|
كوكا لمن يريد أن يعرفها...؟!
سيداتي...أوانسي...ساداتي سلام الله عليكم ورحمته تعالى وبركاته اليوم بعدما شفت أم خيرو حطت ميني بتزا ،وبتزا على شكل وردة.....وأنا الصراحة نعرفهم رح نزيدلكم هذي من عندي حنا نسموها" كوكا " المهم بشهادة الكل لي ياكلها يعشقها (مانيش نبالغ) رغم أنو نفس المواد لي نستعملو فالبتزا إلا أنو المذاق يختلف(جربو ورجعولي لخبر) بسم الله أولا تديري لعجين للبتزا لي كامل تعرفوه(لي ماتعرفش تقولي) كوريهم كرايات صغار وأتركيهم يخمرو ثانيا توجدي لاصوص حبة بصلة مفرومة تقلّيها على نار هااادئة من جهة جيبي 4أو5 حبات طماطم تنحيلهم القشور والبذور و ترحيهم بالمكسور ....كي يتقلى لبصل ضيفيهم مع الملح وفلفل أحمر وفلفل أسود وزعيترة إن توفرت... خليهم يطيبو فالأخيركي توجد برديها وعاودي رحيها بالميكسور أحسن ثالثا وجدي وش عندك( لحم مفروم أو دجاج مفروم قلّيه في شوية زيت وملح وفلفل أسود) أوحتى طون ممكن ،معدنوس مفروم،الفطريات معلبة حمسيهم فالمقله مع شوية زبدة نارقاويه، زيتون أسود أو أخضر أوكليهما (الأخضر غليه نحيلو الملح)،بيض مغلي سكرفجيه ،قطعي الجبن قطع صغيرة والجبن المبشور نبداو على بركة الله : تحلي كرية تكون خمرت طبعا سبقي الفرينة ممبعد نصف مساحة القرص لي عملتيه دري فيه شويه صوص تومات شوية زيتون،لحم مفروم،قطع جبن،الفطريات ،معدنوس،بيض مكرفج، http://arab4load.info/uploads/d35913388847141.jpg ممبعد غطيهم بالجبن المبشور http://arab4load.info/uploads/d35913388847152.jpg وحطي نصف القرص الفارغ http://arab4load.info/uploads/d35913388847153.jpg فوق لي عمرتيه وحكميهم مع بعض بواسطة الفرشيطة (غطسيها فالفرينة وعبزي مليح) مالفوق ديريلها صفار البيض هكذا وتطيبيهم على نار متوسطة http://arab4load.info/uploads/d35913388847154.jpg :13::13::13:وبصحتكم:13::13::13: http://arab4load.info/uploads/d35913388847165.jpg نسيت أن أصور المرحلة الأخيرة:19: فوجدت هذه في هاتفي لحسن الحظ.....(ماتحفتهاش:10:) |
رد: كوكا لمن يريد أن يعرفها...؟!
الله يبارك
كوكا شهية...الحمد لله جئت قبل البقية آكل واحدة تكفيني للغداء و هم يتقاسموا الباقي تسلم الأيادي ...يا طباختنا الماهرة. |
رد: كوكا لمن يريد أن يعرفها...؟!
الله يسلك غاليتي أم زيد والله أسعدتيني بمشاركتك وبما أنك الأولى ديهم قع بصحتك:11: |
رد: كوكا لمن يريد أن يعرفها...؟!
اضن اني ساقدم استقالتي من قسم الكوزينة:2:
هااااااااايلة الكوكا اللي اخدمتيها و خصوصا كي عبزتيها:19: تعرفي نخدمها بصح بعجينة الفويتاج يا ريت تحطبلي مقادير العجينة:10: يا بخخخخختك يا نبيل:12: ضوك ترجع كيما عمر القبي:1::1::1: |
رد: كوكا لمن يريد أن يعرفها...؟!
شكرا لك على الوصفة
|
رد: كوكا لمن يريد أن يعرفها...؟!
اقتباس:
تصدقيني ويلا قلتلك يظل يزوخ عليا بلاتاي تاعو وبلي هو جامي يسمان:3: عندو 10سنين وزن واحد ماتغير مي ملي تزوج بست بيت زيي زاد شحاال؟ لن تصدقي!!...زاد 10كيلو الله يبارك :19:(مي ماخسرش بزاااف يعني مايبانش بديييين:16:) |
رد: كوكا لمن يريد أن يعرفها...؟!
اقتباس:
الله يسلمك بلا مزيه أخي |
رد: كوكا لمن يريد أن يعرفها...؟!
السلام عليكم و رحمة الله وبركاته ما شاء الله على الشطارة... تبان تشهي... يظهر لي هذه الايام رايحة تزهينا باطباقك الشهية.... |
رد: كوكا لمن يريد أن يعرفها...؟!
يعطيك الصحة امينة . الوصفة هايلة وفي منتاول الجميع وتبقى الحشوة حسب الذوق . الله يبارك فيك .بالمناسبة الصوركانت جيدة.ماشاء الله. |
رد: كوكا لمن يريد أن يعرفها...؟!
يعطيك الصحة اختي
|
| الساعة الآن 11:31 PM. |
Powered by vBulletin
قوانين المنتدى