منتديات الشروق أونلاين - جلسة مع الزمااااااااان........

منتديات الشروق أونلاين (http://montada.echoroukonline.com/index.php)

- منتدى الشعر الملحون (http://montada.echoroukonline.com/forumdisplay.php?f=65)

- - جلسة مع الزمااااااااان........ (http://montada.echoroukonline.com/showthread.php?t=205109)

جلسة مع الزمااااااااان........

السلام عليكم ورحمة الله وبركاااااااااااته

كي العادة نقعد نحكي مع زماني......
ألّي نفهمو وديمة يفهمني...
قلت: يا صاحبي فرّغ ألّي في قلبك وسمّعني.....
راني جزء منك وأنت جزء منّي....
قالي: كرهت من ناّسي ألّي غدروني...
أعطيتهم قيمة وهوما ما قادروني....
زادوا في جهلهم وزادوا جرحوني.....
محاو كل شي حلو وجميل يهمني...
والمصيبه أنهم عصاو ربّي ألّي خلقني...
هاذو ماشي ناسي ألّي تربّاو في حضني....
هاذو ماشي ناسي ألّي عطيتهم حناني....
قلت: يا صاحبي أتنفّس وسمّعني....
هاذو ناسك هاذو ناسك صدقني...
لازم نتقبلوا الحقيقه الّي تعذبك وتعذبني....
بصّح رد بالك تقول الكل تخلاّو عنّي...
عمرك تفقد الأمل أوعدني أوعدني...
أنا من ناسك ألّي الدنيا ما رح تغرني...
أنا من ناسك ألّي طوّر وتبني...
أنا من ناسك الصالحين كون متهنّي...
تبسّم زماني ودموعو تسقيني...
قالّي: شخصيتك الصادقه تنقضني...
طيبة قلبك وكلااامك يعجبني....
أنت صديقة وفيه عمرك خليتيني...
وقوفك معاي فالمحن خلاّني...
خلاّني نكتشف صفات منّك تجذبني...
ما نفقدش الأمل هكذا علمتيني...
ربي يخلّيك ليّا ومنك ما يحرمني.....

من تأليفي: سميّة" خواطر مكسورة"