذب=نشكرك ياشاعر في ذي العجاله رائع كما عودتنا أيها الشاعر المسعدي واظنك طعبي والله أعلم. |
رد: تحية بوكحيل (1999)
جزاك الله كل الخير ، اللهم أكرم كل المجاهدين الأحرار وارحم شهدائنا الأبرار في دار القرار واسكنهم في جنة الخلد في تلك الدار.
|
رد: تحية بوكحيل (1999)
انا شاعر مسعدي يامشرفنا 0 ماني طعبي نسبتي نا عيفاوي 0 الشعراء في كل عرش ونايلنا 0 ماهو شرط نكون طعبي جلفاوي 0
|
رد: تحية بوكحيل (1999)
اقتباس:
اطربنا بشعرك ياخويا لاتحرمنا=بحرفك راه المنتدى ضاوي محبتي |
| الساعة الآن 09:46 PM. |
Powered by vBulletin
قوانين المنتدى